ဂ​လာ​တိ 5:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သင်​တို့​တွင် ခြားနား​သော​အယူအဆ​တစ်စုံတစ်ခု​မျှ ရှိ​မည်​မ​ဟုတ်​ဟု သခင်​ဘုရား​၌ သင်​တို့​ကို ငါ​ယုံကြည်​စိတ်ချ​၏။ သင်​တို့​ကို မငြိမ်မသက်​ဖြစ်​စေ​သော​သူ​သည် မည်သူ​ပင်​ဖြစ်​ပါစေ ပြစ်ဒဏ်​စီရင်​ခြင်း​ကို​ခံရ​လိမ့်မည်။

Common Language Bible

¹⁰ သို့​ရာ​တွင်​ငါ​သည်​သင်​တို့​ကို ယ​နေ့​တိုင်​အောင် ယုံ​ကြည်​စိတ်​ချ​ခြင်း​ရှိ​၏။ ငါ​နှင့်​သင်​တို့​သည် သ​ခင်​ဘု​ရား​၌​တစ်​လုံး​တစ်​ဝ​တည်း​ဖြစ်​ကြ သ​ဖြင့် သင်​တို့​သည်​ကွဲ​လွဲ​သော​အ​ယူ​ကို လက်​ခံ​ကြ​လိမ့်​မည်​မ​ဟုတ်​ဟု ငါ​ယုံ​ကြည် စိတ်​ချ​၏။ သို့​ရာ​တွင်​သင်​တို့​အား​နှောင့်​ယှက် သူ​မည်​သူ​မ​ဆို ဘု​ရား​သ​ခင်​၏​အ​ပြစ်​ဒဏ် ခတ်​တော်​မူ​ခြင်း​ကို​ခံ​ရ​မည်။

Garrad Bible

¹⁰ သင် တို့ သည် စိတ် ပြောင်း လျက် မ နေ ကြ မည့် အ ကြောင်း၊ အ ရှင် ဘု ရား အား ဖြင့် ငါ ယုံ ကြည် စိတ် ချ သော် လည်း သင် တို့ စိတ် ကို မွှေ နှောက် သူ မည် သူ မ ဆို စီ ရင် ဒဏ် ခံ ရ လိမ့် မည်။

Judson Bible

¹⁰ သင်​တို့​သည် ကွဲ​ပြား​သော​အ​ယူ​ရှိ​သ​မျှ​ကို ပယ်​လိမ့်​မည်​ဟု သ​ခင်​ဘု​ရား​ကို ငါ​အ​မှီ​ပြု၍ စိတ်​စွဲ​လမ်း​ခြင်း​ရှိ၏။ သင်​တို့​ကို နှောင့်​ယှက်​သော သူ​မည်​သည်​ကား၊ မိ​မိ အ​ပြစ်​ဒဏ်​ကို ခံ​ရ​လိမ့်​မည်။-

ခေတ်သစ်​မြန်မာ သမ္မာကျမ်း

¹⁰ ကျွန်ုပ်​အယူ​နှင့် ကွဲလွဲသော​အယူ​ကို သင်တို့​လက်ခံမည်​မဟုတ်ကြောင်း သခင်ဘုရား​သည် ကျွန်ုပ်​ကို ယုံကြည်​စိတ်ချစေတော်မူ၏။ သင်တို့​ကို စိတ်ရှုပ်ထွေးစေသော​သူ မည်သူမဆို ပြစ်ဒဏ်​စီရင်ခံရမည်။

ဂ​လာ​တိ 5:10 Referencias Cruzadas

တမန်တော်ဝတ္ထု 15:24

ငါ​တို့​ထံမှ လူ​အချို့​တို့​သည် ငါ​တို့​၏​ညွှန်ကြား​ချက်​မ​ရှိ​ဘဲ​ထွက်သွား​၍ အမျိုးမျိုး​သော​စကား​အားဖြင့် သင်​တို့​ကို​ပူပန်​စေ​ပြီး သင်​တို့​ကို စိတ်​အနှောင့်အယှက်​ဖြစ်​စေ​ခဲ့​သည်​ဟု ငါ​တို့​ကြား​ရ​၏။

