ဆာ​လံ 147:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ထာဝရဘုရား​သည် ဂျေရုဆလင်​မြို့​ကို တည်ဆောက်​၍ နှင်ထုတ်​ခြင်း​ခံရ​သော​အစ္စရေး​လူမျိုး​ကို စုဝေး​စေ​တော်မူ​၏​။

Common Language Bible

² ထာ​ဝ​ရ​ဘု​ရား​သည်​ယေ​ရု​ရှ​လင်​မြို့​ကို ပြန်​လည်​ထူ​ထောင်​လျက်​တိုင်း​တစ်​ပါး​တွင် နေ​ကြ​ရ​သူ ဣသ​ရေ​လ​အ​မျိုး​သား​တို့​အား​ပြန်​လည် ခေါ်​ဆောင်​လာ​တော်​မူ​၏။

Garrad Bible

² ထာ ဝ ရ ဘု ရား သည် ယေ ရု ရှ လင် မြို့ ကို ပြု ပြင် လျက်၊ နှင် ထုတ် ခံ ရ သော ဣ သ ရေ လ အ မျိုး သား တို့ ကို စု သိမ်း တော် မူ၏။

Judson Bible

² ထာ​ဝ​ရ​ဘု​ရား​သည် ယေ​ရု​ရှ​လင်​မြို့​ကို​တည်​ဆောက်၍၊ အ​ဝေး​သို့​နှင်​လိုက်​သော ဣ​သ​ရေ​လ​အ​မျိုး​သား​တို့​ကို စု​ဝေး​စေ​တော်​မူ၏။

ဆာ​လံ 147:2 Referencias Cruzadas

နေ​ဟ​မိ 6:15

ဤသို့ဖြင့် ရက်​ပေါင်း​ငါးဆယ့်​နှစ်​ရက်​အကြာ​၊ ဧလုလ​၊ နှစ်ဆယ့်​ငါး​ရက်​နေ့​တွင် မြို့ရိုး​ကို အပြီးသတ်​တည်ဆောက်​နိုင်​ခဲ့​၏​။

နေ​ဟ​မိ 6:16

ထို​အကြောင်း​ကို ရန်သူ​တို့​ကြား​၍ ငါ​တို့​ဝန်းကျင်​ရှိ​လူမျိုးခြား​တို့ မြင်​သောအခါ အလွန်အမင်း​မျက်စိ​မျက်နှာပျက်​လေ​၏​။ အကြောင်းမှာ ဤ​အမှု​ကို ငါ​တို့​ဘုရားသခင် ပြု​တော်မူ​ကြောင်း သူ​တို့ ကောင်းကောင်း​သိမြင်​ကြ​၏​။

နေ​ဟ​မိ 7:4

မြို့​သည်​ကြီးမား​ကျယ်ဝန်း​၍ နေထိုင်သူ အနည်းငယ်​သာ ရှိ​၏​။ အိမ်​များ​လည်း ပြန်လည်​မ​ဆောက်​ရ​သေး​။

ဆာ​လံ 102:17

ကိုယ်တော်​သည် ခိုကိုး​ရာ​မဲ့​သော​သူ​တို့​၏ ဆုတောင်းချက်​ကို ဂရုစိုက်​တော်မူ​၏​။ သူ​တို့​၏​ဆုတောင်းချက်​ကို မထီမဲ့မြင်ပြု​တော်​မ​မူ​။

ဆာ​လံ 51:18

ကိုယ်တော်​၏​ကျေးဇူး​တော်​အားဖြင့် ဇိအုန်​ကို​ကောင်းစား​စေ​တော်မူ​ပါ​။ ဂျေရုဆလင်​မြို့ရိုး​တို့​ကို တည်ဆောက်​တော်မူ​ပါ​။

ဟေ​ရှာ​ယ 14:32

တိုင်းနိုင်ငံ​၏​သံတမန်​တို့​ကို မည်သို့​ပြန်ပြော​ရ​မည်နည်း​။ ထာဝရဘုရား​သည် ဇိအုန်​မြို့​ကို​တည်​တော်မူ​ပြီ​။ ထို​မြို့​၌ အဖိနှိပ်​ခံရ​သော​လူမျိုး​တော်​တို့ ခိုလှုံ​ကြ​လိမ့်မည်​ဟု ပြန်ပြော​ရ​မည်​။

