ဆာ​လံ 135:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထာဝရဘုရား​သည် ကောင်းကင်​နှင့်​မြေကြီး​ပေါ်၌​လည်းကောင်း​၊ ပင်လယ်​နှင့်​နက်ရှိုင်း​ရာ​အရပ်​ရှိသမျှ​တို့​၌​လည်းကောင်း အလို​တော်​ရှိ​သော​အရာ​အားလုံး​ကို ပြု​တော်မူ​၏​။

Common Language Bible

⁶ ကိုယ်​တော်​သည်​ကောင်း​ကင်​နှင့်​ကမ္ဘာ မြေ​ကြီး​ပေါ်​၌​လည်း​ကောင်း၊ ပင်​လယ်​နှင့်​ပင်​လယ်​အောက်​နက်​ရှိုင်း​ရာ အ​ရပ်​တို့​၌​လည်း​ကောင်း အ​လို​တော်​အ​ရ​ခပ်​သိမ်း​သော​အ​မှု​တို့​ကို ပြု​တော်​မူ​၏။

Garrad Bible

⁶ ထာ ဝ ရ ဘု ရား သည် မိုး၊ မြေ၊ သ မု ဒ္ဒ ရာ နှင့် ရေ ထု ရှိ သ မျှ ၌၊ သ ဘော တော် မြတ် ရာ ပြု တော် မူ ခဲ့ ပြီ။

Judson Bible

⁶ ထာ​ဝ​ရ​ဘု​ရား​သည် ကောင်း​ကင်၊ မြေ​ကြီး၊ သ​မု​ဒ္ဒ​ရာ၊ နက်​နဲ​ရာ​အ​ရပ်​ရပ်​တို့၌ အ​လို​တော်​ရှိ​သ​မျှ​တို့​ကို ပြု​တော်​မူ၏။

ဆာ​လံ 135:6 Referencias Cruzadas

ယောဘဝတ္တု။ 42:2

“​ကိုယ်တော်​သည် အရာခပ်သိမ်း​ကို​တတ်နိုင်​တော်မူ​၍ ကိုယ်တော်​၏​အကြံအစည်​ကို မည်သူ​မျှ မ​ဆီးတား​နိုင်​ကြောင်း​ကို အကျွန်ုပ်​သိ​ပါ​၏​။

ဆာ​လံ 115:3

ငါ​တို့​၏​ဘုရားသခင်​သည် ကောင်းကင်ဘုံ​၌​ရှိ​တော်မူ​၏​။ ကိုယ်တော်​သည် အလို​တော်​ရှိသမျှ​အတိုင်း ပြု​တော်မူ​၏​။

ဆာ​လံ 33:11

ထာဝရဘုရား​၏​အကြံဉာဏ်​သည် အစဉ်အမြဲ​တည်​၍ ကိုယ်တော်​၏​စိတ်နှလုံး​အကြံအစည်​တို့​သည် မျိုးဆက်​အစဉ်အဆက်​တည်​၏​။

ဆာ​လံ 33:9

အကြောင်းမူကား ကိုယ်တော်​မြွက်ဆို​တော်မူ​သောအခါ ထို​အတိုင်း​ဖြစ်​၏​။ ကိုယ်တော်​အမိန့်ပေး​တော်မူ​သောအခါ ထို​အတိုင်း​တည်​လျက်​နေ​၏​။

ဟေ​ရှာ​ယ 46:10

အစအဦး​ကပင် အဆုံး​ကို​ဖော်ပြ​သော​အရှင်​၊ ရှေးကာလ​ကပင် မ​ဖြစ်​သေး​သော​အရာ​တို့​ကို​ဖော်ပြ​သော​အရှင်​က “​ငါ့​အကြံအစည်​သည် တည်​မည်​။ ငါ​အလို​ရှိသမျှ​ကို ငါ​ပြု​မည်​”​ဟု မိန့်​တော်မူ​၏​။

ဒံ​ယေ​လ 4:32

သင်​သည် လူ့​အသိုင်းအဝိုင်း​မှ နှင်ထုတ်​ခြင်း​ခံရ​ပြီး တောတိရစ္ဆာန်​တို့​နှင့်အတူ နေထိုင်​ရ​မည်​။ နွား​ကဲ့သို့ မြက်​ကို​စား​ရ​မည်​။ အမြင့်ဆုံး​သော​အရှင်​သည် လူ့​ပြည်​ကို​အုပ်စိုး​၍ အလို​တော်​ရှိ​သော​သူ​ကို ပေး​တော်မူ​ကြောင်း သင်​သိမှတ်​သည့်​တိုင်အောင် ခုနစ်​နှစ်​ပတ်လုံး နေထိုင်​ကျော်လွှား​ရ​မည်​”​ဟု ကောင်းကင်​မှ အသံ​တော်​ရောက်လာ​၏​။

ဒံ​ယေ​လ 4:35

မြေကြီးသား​တို့​ကို ဘာမျှ​မ​ဟုတ်​သော​အရာ​ကဲ့သို့ မှတ်​တော်မူ​၏​။ ကောင်းကင်သား​ကို​ဖြစ်စေ​၊ မြေကြီးသား​ကို​ဖြစ်စေ အလိုရှိ​သည့်​အတိုင်း ပြု​တော်မူ​၏​။ ကိုယ်တော်​၏​လက်​တော်​ကို ဆီးတား​နိုင်​သော​သူ​မ​ရှိ​။ “ကိုယ်တော် မည်သို့​ပြု​ဘိ​သနည်း​”​ဟု ဆို​နိုင်​သော​သူ​မ​ရှိ​။

အာ​မုတ် 4:13

ကြည့်ရှု​လော့​။ တောင်​တို့​ကို ပုံဖော်​၍ လေ​ကို ဖန်ဆင်း​တော်မူ​သော​အရှင်​၊ လူ​၏​အတွေး​ကို လူ​အား သိမြင်​စေ​သော​အရှင်​၊ အရုဏ်ဦး​ကို အမှောင်​ကျ​စေ​ပြီး မြေကြီး​ပေါ်ရှိ အထွတ်အမြတ်​ထား​ရာ​ကုန်းမြင့်​တို့​ကို နင်းနယ်​တော်မူ​သော​အရှင်​၏​နာမ​တော်​ကား ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား​ဟူ၍​ဖြစ်​၏​။

အာ​မုတ် 9:6

မိုးကောင်းကင်​တွင် အထက်ခန်း​များ​ကို တည်ဆောက်​တော်မူ​သော​အရှင်​၊ မြေကြီး​ပေါ်တွင် အုတ်မြစ်ချ​တော်မူ​သော​အရှင်​၊ ပင်လယ်​ရေ​ကို ဆင့်ခေါ်​ပြီး မြေ​မျက်နှာပြင်​ပေါ် လွှတ်ပေး​လိုက်​သော​အရှင်​၏​နာမ​တော်​ကား ထာဝရဘုရား ဖြစ်​၏​။

မဿဲ 14:25

မိုးသောက်ယံ​အချိန်​၌ ကိုယ်တော်​သည် ပင်လယ်​ပေါ်တွင် လမ်းလျှောက်​လျက် သူ​တို့​ထံသို့ ကြွ​တော်မူ​၏။

မဿဲ 28:18

ထိုအခါ ယေရှု​သည် သူ​တို့​ထံသို့​ချဉ်းကပ်​၍“ကောင်းကင်​နှင့်​မြေကြီး​ပေါ်၌ ရှိသမျှ​သော​အခွင့်​အာဏာ​တို့​ကို ငါ့​ထံ​ပေးအပ်​တော်မူ​ပြီ။