ဆာ​လံ 30:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ အို ထာဝရဘုရား​၊ ကိုယ်တော်​သည် အကျွန်ုပ်​ကို​ဆွဲတင်​တော်မူ​ပြီး အကျွန်ုပ်​၏​ရန်သူ​တို့​အား အကျွန်ုပ်​ကြောင့် ဝမ်းမြောက်​ရ​သော​အခွင့်​ကို ပေး​တော်​မ​မူ​သောကြောင့် ကိုယ်တော်​ကို အကျွန်ုပ်​ချီးမြှောက်​ပါ​မည်​။

Common Language Bible

¹ အို ထာ​ဝ​ရ​ဘု​ရား၊ ကိုယ်​တော်​ရှင်​သည်​ကျွန်​တော်​မျိုး​ကို ကယ်​တော်​မူ​သော​ကြောင့်​လည်း​ကောင်း၊ ကျွန်​တော်​မျိုး​၏​ဝေ​ဒ​နာ​ကြောင့် ရန်​သူ​တို့​အား​နှစ်​ထောင်း​အား​ရ​ခွင့်​ကို ပေး​တော်​မ​မူ​သော​ကြောင့်​လည်း​ကောင်း ကိုယ်​တော်​ရှင်​အား​ကျွန်​တော်​မျိုး​ထော​မ​နာ ပြု​ပါ​၏။

Garrad Bible

¹ အို ထာ ဝ ရ ဘု ရား၊ အ ကျွန်ုပ် ရန် သူ တို့ အား ရွှင် လန်း ခွင့် မ ပေး ဘဲ၊ အ ကျွန်ုပ် ကို ဆယ် ယူ တော် မူ သော ကြောင့်၊ ဂုဏ် တော် ကို ချီး မြှောက် ပါ မည်။

Judson Bible

¹ အို​ထာ​ဝ​ရ​ဘု​ရား၊ ကိုယ်​တော်​ကို အ​ကျွန်ုပ်​ချီး​မွမ်း​ပါ​မည်။ အ​ကျွန်ုပ်​ကို ဆယ်​နုတ်​တော်​မူ၏။ ရန်​သူ​တို့​သည် အ​ကျွန်ုပ်​အ​ကြောင်း​ကြောင့်၊ ဝမ်း​မြောက်​ရ​သော​အ​ခွင့်​ကို ပေး​တော်​မ​မူ။

ဆာ​လံ 30:1 Referencias Cruzadas

၂ ရာ 20:3

ဒါဝိဒ်​မင်းကြီး​သည် မိမိ​နန်းတော်​ရှိ​ရာ​ဂျေရုဆလင်​မြို့​သို့ ပြန်ရောက်​လျှင် နန်းတော်​ကို စောင့်ရှောက်​ရန်​ထားခဲ့​သော မောင်းမ​ဆယ်​ဦး​ကို​ခေါ်​၍ အကျယ်ချုပ်​ချထား​လိုက်​လေ​၏​။ ရှင်ဘုရင်​သည် သူ​တို့​ကို အစာရေစာ​ထောက်ပံ့​ပေး​သော်လည်း သူ​တို့​ထံ မ​ဝင်​တော့​ချေ​။ သူ​တို့​သည် သေ​သည့်​နေ့​တိုင်အောင် မုဆိုးမ​ဘဝ​နှင့် အကျယ်ချုပ်​ခံရ​ကြ​၏​။

၂ ရာ 24:25

ထို့နောက် ဒါဝိဒ်​မင်းကြီး​သည် ထို​နေရာ​တွင် ထာဝရဘုရား​အဖို့ ယဇ်ပလ္လင်​ကို​တည်​၍ မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​လေ​၏​။ ထာဝရဘုရား​သည်​လည်း တိုင်းပြည်​အတွက် အသနားခံ​သည်​ကို နားညောင်း​တော်မူ​ပြီး အစ္စရေး​လူမျိုး​တို့ ခံရ​သော​ဘေးဒဏ်​ကို ငြိမ်း​စေ​လေ​၏​။