ဟေ​ရှာ​ယ 27:13

ထို​နေ့ရက်​၌ တံပိုး​ကြီး​ကို​မှုတ်​လိမ့်မည်​။ အဆီးရီးယား​ပြည်​၌​ပျောက်ဆုံး​သော​သူ​၊ အီဂျစ်​ပြည်​သို့​နှင်ထုတ်​ခြင်း​ခံရ​သော​သူ​တို့​သည် ဂျေရုဆလင်​မြို့​၊ သန့်ရှင်း​သော​တောင်​ပေါ်သို့​လာ​၍ ထာဝရဘုရား​ကို ရှိခိုးကိုးကွယ်​ကြ​လိမ့်မည်​။

ဟေ​ရှာ​ယ 56:8

နှင်ထုတ်​ခံရ​သော​အစ္စရေး​လူမျိုး​တို့​ကို စုစည်း​တော်မူ​သော ဘုရားရှင်​ထာဝရဘုရား​က “​စုစည်း​ပြီး​သော​သူ​တို့​အပြင် အခြား​သော​သူ​တို့​ကို အစ္စရေး​လူမျိုး​တို့​ထံ၌ ငါ​ထပ်၍​စုစည်း​မည်​”​ဟု မိန့်​တော်မူ​၏​။

ဟေ​ရှာ​ယ 62:7

ဂျေရုဆလင်​မြို့​ကို​တည်တံ့​စေ​၍ မြေကြီး​ပေါ်တွင် ချီးမွမ်းစရာ​ဖြစ်စေ​တော်​မ​မူ​မ​ချင်း ကိုယ်တော်​ကို ငြိမ်ငြိမ်​မ​နေ​စေ​နှင့်​။

ယေ​ရ​မိ 31:10

အို လူမျိုး​အပေါင်း​တို့​၊ ထာဝရဘုရား​၏​စကား​တော်​ကို နားထောင်​ကြ​လော့​။ ဝေး​သော​အရပ်​ရှိ ကမ်းရိုးတန်းဒေသ​တို့​တွင် ကြွေးကြော်​ကြ​လော့​။ “​အစ္စရေး​လူမျိုး​ကို ကွဲလွင့်​စေ​သော​အရှင်​သည် အစ္စရေး​လူမျိုး​ကို ပြန်စုသိမ်း​မည်​။ သိုးထိန်း​သည် မိမိ​၏​သိုးစု​ကို​စောင့်ထိန်း​သကဲ့သို့ သူ​တို့​ကို စောင့်ထိန်း​တော်မူ​မည်​”​ဟု ပြောကြား​ကြ​လော့​။

ယေ​ရ​မိ 31:4

အို အစ္စရေး​အပျိုကညာ​၊ ငါ​သည် သင့်​ကို ပြန်လည်​တည်ဆောက်​မည်​။ သင်​သည် ပြန်လည်​တည်ဆောက်​ခြင်း​ခံရ​မည်​။ သင်​သည် ပတ်သာ​ကို​ဆောင်​လျက် ပျော်မြူး​ကခုန်​သော​သူ​တို့​နောက်​သို့ တစ်ဖန် လိုက်သွား​ရ​လိမ့်မည်​။

ယေ​ရ​မိ 32:37

‘ကြည့်ရှု​လော့​။ ငါ​သည် ပြင်းစွာ​သော​အမျက်ဒေါသ​ဖြင့် သူ​တို့​ကို​နှင်ထုတ်​ခဲ့​ရာ​အရပ်ရပ်​တို့​မှ ပြန်လည်​စုဝေး​စေ​ပြီး ဤ​အရပ်​သို့ ပြန်လာ​စေ​မည်​။ ဘေးကင်းလုံခြုံ​စွာ​နေထိုင်​စေ​မည်​။

