ဂ​လာ​တိ 3:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ သို့ဖြစ်လျှင် ပညတ်​တရား​သည် အဘယ်ကြောင့်​ရှိ​ရ​သနည်း။ ၎င်း​သည် ကတိ​တော်​ကို​ခံရ​သော​အမျိုးအနွယ်​ပေါ်ထွန်း​သည်​အထိ ဖောက်ဖျက်​ကျူးလွန်​မှု​များ​ကြောင့် ဖြည့်စွက်​ထား​ခြင်း​ခံရ​ပြီး ကောင်းကင်​တမန်​များ​မှ​တစ်ဆင့် ကြားဝင်​စေ့စပ်​သူ​အားဖြင့် ပြဋ္ဌာန်း​ခြင်း​ခံရ​၏။

Common Language Bible

¹⁹ ထို​သို့​ဖြစ်​ပါ​မူ​ပ​ညတ်​တ​ရား​၏​ရည်​ရွယ် ချက်​ကား​အ​ဘယ်​နည်း။ ပ​ညတ်​တ​ရား​ကို ဘု​ရား​သခင်​ချ​ပေး​တော်​မူ​ခဲ့​ခြင်း​မှာ အ​ပြစ် ဒု​စ​ရိုက်​၏​သ​ဘော​ကို​ထုတ်​ဖော်​ပြ​သ​ရန် သာ​ဖြစ်​၏။ ထို​ပ​ညတ်​တ​ရား​သည်​က​တိ တော်​ကို​ခံ​ယူ​ရ​ရှိ​သူ အာ​ဗြ​ဟံ​၏​သား​မြေး မ​ပေါ်​သေး​မီ​ကာ​လ​အ​တွင်း​၌​သာ​လျှင် တည်​ရှိ​ရန်​ဖြစ်​သည်။ ဘု​ရား​သ​ခင်​သည်​ထို ပ​ညတ်​တ​ရား​ကို​ကောင်း​ကင်​တ​မန်​များ အား​ဖြင့် ကြား​ဝင်​စေ့​စပ်​သူ​လူ​တစ်​ဦး​မှ တစ်​ဆင့်​ပေး​အပ်​တော်​မူ​ခဲ့​၏။-

Garrad Bible

¹⁹ သို့ ဖြစ် လျှင် ပ ညတ် တ ရား တော် ကား မည် သည့် အ ရာ နည်း။ က တိ တော် ခံ ရ သော အ မျိုး အ နွယ် မ ပေါ် မ ချင်း လွန် ကျူး မှု များ ကြောင့် စေ တ မန် တော် တို့ ဆင့် ဆို လျက် စေ့ စပ် သူ လက် ဖြင့် ထပ် သွင်း စီ ရင် တော် မူ ရာ တည်း။

Judson Bible

¹⁹ သို့​ဖြစ်၍ ပ​ညတ်​တ​ရား​သည် အ​ဘယ်​အ​ကျိုး​ရှိ​သ​နည်း ဟူ​မူ​ကား၊ က​တိ​တော်​ကို​ခံ​သော အ​မျိုး​အ​နွယ် မ​ဖြစ်​မီ​တိုင်​အောင်၊ ဒု​စ​ရိုက်​များ​ကြောင့် ထို​တ​ရား​ကို ထပ်၍ ပေး​တော်​မူ၏။ ထို​တ​ရား​ကို ကောင်း​ကင်​တ​မန်​များ​အား​ဖြင့် အာ​မ​ခံ၏ လက်၌​ထား​တော်​မူ၏။-