၂ ရာ 5:11

တိုင်ရာ​ဘုရင်​ဟိရံ​မင်းကြီး​သည်​လည်း သစ်ကတိုးသား​များ​နှင့်တကွ လက်သမား​များ​၊ ကျောက်ဆစ်သမား​များ​နှင့် တမန်​တို့​ကို​ဒါဝိဒ်​မင်းကြီး​ထံ စေလွှတ်​၏​။ သူ​တို့​သည် ဒါဝိဒ်​မင်းကြီး​အဖို့ နန်းတော်​ကို တည်ဆောက်​ပေး​ကြ​၏​။

၂ ရာ 6:20

ထို့နောက် အိမ်သူအိမ်သား​တို့​ကို ကောင်းချီးပေး​ရန် ဒါဝိဒ်​မင်းကြီး ပြန်လာ​သောအခါ ရှောလု​၏​သမီး မိခါလ​သည် ထွက်လာ​၍ ဒါဝိဒ်​မင်းကြီး​ကို ကြိုဆို​ပြီး “​ယနေ့​တွင် အစ္စရေး​ဘုရင်​သည် ကျွန်ယောက်ျား​၊ ကျွန်မိန်းမ​များ​ရှေ့​၌ စိတ်လွတ်ကိုယ်လွတ်​ကခုန်​နေ​သည်​မှာ ကျက်သရေ​ရှိ​လှ​ပါ​သည်​တကား​။ လူမိုက်​တစ်​ယောက် စိတ်လွတ်ကိုယ်လွတ်​ပြုမူ​သကဲ့သို့​ပါ​တကား​”​ဟု ဆို​၏​။

၂ ရာ 7:2

ရှင်ဘုရင်​က ပရောဖက်​နာသန်​အား “​ကြည့်​ပါ​။ ငါ​သည် သစ်ကတိုးသား​ဖြင့်​ဆောက်လုပ်​ထား​သော​နန်းတော်​တွင် နေ​ရ​၏​။ ဘုရားသခင်​၏​သေတ္တာ​တော်​မူကား ရွက်ထည်​တဲ​ဖြင့်​သာ စံနေ​ရ​ပါ​သည်​တကား​”​ဟု မိန့်ဆို​လျှင်

၃ ရာ 8:63

ရှောလမုန်​မင်းကြီး​သည် နွား​ကောင်ရေ​နှစ်သောင်းနှစ်ထောင်​၊ သိုးကောင်ရေ​တစ်သိန်းနှစ်သောင်း​တို့​ကို ထာဝရဘုရား​ထံ မိတ်သဟာယယဇ်​အဖြစ် ပူဇော်​၏​။ ဤသို့ဖြင့် ရှင်ဘုရင်​နှင့် အစ္စရေး​အမျိုးသား​အပေါင်း​တို့​သည် ထာဝရဘုရား​၏​အိမ်​တော်​ကို ဆက်ကပ်​ကြ​လေ​၏​။

၁ ရာ​ချုပ် 21:6

ယွာဘ​သည် ရှင်ဘုရင်​၏​အမိန့်​တော်​ကို မနှစ်သက်​သဖြင့် လေဝိ​အမျိုး​နှင့်​ဗင်္ယာမိန်​အမျိုး​ကို ထည့်​၍​စာရင်း​မ​ကောက်​ချေ​။

ဆာ​လံ 13:4

အကျွန်ုပ်​၏​ရန်သူ​က​လည်း “​သူ့​ကို​ငါ​နိုင်​ပြီ​”​ဟု ဆို​ပါ​လိမ့်မည်​။ အကျွန်ုပ်​တုန်လှုပ်​သောအခါ အကျွန်ုပ်​ကို​ရန်ဖက်ပြု​သော​သူ​တို့​သည် ရွှင်လန်း​ကြ​ပါ​လိမ့်မည်​။

