ဆာ​လံ 107:40 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴⁰ ကိုယ်တော်​သည် မင်းအရာရှိ​တို့​ကို မထီမဲ့မြင်ပြု​ခြင်း​ခံရ​စေ​၍ သူ​တို့​ကို လမ်း​မ​ရှိ​သော လွင်တီးခေါင်အရပ်​၌ လှည့်လည်သွားလာ​စေ​တော်မူ​၏​။

Common Language Bible

⁴⁰ ကိုယ်​တော်​သည်​ယင်း​သို့​ဖိ​စီး​နှိပ်​စက်​သူ​များ​အား စက်​ဆုပ်​ရွံ​ရှာ​၍ လမ်း​မ​ရှိ​သည့်​သဲ​ကန္တာ​ရ​တွင်​လှည့်​လည် သွား​လာ​စေ​တော်​မူ​၏။

Garrad Bible

⁴⁰ မှူး မတ် တို့ ကို အ ရှက် ကြီး ခွဲ၍၊ လမ်း မဲ့ လ ဟာ ပြင် ၌ လွဲ စေ လျက်၊

Judson Bible

⁴⁰ မင်း​သား​တို့​ကို အ​ရှက်​ခွဲ၍၊ လမ်း​မ​ရှိ​သော တော​အ​ရပ်၌​လည်​စေ​တော်​မူ၏။

ဆာ​လံ 107:40 Referencias Cruzadas

၃ ရာ 21:19

သူ့​အား ထာဝရဘုရား​က ‘​သင်​သည် လူ​ကို​သတ်​သည်​သာမက သူ့​ဥစ္စာ​ကို​ပါ သိမ်းယူ​ပါ​ပြီ​တကား​’​ဟူ၍ မိန့်​တော်မူ​ပြီ​ဟု ဆင့်ဆို​လော့​။ ထို့ပြင် သူ့​အား ထာဝရဘုရား​က ‘​နာဗုတ်​၏​သွေး​ကို ခွေး​တို့​လျက်​သော​နေရာ​တွင် သင့်​သွေး​ကို​လည်း လျက်​လိမ့်မည်​’​ဟူ၍ မိန့်​တော်မူ​ပြီ​ဟု ဆင့်ဆို​လော့​”​ဟု မိန့်ဆို​၏​။

ယောဘဝတ္တု။ 12:21

မင်းအရာရှိ​တို့​ကို မထီမဲ့မြင်ပြု​ခြင်း​ခံရ​စေ​၍ အားကြီးသူ​တို့​ကို ခွန်အား​ယုတ်လျော့​စေ​တော်မူ​၏​။

ယောဘဝတ္တု။ 12:24

ပြည်သူပြည်သား​တို့​ကို ဦးဆောင်​သော​သူ​များ​၏​အသိတရား​ကို နုတ်ယူ​တော်မူ​ပြီး လမ်း​မ​ရှိ​သော​လွင်တီးခေါင်​တွင် တလည်လည်​ဖြစ်​စေ​တော်မူ​၏​။

ဆာ​လံ 107:4

အချို့​တို့​သည် တောကန္တာရ​ထဲ၌ ကန္တာရ​လမ်း​တွင် လှည့်လည်သွားလာ​ကြ​ပြီး မိမိ​တို့​နေထိုင်​ရန်​မြို့​ကို ရှာ​မ​တွေ့​ကြ​ချေ​။

ဆာ​လံ 78:66

မိမိ​၏​ရန်သူ​တို့​ကို ရိုက်ထုတ်​တွန်းလှန်​ကာ ထာဝရ​ကဲ့ရဲ့ပြစ်တင်​ခြင်း​ကို သူ​တို့​အပေါ်​သက်ရောက်​စေ​တော်မူ​၏​။

ထွက်​မြောက် 8:17

သူ​တို့​သည်​လည်း ထိုအတိုင်း​ပြု​ကြ​၏​။ အာရုန်​သည် မိမိ​လက်​ကို​ဆန့်​၍ တောင်ဝှေး​ဖြင့် မြေမှုန့်​ကို ရိုက်​လျှင် အီဂျစ်​ပြည်​တစ်ပြည်လုံး​၌ မြေမှုန့်​ရှိသမျှ​သည် မှက်ကောင်​များ​ဖြစ်​လေ​၏​။ ထို​မှက်ကောင်​များ​သည် လူ​နှင့်​တိရစ္ဆာန်​တို့​အပေါ် တွယ်ကပ်​လေ​၏​။

ထွက်​မြောက် 8:24

ထာဝရဘုရား​သည် ထိုအတိုင်း​ပြု​တော်မူ​သဖြင့် မြောက်မြား​စွာ​သော​ယင်ရဲ​တို့​သည် ဖာရော​မင်းကြီး​၏​နန်းတော်​မှစ၍ သူ့​အမှုထမ်း​တို့​၏​အိမ်​များ​နှင့် အီဂျစ်​ပြည်​အနှံ့ ဝင်ရောက်​ကြ​၏​။ ယင်ရဲ​များ​ကြောင့် တစ်ပြည်လုံး​သည် ပျက်စီး​လေ​၏​။

ထွက်​မြောက် 8:3

နိုင်း​မြစ်​သည် ဖား​များ​နှင့်​ပြည့်နှက်​လိမ့်မည်​။ ထို​ဖား​များ​သည်​တက်လာ​၍ သင်​၏​နန်းတော်​၊ သင်​အိပ်​သော​အခန်း​နှင့်​အိပ်ရာ​ထဲသို့​လည်းကောင်း​၊ သင့်​အမှုထမ်း​များ​နှင့်​ပြည်သူပြည်သား​တို့​၏​အိမ်​ထဲသို့​လည်းကောင်း​၊ သင်​၏​မီးဖို​များ​နှင့်​မုန့်နယ်ခွက်​များ​ထဲသို့​လည်းကောင်း ဝင်​ကြ​လိမ့်မည်​။