ခေတ်သစ်​မြန်မာ သမ္မာကျမ်း

¹⁹ သို့ဖြစ်လျှင် ပညတ်တရား​ကို အဘယ်ကြောင့် ပေးထားသနည်း။ ပညတ်တရား​ကို ပေးထားရခြင်း​မှာ အပြစ်​၏ သဘောသဘာဝ​ကို ဖော်ပြ​ရန်​ဖြစ်ပြီး ကတိတော်​ကို ရရှိသော အမျိုးအနွယ် မပေါ်မီ​ကာလ​တိုင်အောင် ထားရှိမည်​ဖြစ်၏။ ဘုရားသခင်​သည် ထို​ပညတ်တရား​ကို ကောင်းကင်တမန်များ​ဖြင့် ကြားဝင်​စေ့စပ်သူ မောရှေ​ထံမှ​တစ်ဆင့် ပေးအပ်တော်မူ၏။

ဂ​လာ​တိ 3:19 Referencias Cruzadas

ဆာ​လံ 106:23

ထို့ကြောင့် ကိုယ်တော်​သည် သူ​တို့​ကို​ဖျက်ဆီး​မည်​ဟု မိန့်​တော်မူ​၏​။ သို့ရာတွင် ကိုယ်တော်​ရွေးကောက်​တော်မူ​သော မောရှေ​သည် ရှေ့​တော်​မှ ကျိုးပေါက်​မည့်​နေရာ​တွင်​ရပ်​လျက် သူ​တို့​ကို​ဖျက်ဆီး​မည့် ကိုယ်တော်​၏​အမျက်ဒေါသ​ကို တားဆီး​ခဲ့​၏​။

ဝတ်​ပြု 15:32

ဤသည်ကား အရိအရွဲထွက်​သော​သူ​၊ သုက်ရည်​ထွက်​ခြင်း​ကြောင့် ညစ်ညူး​သော​သူ​၊

လုကာ 16:31

သို့သော် အာဗြဟံ​က ‘သူ​တို့​သည် မောရှေ​နှင့်​ပရောဖက်​တို့​၏​စကား​ကို​နား​မ​ထောင်​လျှင် တစ်စုံတစ်ယောက်​သည် သေ​သော​သူ​တို့​ထဲမှ ထမြောက်​လျှင်​လည်း သူ​တို့​ယုံကြည်​ကြ​လိမ့်မည်​မ​ဟုတ်’​ဟု ဆို​လေ​၏”​ဟူ၍ မိန့်​တော်မူ​၏။

ရှင်ယောဟန် 1:17

အကြောင်းမူကား ပညတ်​တရား​ကို မောရှေ​အားဖြင့်​ပေး​တော်မူ​၏။ ကျေးဇူး​တော်​နှင့်​သမ္မာတရား​မူကား ယေရှု​ခရစ်တော်​အားဖြင့်​ဖြစ်လာ​၏။

ရှင်ယောဟန် 15:22

ငါ​သည်​လာ​၍ သူ​တို့​အား မ​ဟောပြော​ခဲ့​လျှင် သူ​တို့​၌​အပြစ်​မ​ရှိ။ သို့သော် ယခု​အခါ သူ​တို့​သည် မိမိ​တို့​၏​အပြစ်​အတွက် ဆင်ခြေ​ပေး​၍​မ​ရ​နိုင်​ကြ။

တမန်တော်ဝတ္ထု 7:38

သူ​သည် သိနာ​တောင်​၌ သူ့​အား​စကား​ပြော​ခဲ့​သော​ကောင်းကင်တမန်​မှစ၍ ငါ​တို့​၏​ဘိုးဘေး​များ​နှင့်အတူ တော​ကန္တာရ​တွင်​ရှိ​သော​လူ​အစုအဝေး​ထဲ၌​ရှိ​လျက် ငါ​တို့​အား​ပေးအပ်​ရန် အသက်ရှင်​သော​နှုတ်ကပတ်​တရား​ကို လက်ခံ​ရရှိ​ခဲ့​၏။

တမန်တော်ဝတ္ထု 7:53

သင်​တို့​သည် ကောင်းကင်တမန်​များ​အားဖြင့် ပြဋ္ဌာန်း​ထား​သော​ပညတ်​တရား​ကို ရရှိ​သော်လည်း ၎င်း​ကို​စောင့်ထိန်း​ခြင်း​မ​ရှိ​ကြ”​ဟု ဆို​လေ​၏။