ဆာ​လံ 140:8

အို ထာဝရဘုရား​၊ ဆိုးယုတ်​သော​သူ​၏​အလိုဆန္ဒ​ကို ဖြည့်ဆည်း​ပေး​တော်​မ​မူ​ပါ​နှင့်​။ သူ​၏​အကြံ​ကို​ထမြောက်​စေ​တော်​မ​မူ​ပါ​နှင့်​။(​စေလာ)

ဆာ​လံ 145:1

အကျွန်ုပ်​၏​ဘုရားသခင်​၊ အကျွန်ုပ်​၏​ရှင်ဘုရင်​၊ ကိုယ်တော်​ကို အကျွန်ုပ်​ချီးမြှောက်​ပါ​မည်​။ ကိုယ်တော်​၏​နာမ​တော်​ကို ကာလ​အစဉ်အဆက်​ကောင်းချီးထောမနာ​ပြု​ပါ​မည်​။

ဆာ​လံ 25:2

အကျွန်ုပ်​၏​ဘုရားသခင်​၊ ကိုယ်တော်​ကို အကျွန်ုပ်​ယုံကြည်ကိုးစား​ပါ​၏​။ အကျွန်ုပ်​သည် အရှက်​မ​ကွဲ​ရ​ပါစေ​နှင့်​။ အကျွန်ုပ်​၏​ရန်သူ​တို့​သည် အကျွန်ုပ်​အပေါ် အောင်ပွဲ​မ​ခံ​ကြ​ရ​ပါစေ​နှင့်​။

ဆာ​လံ 27:6

ယခုအခါ ငါ​၏​ဦးခေါင်း​သည် ငါ့​ပတ်လည်​ရှိ ငါ့​ရန်သူ​တို့​အထက်၌ ချီးမြှောက်​ခြင်း​ခံရ​လိမ့်မည်​။ ထို့ကြောင့် ငါ​သည် ကိုယ်တော်​၏​တဲ​တော်​၌ ဝမ်းမြောက်​စွာ​ကြွေးကြော်​သော​အသံ​တည်းဟူသော ယဇ်​များ​ကို​ပူဇော်​ပါ​မည်​။ ငါ​သည် သီချင်းဆို​လျက် ထာဝရဘုရား​ကို သီဆိုချီးမွမ်း​ပါ​မည်​။

ဆာ​လံ 28:9

ကိုယ်တော်​၏​လူမျိုး​တော်​ကို​ကယ်တင်​၍ ကိုယ်တော်​၏​အမွေ​တော်​ကို ကောင်းချီးပေး​တော်မူ​ပါ​။ သူ​တို့​ကို​ထိန်းကျောင်း​၍ သူ​တို့​ကို​အစဉ်အမြဲ ပွေ့ချီ​ခေါ်ဆောင်​တော်မူ​ပါ​။

ဆာ​လံ 35:19

လှည့်ဖြား​တတ်​သော​အကျွန်ုပ်​၏​ရန်သူ​တို့​သည် အကျွန်ုပ်​အကြောင်း​ကြောင့် ဝမ်းမြောက်​ရ​သော​အခွင့်​မ​ရ​ကြ​ပါစေ​နှင့်​။ အကျွန်ုပ်​ကို အကြောင်းမဲ့​မုန်း​သော​သူ​တို့​သည်​လည်း မျက်စိ​မှိတ်ပြ​ရ​သော​အခွင့်​မ​ရ​ကြ​ပါစေ​နှင့်​။

ဆာ​လံ 41:11

အကျွန်ုပ်​၏​ရန်သူ​သည် အကျွန်ုပ်​အပေါ် အောင်ပွဲခံ​ကြွေးကြော်​ခွင့်​မ​ရ​သည်​ကို​ထောက်၍ ကိုယ်တော်​သည် အကျွန်ုပ်​ကို​နှစ်သက်​တော်မူ​ကြောင်း အကျွန်ုပ်​သိ​ပါ​၏​။