ယေ​ဇ​ကျေ​လ 38:8

ကာလ​အတန်ကြာ​ပြီးနောက် သင့်​ကို​ဆင့်ခေါ်​လိမ့်မည်​။ နောင်​ကာလ​တွင် သင်​သည် ဓားဘေး​မှ​လွတ်မြောက်​လာ​သော​သူ​၊ လူမျိုး​တကာ​တို့​ထံမှ ပြန်လည်​စုစည်း​သော​သူ​တို့​၏​ပြည်​ထဲသို့ ကျူးကျော်​ဝင်ရောက်​မည်​။ သူ​တို့​သည် လူမျိုးတကာ​တို့​ထံမှ ပြန်လည်​ထုတ်ဆောင်​လာ​သော​သူ​များ​ဖြစ်၍ ကြာမြင့်​စွာ​ဆိတ်ညံ​နေ​သော အစ္စရေး​တောင်တန်း​တွင် ဘေးကင်းလုံခြုံ​စွာ နေထိုင်​လျက်​ရှိ​သော​သူ​များ​ဖြစ်​၏​။

ဒံ​ယေ​လ 9:25

ထို့ကြောင့် ဂျေရုဆလင်​မြို့​ကို ပြန်လည်​ပြုပြင်​တည်ဆောက်​ရန် အမိန့်​ထုတ်ပြန်​သည့်​နေ့​မှစ၍ ဘိသိက်ခံ​မင်း​တစ်ပါး​ပေါ်ထွန်း​မည့်​နေ့​အထိ ခုနစ်​သီတင်း​နှင့် ခြောက်ဆယ့်​နှစ်​သီတင်း​ကြာ​လိမ့်မည်​ဟု သိ​နားလည်​လော့​။ ခဲယဉ်း​သော​ကာလ​များ​၌​ပင် ထို​မြို့​၏​လမ်း​နှင့်​ကျုံး​တို့​ကို ပြန်လည်​ပြုပြင်​တည်ဆောက်​ကြ​လိမ့်မည်​။

မိက္ခာ 4:6

ထာဝရဘုရား​က “​ထို​ကာလ​၌ ခြေမသန်သူ​ကို ငါ​စုစည်း​မည်​။ နှင်ထုတ်​ခြင်း​ခံရ​သူ​၊ ငါ​ဒဏ်ခတ်​ခဲ့​သူ​တို့​ကို ပြန်လည်​စုစည်း​မည်​။

ဇာ​ခ​ရိ 8:7

ကောင်းကင်​ဗိုလ်ခြေ​အရှင်​ထာဝရဘုရား​က ‘ကြည့်ရှု​လော့​။ နေထွက်​ရာ​အရပ်​၊ နေဝင်​ရာ​အရပ်​တို့​မှ ငါ့​လူမျိုး​တော်​တို့​ကို ငါ​ကယ်နုတ်​မည်​။

မဿဲ 16:18

သင့်​အား ငါ​ဆို​သည်​ကား သင်​သည် ပေတရု​ဖြစ်​၏။ ဤ​ကျောက်​ပေါ်၌ ငါ​၏​အသင်းတော်​ကို ငါ​တည်ဆောက်​မည်။ မရဏာ​နိုင်ငံ​၏​တံခါး​တို့​သည်​လည်း ထို​အသင်းတော်​ကို အနိုင်ရ​ကြ​မည်​မ​ဟုတ်။

တ​ရား​ဟော 30:3

သင်​၏​ဘုရားသခင်​ထာဝရဘုရား​သည် ဖမ်းဆီးခေါ်ဆောင်​သွား​ခြင်း​ခံရ​သော​သင့်​ကို ပြန်လာ​စေ​၍ သင့်​ကို သနားစုံမက်​တော်မူ​မည်​။ သင်​၏​ဘုရားသခင်​ထာဝရဘုရား သင့်​ကို ကွဲလွင့်​စေ​တော်မူ​ရာ​အရပ်ရပ်​ရှိ လူမျိုး​တကာ​တို့​ထံမှ ပြန်​၍​စုစည်း​စေ​တော်မူ​မည်​။