ရော​မ 2:13

အကြောင်းမူကား ပညတ်​တရား​ကို​ကြားနာ​သော​သူ​တို့​သည် ဘုရားသခင်​ရှေ့​တော်​၌ ဖြောင့်မတ်​ကြ​သည်​မ​ဟုတ်။ ပညတ်​တရား​ကို​လိုက်နာ​ကျင့်သုံး​သော​သူ​တို့​သာလျှင် ဖြောင့်မတ်​သည်​ဟု​အသိအမှတ်ပြု​ခြင်း​ခံရ​ကြ​၏။

ရော​မ 4:15

ပညတ်​တရား​သည် အမျက်​တော်​ကို​ဖြစ်ပေါ်​စေ​၏။ သို့သော် ပညတ်​တရား​မ​ရှိ​သော​နေရာ​၌ ဖောက်ဖျက်​ကျူးလွန်​မှု​လည်း​မ​ရှိ။

ဂ​လာ​တိ 3:16

ဘုရားသခင်​သည် အာဗြဟံ​နှင့်​သူ​၏​အမျိုးအနွယ်​အား ကတိ​ပေး​တော်မူ​ရာ​၌ အများ​ကို​ရည်ညွှန်း​၍ “အမျိုးအနွယ်​တို့”​ဟု မိန့်​တော်​မ​မူ​ဘဲ တစ်​ယောက်​သော​သူ​ကို​သာ​ရည်ညွှန်း​၍ “သင်​၏​အမျိုးအနွယ်”​ဟု မိန့်​တော်မူ​၏။ ထို​သူ​ကား ခရစ်တော်​ဖြစ်​၏။

တ​ရား​ဟော 33:2

မောရှေ​က “​ထာဝရဘုရား​သည် သိနာ​တောင်​မှ ကြွလာ​တော်မူ​၏​။ စိရ​တောင်​မှ ထွန်းလင်း​တော်မူ​၏​။ ပါရန်​တောင်​မှ ရောင်ခြည်လွှတ်​တော်မူ​၏​။ လက်ယာ​လက်​တော်​၌ ဥပဒေသမီး​ပါ​လျက် သန့်ရှင်း​သူ​အထောင်အသောင်း​တို့​နှင့် ကြွလာ​တော်မူ​၏​။

တ​ရား​ဟော 5:5

ထို​အချိန်​၌ သင်​တို့​သည် မီး​ကို​ကြောက်​၍ တောင်​ပေါ်သို့​မ​တက်ဝံ့​ကြ​သောကြောင့် ငါ​သည် ထာဝရဘုရား​နှင့်​သင်​တို့​ကြား၌ ရပ်​လျက် ထာဝရဘုရား​၏​စကား​တော်​ကို သင်​တို့​အား ပြန်​ပြောပြ​ခဲ့​၏​။ မိန့်​တော်မူ​သော​စကား​မှာ

ဟေ​ဗြဲ 2:2

အကြောင်းမူကား ကောင်းကင်​တမန်​များ​အားဖြင့် မိန့်​တော်မူ​သော​တရား​တော်​သည် တည်မြဲ​၍ ဖောက်ဖျက်​ကျူးလွန်​မှု​နှင့်​မ​နာခံ​မှု​ရှိသမျှ​တို့​အတွက် ထိုက်သင့်​သော​အပြစ်ဒဏ်​ကို လူ​တို့​ခံရ​သည်​ဆို​လျှင်

ဟေ​ဗြဲ 2:5

အကြောင်းမူကား ဘုရားသခင်​သည် ငါ​တို့​ပြောဆို​နေ​သော နောင်​လာ​မည့်​ကမ္ဘာ​ကို ကောင်းကင်​တမန်​တို့​၏​လက်အောက်​သို့ ချ​ထား​တော်​မ​မူ​ခဲ့​ပေ။