ဆာ​လံ 66:17

ငါ​၏​နှုတ်​သည် ကိုယ်တော်​ကို​ခေါ်​၍ ဂုဏ်တော်ချီးမွမ်း​ခြင်း​သည် ငါ​၏​လျှာ​ပေါ်တွင်​ရှိ​၏​။

ဆာ​လံ 79:10

လူမျိုးခြား​တို့​က “​သူ​တို့​၏​ဘုရားသခင်​သည် အဘယ်မှာ​ရှိ​သနည်း​”​ဟု အဘယ်ကြောင့်​ပြောဆို​ရ​ပါ​မည်နည်း​။ ကိုယ်တော်​၏​အစေအပါး​တို့ သွေးမြေကျ​ရ​ခြင်း​အတွက် လက်တုံ့ပြန်​တော်မူ​ကြောင်း​ကို အကျွန်ုပ်​တို့​မျက်စိ​ရှေ့​တွင် လူမျိုးခြား​တို့​သိမြင်​ကြ​ပါစေသော​။

ဆာ​လံ 79:4

အကျွန်ုပ်​တို့​သည် အကျွန်ုပ်​တို့​၏ အိမ်နီးချင်း​များ ကဲ့ရဲ့ပြစ်တင်စရာ​၊ အကျွန်ုပ်​တို့​၏​ပတ်လည်​၌​ရှိ​သော​သူ​များ အထင်အမြင်သေးစရာ​၊ ပြက်ရယ်ပြုစရာ​ဖြစ်​ကြ​ပါ​ပြီ​။

မြည်​တမ်း​စ​ကား 2:15

လမ်းသွားလမ်းလာ​အားလုံး သင့်​ကို​လက်ခုပ်တီး​၍ ကဲ့ရဲ့​ကြ​ပြီ​။ ထို​သူ​တို့​သည် ခေါင်း​ကို​ခါယမ်း​လျက် ဂျေရုဆလင်​သမီးပျို​အား “​လှပမှု​အပေါင်း​စုံလင်​ရာ​မြို့​၊ မြေကြီးသား​အားလုံး​ဝမ်းမြောက်​ရာ​မြို့​ကား ဤ​မြို့​ပေလော​”​ဟု ဆို​ကြ​ပြီ​။

ဒံ​ယေ​လ 4:37

ယခု​တွင် ငါ​နေဗုခဒ်နေဇာ​မင်းကြီး​သည် ကောင်းကင်ဘုံ​ရှင်ဘုရင်​ကို ချီးမွမ်း​ထောမနာပြု​ပါ​၏​၊ ချီးမြှောက်​ပါ​၏​။ ကိုယ်တော်​ပြု​တော်မူ​သော​အမှု​သည် သစ္စာ​တော်​နှင့်​ပြည့်စုံ​တော်မူ​ပါ​၏​။ ကိုယ်တော်​၏​နည်းလမ်း​တော်​တို့​သည် တရားမျှတ​တော်မူ​၏​။ ကိုယ်တော်​သည် မာနထောင်လွှား​သော​သူ​တို့​ကို နှိမ့်ချ​နိုင်စွမ်း​ရှိ​တော်မူ​ပါ​၏​။

တ​ရား​ဟော 20:5

ကြီးကြပ်အုပ်ချုပ်သူ​တို့​က​လည်း စစ်သည်​တို့​အား ‘​အိမ်​အသစ်​ဆောက်​၍ မ​ဆက်ကပ်​ရ​သေး​သော​သူ​တစ်စုံတစ်ယောက်​ရှိ​သလော​။ ထို​သူ​ကို မိမိ​အိမ်​သို့​ပြန်​သွား​စေ​။ သို့မဟုတ်လျှင် သူ​သည် စစ်ပွဲ​၌ ကျဆုံး​လျှင် အခြား​သူ​သည် ထို​အိမ်​ကို ဆက်ကပ်​သွား​လိမ့်မည်​။