၁ ကော 5:5

ထို​သူ​၏​ဝိညာဉ်​သည် သခင်​ဘုရား​၏​နေ့ရက်​၌ ကယ်တင်​ခြင်း​ခံရ​မည့်​အကြောင်း သူ​၏​သွေးသား​ပျက်စီး​ဖို့ရန် ထို​သူ​ကို စာတန်​လက်​သို့​အပ်နှံ​လိုက်​ပြီ။

၂ ကော 1:15

ငါ​သည် ဤသို့​ယုံကြည်​စိတ်ချ​သဖြင့် သင်​တို့​သည် ကျေးဇူး​တော်​ကို နှစ်​ကြိမ်​ခံစား​ရ​မည့်​အကြောင်း သင်​တို့​ထံသို့ ဦးစွာ​လာ​၍

၂ ကော 10:2

ငါ​တို့​ကို သွေးသား​ဇာတိ​အလို​သို့​လိုက်​၍ အသက်ရှင်​လျှောက်လှမ်း​နေ​ကြ​သူ​ကဲ့သို့ သတ်မှတ်​သော​သူ​အချို့​တို့​အပေါ် ရဲဝံ့​စွာ​ပြုမူ​ရ​မည်​ဟု ငါ​ယုံကြည်​ခံယူ​ထား​သည့်​အတိုင်း ငါ​ရောက်လာ​သောအခါ ထိုသို့​ရဲဝံ့​ပြတ်သား​စွာ​မ​ပြုမူ​ရ​စေရန် ငါ​တောင်းပန်​၏။

၂ ကော 10:6

သင်​တို့​သည် နာခံ​မှု​နှင့်​ပြည့်စုံ​သောအခါ မ​နာခံ​မှု​ရှိသမျှ​တို့​ကို တရား​သဖြင့်​စီရင်​ရန် ငါ​တို့​အသင့်​ရှိ​ကြ​၏။

၂ ကော 13:10

ဤ​အကြောင်း​ကြောင့် ဖြိုဖျက်​ရန်​အတွက်​မ​ဟုတ်​ဘဲ တည်ဆောက်​ရန်​အတွက် ငါ့​အား သခင်​ဘုရား​ပေး​တော်မူ​သော​အခွင့်​အာဏာ​ကို ငါ​ရောက်လာ​သောအခါ ပြင်းထန်​စွာ​အသုံး​မ​ချ​ရ​ရန် ငါ​သည် သင်​တို့​နှင့်​ကွဲကွာ​နေ​စဉ် ဤ​အကြောင်းအရာ​များ​ကို ရေး​လိုက်​၏။

၂ ကော 2:3

ငါ​လာ​သောအခါ ငါ့​ကို​ဝမ်းမြောက်​စေ​ရ​မည့်​သူ​များ​သည် ငါ့​ကို​ဝမ်းနည်း​စေ​မည်​စိုး​၍ ဤ​အကြောင်းအရာ​ကို ငါ​ရေး​လိုက်​ခြင်း​ဖြစ်​၏။ ငါ​၏​ဝမ်းမြောက်​ခြင်း​သည် သင်​တို့​ရှိသမျှ​၏​ဝမ်းမြောက်​ခြင်း​ဖြစ်​သည်​ဟု သင်​တို့​အားလုံး​နှင့်​ပတ်သက်၍ ငါ​ယုံကြည်​စိတ်ချ​လျက်​ရှိ​၏။

၂ ကော 2:6

လူ​အများစု​ထံမှ ထို​သူ​ခံရ​သော​အပြစ်ဒဏ်​သည် သူ့​အတွက် လုံလောက်​ပေ​၏။

၂ ကော 5:16

ထို့ကြောင့် ယခု​မှစ၍ ငါ​တို့​သည် မည်သူ့​ကို​မျှ သွေးသား​ဇာတိ​သဘော​ဖြင့် မ​သိမှတ်​တော့​ပေ။ ငါ​တို့​သည် ခရစ်တော်​ကို သွေးသား​ဇာတိ​သဘော​ဖြင့် သိမှတ်​ခဲ့​လျှင်​လည်း ယခု​တွင် ထိုသို့​မ​သိမှတ်​တော့​ပေ။

