ဆာ​လံ 25:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ထာဝရဘုရား​သည် အကျွန်ုပ်​၏​ခြေ​ကို ပိုက်ကွန်​ထဲမှ ထုတ်ပေး​တော်မူ​မည်​ဖြစ်၍ အကျွန်ုပ်​သည် ကိုယ်တော်​ကို​အစဉ်​မျှော်ကြည့်​ပါ​၏​။

Common Language Bible

¹⁵ ကယ်​မ​တော်​မူ​ရန်​ငါ​သည်​ထာ​ဝ​ရ​ဘု​ရား​အား အ​ခါ​ခပ်​သိမ်း​မျှော်​ကြည့်​၏။ ကိုယ်​တော်​သည်​လည်း​ငါ့​အား​ဘေး​အန္တ​ရာယ်​မှ ကယ်​ဆယ်​တော်​မူ​၏။

Garrad Bible

¹⁵ ငါ့ ခြေ များ ကို ပိုက် ထဲ မှ နုတ် ယူ တော် မူ မည့် ထာ ဝ ရ ဘု ရား အား၊ အ စဉ် မ ပြတ် ငါ မျက် မှောက် ပြု လျက် နေ ၏။

Judson Bible

¹⁵ အ​ကျွန်ုပ်​သည် ထာ​ဝ​ရ​ဘု​ရား​ကို အ​စဉ်​မျှော်​လင့်​လျက်​နေ​ပါ၏။ အ​ကြောင်း​မူ​ကား၊ အ​ကျွန်ုပ်၏​ခြေ​ကို ကျော့​ကွင်း​ထဲ​က နုတ်​ယူ​တော်​မူ​မည်။

ဆာ​လံ 25:15 Referencias Cruzadas

၃ ရာ 1:20

အကျွန်ုပ်​၏​သခင်​အရှင်မင်းကြီး​၊ အစ္စရေး​တစ်မျိုးနွယ်လုံး​က အရှင်မင်းကြီး​ကို စောင့်ကြည့်​နေ​ကြ​ပါ​၏​။ အကျွန်ုပ်​၏​သခင်​အရှင်မင်းကြီး​၏​ရာဇပလ္လင်​ပေါ်တွင် မည်သူ​စံမြန်း​မည်​၊ နန်းမွေဆက်ခံ​မည်​ကို သူ​တို့​အား မိန့်​တော်မူ​ပါ​။

၂ ရာ​ချုပ် 20:12

အို အကျွန်ုပ်​တို့​၏​ဘုရားသခင်​၊ ကိုယ်တော်​သည် သူ​တို့​ကို စီရင်​တော်မူ​မည်​မ​ဟုတ်​လော​။ အကျွန်ုပ်​တို့​ကို တိုက်ခိုက်​လာ​သော​ဤ​စစ်တပ်ကြီး​ကို ရင်ဆိုင်​ဖို့ အကျွန်ုပ်​တို့​၌ အင်အား​မ​ရှိ​ပါ​။ အကျွန်ုပ်​တို့ မည်သို့​ပြု​ရ​မည်​ကို မ​သိ​သောကြောင့် ကိုယ်တော်​ကို​သာ မျှော်ကြည့်​နေ​ကြ​ပါ​၏​”​ဟု ဆုတောင်း​လေ​၏​။

ဆာ​လံ 123:2

ကျွန်ယောက်ျား​တို့​သည် မိမိ​တို့​သခင်​၏​လက်​ကို မျှော်ကြည့်​သကဲ့သို့​လည်းကောင်း​၊ ကျွန်မိန်းမ​သည် မိမိ​သခင်မ​၏​လက်​ကို မျှော်ကြည့်​သကဲ့သို့​လည်းကောင်း​၊ အကျွန်ုပ်​တို့​သည် အကျွန်ုပ်​တို့​ကို သနား​တော်မူ​သည်​အထိ အကျွန်ုပ်​တို့​၏​ဘုရားသခင် ထာဝရဘုရား​ကို မျှော်ကြည့်​ကြ​ပါ​၏​။

ဆာ​လံ 141:8

သို့သော် အို ဘုရားရှင် ထာဝရဘုရား​၊ အကျွန်ုပ်​သည် ကိုယ်တော်​ကို​မျှော်ကြည့်​ပါ​၏​။ ကိုယ်တော်​ကို​ခိုလှုံ​ပါ​၏​။ အကျွန်ုပ်​၏​စိတ်ဝိညာဉ်​ကို ခိုကိုးရာမဲ့​ဖြစ်စေ​တော်​မ​မူ​ပါ​နှင့်​။

ဆာ​လံ 31:4

ကိုယ်တော်​သည် အကျွန်ုပ်​၏ မှီခို​ရာ​ဖြစ်​တော်မူ​သောကြောင့် အကျွန်ုပ်​အတွက် လျှို့ဝှက်​စွာ​ထောင်​ထား​သော​ပိုက်ကွန်​ထဲမှ အကျွန်ုပ်​ကို​ထုတ်ဆောင်​တော်မူ​၏​။

ယေ​ရ​မိ 5:26

‘ငါ့​လူမျိုး​တော်​တွင် ဆိုးယုတ်​သော​သူ​များ​ကို တွေ့​ရ​၏​။ သူ​တို့​သည် ဝပ်​လျက်​ချောင်းမြောင်း​နေ​သော​ငှက်မုဆိုး​ကဲ့သို့ ချောင်းမြောင်း​တတ်​ကြ​၏​။ လူ​တို့​ကို​ဖမ်းဆီး​ရန် ထောင်ချောက်​ဆင်​တတ်​ကြ​၏​။