ထွက်​မြောက် 8:4

ထို့ပြင် ဖား​များ​သည် သင်​မှစ၍ သင့်​ပြည်သူပြည်သား​များ​နှင့် သင့်​အမှုထမ်း​အားလုံး​တို့​အပေါ်​သို့​တက်​ကြ​လိမ့်မည်​’​ဟူ၍ မိန့်​တော်မူ​ကြောင်း ဆင့်ဆို​ရ​မည်​”​ဟု မိန့်​တော်မူ​၏​။

ဒံ​ယေ​လ 4:33

ထိုခဏချင်း​တွင် နေဗုခဒ်နေဇာ​မင်းကြီး​၌ အမိန့်​တော်​အတိုင်း ဖြစ်ပျက်​လေ​၏​။ သူ​သည် လူ့​အသိုင်းအဝိုင်း​မှ နှင်ထုတ်​ခြင်း​ခံရ​၍ နွား​ကဲ့သို့ မြက်​ကို​စား​ရ​၏​။ သူ့​အမွေး​တို့​သည် လင်းယုန်ငှက်​အမွေး​ကဲ့သို့ ရှည်​လာ​၍ လက်သည်းခြေသည်း​တို့​သည်​လည်း ငှက်​ခြေသည်း​ကဲ့သို့ ဖြစ်လာ​သည့်​တိုင်အောင် သူ့​ကိုယ်​သည် ကောင်းကင်​နှင်းစက်​ဖြင့် စိုစွတ်​လျက်​နေ​ရ​၏​။

တမန်တော်ဝတ္ထု 12:23

မင်းကြီး​သည် ဘုရားသခင်​၏​ဘုန်း​တော်​ကို​မ​ချီးမွမ်း​သောကြောင့် ထို​ခဏချင်း​တွင် ထာဝရ​ဘုရား​၏​ကောင်းကင်​တမန်​သည် သူ့​ကို ဒဏ်ခတ်​သဖြင့် သူ​သည် ပိုး​စား​ခံရ​၍ အနိစ္စရောက်​လေ​၏။

တ​ရား​ဟော 32:10

ကိုယ်တော်​သည် သူ့​ကို တောကန္တာရ​အရပ်​၊ လေထန်​သော​ကန္တာရ​လွင်တီးခေါင်အရပ်​၌​တွေ့​သောအခါ သူ့​ကို​ကာကွယ်​စောင်မ​လျက် မျက်စိ​သူငယ်အိမ်​ကဲ့သို့​စောင့်ရှောက်​တော်မူ​ခဲ့​၏​။

ဗျာ​ဒိတ် 19:18

ရှင်ဘုရင်​တို့​၏​အသား၊ တပ်မှူးကြီး​တို့​၏​အသား၊ စစ်သူရဲ​တို့​၏​အသား၊ မြင်း​နှင့်​မြင်းစီး​သူရဲ​တို့​၏​အသား၊ လွတ်လပ်​သူ​နှင့်​ကျွန်​များ​မှစ၍ လူကြီး​လူငယ်​ရှိသမျှ​တို့​၏​အသား​ကို လာ​၍ စား​ကြ​လော့”​ဟု ကျယ်လောင်​သော​အသံ​ဖြင့်​ကြွေးကြော်​လေ​၏။

သူ​ကြီး 4:21

ထို့နောက် သိသရ​သည် မောပန်း​လွန်း​သဖြင့် အိပ်ပျော်​နေစဉ် ဟေဗာ​၏​မယား​ယေလ​သည် တဲ​ငုတ်တိုင်​နှင့် တူ​ကို​ယူ​ပြီး သိသရ​ရှိ​ရာ​သို့ တိတ်တဆိတ်​လာ​ကာ ငုတ်တိုင်​ကို သူ့​နားထင်​တွင်​ရိုက်သွင်း​ရာ မြေကြီး​တိုင်​ထုတ်ချင်းပေါက်​၍ သိသရ​သေ​လေ​၏​။

၁ ရာ 5:9

သေတ္တာ​တော်​ကို သယ်ဆောင်​သွား​ကြ​ရာ ထို​မြို့​ကို​လည်း ထာဝရဘုရား​၏​လက်​တော်​သည် ဒဏ်ခတ်​တော်မူ​သဖြင့် အလွန်​တုန်လှုပ်ချောက်ချား​ကြ​ကုန်​၏​။ ထို​မြို့​ရှိ​မြို့သား​တို့​ကို​လည်း အငယ်ဆုံး​မှ အကြီးဆုံး​တိုင်အောင် ပလိပ်ရောဂါ​ဖြင့် ဒဏ်ခတ်​တော်မူ​၏​။

၁ ရာ 6:4

ဖိလိတ္တိ​လူမျိုး​တို့​က​လည်း “​မည်သည့်​အပြစ်ဒဏ်ဖြေရာယဇ်​ဖြင့် ပို့​လိုက်​ရ​မည်နည်း​”​ဟု မေး​လျှင် သူ​တို့​က “​ဖိလိတ္တိ​မင်း​အရေအတွက်​နှင့်အညီ ရွှေ​ပလိပ်နာဖု​အရုပ်​ငါး​ခု​နှင့် ရွှေ​ကြွက်​ရုပ်​ငါး​ခု​ကို ထုလုပ်​၍ ပေးလိုက်​ရ​မည်​။ သင်​တို့​နှင့် သင်​တို့​၏​မင်း​များ ခံစား​ရ​သော​ရောဂါ​မှာ တစ်မျိုးတည်း​ဖြစ်​၏​။