၂ ကော 7:16

ငါ​သည် သင်​တို့​ကို အရာရာ​၌​ယုံကြည်​စိတ်ချ​ရ​သောကြောင့် ဝမ်းမြောက်​လျက်​ရှိ​၏။

၂ ကော 8:22

ထို​သူ​တို့​နှင့်အတူ ငါ​တို့​၏​အခြား​ညီအစ်ကို​တစ်​ဦး​ကို​လည်း စေလွှတ်​လိုက်​ပါ​၏။ ငါ​တို့​သည် သူ့​ကို အကြိမ်ကြိမ်​စစ်ဆေး​ပြီး သူ​သည် အကြောင်း​ကိစ္စ​များစွာ​တို့​၌ စိတ်အား​ထက်သန်​သူ​ဖြစ်​ကြောင်း တွေ့ရှိ​ရ​၏။ သူ​သည် သင်​တို့​အပေါ် ယုံကြည်​စိတ်ချ​မှု​အပြည့်အဝ​ရှိ​သောကြောင့် ယခု ပို၍​ပင်​စိတ်အား​ထက်သန်​လျက်​ရှိ​၏။

ဂ​လာ​တိ 1:7

ထိုသို့ဆိုသော် အခြား​ကောင်းမြတ်​သော​သတင်း​ရှိ​သည်​မ​ဟုတ်။ လူ​အချို့​တို့​သည် သင်​တို့​ကို မငြိမ်မသက်​ဖြစ်​စေ​၍ ခရစ်တော်​၏​ကောင်းမြတ်​သော​သတင်း​ကို မှောက်လှန်​လို​ကြ​ခြင်း​သာ​ဖြစ်​၏။

ဂ​လာ​တိ 2:4

ဤသို့​ဆို​ရ​ခြင်းမှာ လျှို့ဝှက်​စွာ​ဝင်လာ​သော ညီအစ်ကို​အတုအယောင်​များ​ရှိ​ကြ​သောကြောင့်​ဖြစ်​၏။ ထို​သူ​တို့​သည် ငါ​တို့​ကို ကျွန်ခံ​စေ​လို​၍ ခရစ်တော်​ယေရှု​အားဖြင့် ငါ​တို့​ရရှိ​သော ငါ​တို့​၏​လွတ်လပ်​ခြင်း​ကို​စုံစမ်း​ရန် ဝင်ရောက်​လာ​ကြ​၏။

ဂ​လာ​တိ 2:6

ထို​အထင်ကရ​ဖြစ်​သော​သူ​တို့​သည် ယခင်က မည်ကဲ့သို့သော​သူ​ဖြစ်​ပါစေ ငါ့​အတွက်​အကြောင်း​မ​ဟုတ်။ ဘုရားသခင်​သည် လူ့​မျက်နှာ​ကို​ထောက်​တော်​မ​မူ။ အမှန်စင်စစ် ထို​အထင်ကရ​ဖြစ်​သော​သူ​တို့​သည် ငါ့​အပေါ် မည်သည့်​အရာ​ကို​မျှ မ​ဖြည့်စွက်​ခဲ့​ကြ​ပေ။

ဂ​လာ​တိ 3:1

အို မိုက်မဲ​သော​ဂလာတိ​ပြည်သား​တို့၊ လက်ဝါးကပ်တိုင်​ပေါ်၌​တင်​ခြင်း​ခံရ​သော ယေရှု​ခရစ်တော်​သည် သင်​တို့​မျက်စိ​ရှေ့၌ ထင်ရှား​စွာ​ဖော်ပြ​ခြင်း​ခံရ​လျက်​နှင့် မည်သူ​က သင်​တို့​ကို​ပြုစား​လိုက်​သနည်း။

ဂ​လာ​တိ 4:11

သင်​တို့​အတွက် ငါ​ကြိုးစား​လုပ်ဆောင်​ခဲ့​သော​အရာ​သည် အကြောင်း​တစ်စုံတစ်ခု​ကြောင့် အချည်းနှီး​ဖြစ်​ပြီ​လော​ဟု သင်​တို့​အတွက် ငါ​စိုးရိမ်​၏။

