ဆာ​လံ 107:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ထာဝရဘုရား​၏​ကျေးဇူးတော်​ကို​ချီးမွမ်း​ကြ​လော့​။ အကြောင်းမူကား ကိုယ်တော်​သည် ကောင်းမြတ်​တော်မူ​၍ ကိုယ်တော်​၏ မေတ္တာကရုဏာ​သည် အစဉ်အမြဲ​တည်​၏​။

Common Language Bible

¹ ``ထာ​ဝ​ရ​ဘု​ရား​သည်​ကောင်း​မြတ်​တော်​မူ​သည် ဖြစ်​၍ ကျေး​ဇူး​တော်​ကို​ချီး​မွမ်း​ကြ​လော့။ ကိုယ်​တော်​၏​မေတ္တာ​တော်​သည်​ထာ​ဝ​စဉ် တည်​၏'' ဟု​

Garrad Bible

¹ ထာ ဝ ရ ဘု ရား သည် ကောင်း မြတ် တော် မူ၍၊ က ရု ဏာ တော် လည်း ကာ လ အ စဉ် တည် သော ကြောင့်၊ ကျေး ဇူး တော် ကို ချီး မွမ်း ကြ လော့။

Judson Bible

¹ ထာ​ဝ​ရ​ဘု​ရား​သည် ကောင်း​မြတ်​တော်​မူ၍၊ က​ရု​ဏာ​တော် အ​စဉ်​အ​မြဲ​တည်​သော​ကြောင့်၊ ဂုဏ်​ကျေး​ဇူး​တော်​ကို ချီး​မွမ်း​ကြ​လော့။

ဆာ​လံ 107:1 Referencias Cruzadas

၁ ရာ​ချုပ် 16:34

ထာဝရဘုရား​သည် ကောင်းမြတ်​တော်မူ​ပြီး မေတ္တာကရုဏာ​တော်​သည် အစဉ်အမြဲ​တည်​သည်​ဖြစ်​၍ ကျေးဇူးတော်​ကို ချီးမွမ်း​ကြ​လော့​။

၁ ရာ​ချုပ် 16:41

သူ​တို့​နှင့်အတူ ဟေမန်​နှင့်​ယေဒုသုန်​တို့​လည်း ပါရှိ​၏​။ ထာဝရဘုရား​၏​မေတ္တာကရုဏာ​တော်​သည် အစဉ်အမြဲ​တည်​သည်​ဖြစ်၍ ကျန်​နာမည်​နှင့်တကွ စာရင်းဝင်​ရွေးချယ်​ခံရ​သော​သူ​တို့​သည် ထာဝရဘုရား​ကို ချီးမွမ်းထောမနာ​ပြု​ရ​သော​သူ​များ​ဖြစ်​ကြ​၏​။

၂ ရာ​ချုပ် 20:21

မင်းကြီး​သည် လူ​တို့​နှင့် တိုင်ပင်​ပြီးမှ တပ်​ရှေ့​တွင် ချီတက်​၍ ထာဝရဘုရား​ထံ ချီးမွမ်းသီဆို​မည့်​သူ​၊ သန့်ရှင်း​သော​အသရေ​တော်​ကို ချီးမွမ်း​မည့်​သူ​တို့​ကို ခန့်ထား​၍ “​ထာဝရဘုရား​၏​မေတ္တာကရုဏာ​တော်​သည် အစဉ်အမြဲ​တည်​သည်​ဖြစ်၍ ဂုဏ်ကျေးဇူး​တော်​ကို ချီးမွမ်း​ကြ​လော့​”​ဟု သီဆို​စေ​ကြ​၏​။

၂ ရာ​ချုပ် 5:13

တံပိုးမှုတ်​သူ​များ​နှင့် သီချင်းဆို​သူ​များ​သည် စည်းဝါးညီညီ​တစ်သံတည်း​ဖြင့် ထာဝရဘုရား​ထံ ဂုဏ်တော်​ချီးမွမ်း​သီဆို​ကြ​၏​။ တံပိုးသံ​၊ လင်းကွင်းသံ စသော​တူရိယာသံ​များ​နှင့်တကွ ထာဝရဘုရား​ထံ “​ကိုယ်တော်​ကောင်းမြတ်​တော်မူ​၏​။ မေတ္တာကရုဏာ​တော် အစဉ်အမြဲ​တည်​၏​”​ဟု အသံ​ကို​လွှင့်​၍ ချီးမွမ်းသီဆို​ကြ​သောအခါ ထာဝရဘုရား​၏​အိမ်​တော်​တစ်ခုလုံး မိုးတိမ်​များ​ဖုံးလွှမ်း​သွား​လေ​၏​။