ဂ​လာ​တိ 4:17

သင်​တို့​အပေါ် အရေးတယူ​ပြု​ကြ​သော​ထို​သူ​တို့​သည် ကောင်း​သော​ရည်ရွယ်ချက်​ကြောင့်​မ​ဟုတ်​ဘဲ သူ​တို့​အပေါ် အရေးတယူ​ပြု​စေရန် သင်​တို့​ကို သီးသန့်​ဖယ်ထုတ်​လို​၍​သာ​ဖြစ်​၏။

ဂ​လာ​တိ 4:20

ငါ​သည် သင်​တို့​နှင့်​ပတ်သက်၍ တွေးမရ​ဖြစ်​နေ​သဖြင့် ယခု​ပင် သင်​တို့​နှင့်အတူ​ရှိ​လျက် ငါ့​လေသံ​ကို ငါ​ပြောင်း​လို​၏။

ဂ​လာ​တိ 5:12

သင်​တို့​ကို မွှေနှောက်​ရှုပ်ထွေး​စေ​သော​သူ​တို့​သည် မိမိတို့ကိုယ်ကို​ပင် သင်းကွပ်​လိုက်​လျှင် ကောင်း​လိမ့်မည်။

ဂ​လာ​တိ 5:7

သင်​တို့​သည် ကောင်း​စွာ​ပြေး​ခဲ့​ကြ​၏။ သမ္မာတရား​ကို​မ​လိုက်နာ​စေရန် မည်သူ​က သင်​တို့​ကို အနှောင့်အယှက်​ပေး​သနည်း။

ဂ​လာ​တိ 6:17

ယခု​မှစ၍ မည်သူမျှ ငါ့​အား အနှောင့်အယှက်​မ​ပေး​ပါစေ​နှင့်။ အကြောင်းမူကား ငါ​သည် ယေရှု​နှင့်ဆိုင်သော​အမှတ်တံဆိပ်​များ​ကို ငါ​၏​ကိုယ်ခန္ဓာ​၌ ဆောင်​ထား​၏။

ဖိ​လိပ္ပိ 3:15

ထို့ကြောင့် စုံလင်​ရင့်ကျက်​သော​သူ​ရှိသမျှ​တို့​သည် ဤသို့​သော​စိတ်သဘော​ရှိ​သင့်​၏။ သင်​တို့​၌ ခြားနား​သော​စိတ်သဘော​တစ်စုံတစ်ခု​ရှိ​လျှင်​လည်း ဘုရားသခင်​သည် ထို​အရာ​ကို​ပင် သင်​တို့​အား ဖော်ပြ​တော်မူ​လိမ့်မည်။

၂ သက် 3:4

သင်​တို့​သည် ငါ​တို့​ညွှန်ကြား​သည့်​အရာ​များ​ကို ယခု​ဆောင်ရွက်​နေ​ကြ​၏။ ဆက်၍​လည်း ဆောင်ရွက်​ကြ​လိမ့်မည်​ဟု သခင်​ဘုရား​၌ သင်​တို့​အပေါ် ငါ​တို့​ယုံကြည်​စိတ်ချ​ကြ​၏။

၁ တိ 1:20

ထို​သူ​တို့​တွင် ဟုမေနဲ​နှင့်​အလက်ဇန္ဒြား​တို့​ပါဝင်​ကြ​၏။ သူ​တို့​သည် ဘုရားသခင်​ကို စော်ကား​ပြောဆို​ခြင်း​မ​ပြု​မည့်​အကြောင်း ဆုံးမ​ခြင်း​ကို​ခံရ​ကြ​ရန် သူ​တို့​ကို စာတန်​လက်​သို့ ငါ​အပ်လိုက်​၏။

ဖိ​လေ​မုန် 1:21

သင်​၏​နာခံ​ခြင်း​ကို ယုံကြည်​စိတ်ချ​၍ ငါ​ပြော​သော​အရာ​ထက်​ပင် သင်​ပို၍​ပြု​မည်​ကို သိ​လျက် သင့်​ထံသို့ ငါ​စာ​ရေး​လိုက်​ပါ​၏။