၂ ရာ​ချုပ် 7:3

ဤသို့ မီး​ကျလာ​ခြင်း​၊ အိမ်​တော်​ပေါ်သို့ ထာဝရဘုရား​၏​ဘုန်းအသရေ​တော် ဆင်းသက်​လာ​ခြင်း​တို့​ကို အစ္စရေး​အမျိုးသား​အပေါင်း​တို့​မြင်​သောအခါ ဒူးထောက်​၍ ကျောက်ခင်းကြမ်းပြင်​ပေါ်တွင် ပျပ်ဝပ်​လျက် “​ကိုယ်တော်​ကောင်းမြတ်​တော်မူ​ပါ​၏​၊ မေတ္တာကရုဏာ​တော် အစဉ်​တည်​ပါ​၏​”​ဟု ထာဝရဘုရား​အား ရှိခိုးကိုးကွယ်​လျက် ကျေးဇူး​တော်​ကို​ချီးမွမ်း​ကြ​၏​။

၂ ရာ​ချုပ် 7:6

ယဇ်ပုရောဟိတ်​တို့​သည် မိမိ​တို့​တာဝန်ကျ​ရာ​နေရာ​တွင် ရပ်​နေ​ရ​၏​။ လေဝိ​အမျိုး​တို့​က​လည်း ဒါဝိဒ်​မင်းကြီး​ရေးဖွဲ့​ခဲ့​သော ထာဝရဘုရား​အား​ချီးမွမ်း​ခြင်း​သီချင်း​ကို ထာဝရဘုရား​ထံ ချီးမွမ်းသီဆို​ရန် တူရိယာ​များ​ဖြင့် ရပ်​နေ​ကြ​၏​။ သူ​တို့​က “​ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​ပါ​၏​”​ဟု သီဆို​သောအခါ မျက်နှာချင်းဆိုင်​တွင်​ရပ်​နေ​သော ယဇ်ပုရောဟိတ်​တို့​သည် တံပိုး​များ​ကို​မှုတ်​ကြ​၏​။ အစ္စရေး​လူမျိုး​အပေါင်း​တို့​မူကား မတ်တတ်ရပ်​လျက်​နေ​ကြ​၏​။

ဆာ​လံ 100:5

အကြောင်းမူကား ထာဝရဘုရား​သည် ကောင်းမြတ်​တော်မူ​၏​။ ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၍ ကိုယ်တော်​၏​သစ္စာ​တော်​သည် မျိုးဆက်​အစဉ်အဆက်​တည်​၏​။

ဆာ​လံ 103:17

သို့ရာတွင် ထာဝရဘုရား​၏​မေတ္တာကရုဏာ​တော်​သည် ကိုယ်တော်​ကို​ကြောက်ရွံ့​သော​သူ​တို့​အပေါ်​၌ ထာဝရ​ကာလ​မှ​ထာဝရ​ကာလ​တိုင်အောင်​တည်​၏​။ ကိုယ်တော်​၏​ဖြောင့်မတ်​ခြင်း​သည်​လည်း သူ​တို့​၏​သားမြေးစဉ်ဆက်​အပေါ်​၌​လည်းကောင်း​၊

ဆာ​လံ 105:1

ထာဝရဘုရား​၏​ကျေးဇူးတော်​ကို​ချီးမွမ်း​၍ နာမ​တော်​ကို​ခေါ်ဆို​ပတ္ထနာပြု​ကြ​လော့​။ ကိုယ်တော်​ပြု​တော်မူ​သော​အမှု​တို့​ကို လူမျိုးတကာ​တို့​အား ကြားသိ​စေ​ကြ​လော့​။

ဆာ​လံ 106:1

ထာဝရဘုရား​ကို ချီးမွမ်း​ကြ​လော့​။ ထာဝရဘုရား​သည် ကောင်းမြတ်​တော်မူ​၍ ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​သောကြောင့် ကျေးဇူး​တော်​ကို ချီးမွမ်း​ကြ​လော့​။

ဆာ​လံ 118:1

ထာဝရဘုရား​၏​ကျေးဇူးတော်​ကို ချီးမွမ်း​ကြ​လော့​။ အကြောင်းမူကား ကိုယ်တော်​သည် ကောင်းမြတ်​တော်မူ​၍ ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ဆာ​လံ 119:68

ကိုယ်တော်​သည် ကောင်းမြတ်​တော်မူ​၏​။ ကောင်း​သော​အမှု​ကို​လည်း​ပြု​တော်မူ​၏​။ ကိုယ်တော်​၏​ပြဋ္ဌာန်းချက်​တို့​ကို အကျွန်ုပ်​အား သင်ကြား​ပေး​တော်မူ​ပါ​။

မဿဲ 19:17

ကိုယ်တော်​က​လည်း“ကောင်းမြတ်​သော​အမှု​နှင့်​ပတ်သက်၍ အဘယ်ကြောင့် ငါ့​ကို​မေး​သနည်း။ ကောင်းမြတ်​သော​အရှင်​တစ်ပါးတည်း​သာ​ရှိ​တော်မူ​၏။ သင်​သည် အသက်ရှင်​ခြင်း​သို့​ဝင်စား​လို​လျှင် ပညတ်​တော်​တို့​ကို စောင့်ထိန်း​လော့”​ဟု မိန့်​တော်မူ​၏။

လုကာ 1:50

ကရုဏာ​တော်​သည်​လည်း ကိုယ်တော်​ကို​ကြောက်ရွံ့​ရိုသေ​သော​သူ​တို့​အပေါ်၌ သားစဉ်မြေးဆက်​တည်​၏။