ဂ​လာ​တိ 2:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ငါ​သည် ဘုရားသခင်​၏​ကျေးဇူး​တော်​ကို မ​ပစ်ပယ်။ အကြောင်းမူကား ဖြောင့်မတ်​ခြင်း​ကို ပညတ်​တရား​အားဖြင့်​ရရှိ​နိုင်​လျှင် ခရစ်တော်​သည် အချည်းနှီး​အသေခံ​တော်မူ​ပြီ။

Common Language Bible

²¹ ဘု​ရား​သ​ခင်​၏​ကျေး​ဇူး​တော်​ကို​ငါ​မ​ပစ် ပယ်။ အ​ကယ်​၍​လူ​တို့​သည်​ပ​ညတ်​တ​ရား​အား ဖြင့် ဘု​ရား​သ​ခင်​နှင့်​မှန်​ကန်​စွာ​ဆက်​ဆံ​ခွင့်​ကို ရ​ရှိ​နိုင်​ကြ​လျှင် ခ​ရစ်​တော်​သည်​အ​ချည်း​နှီး အ​သေ​ခံ​တော်​မူ​ပြီ။

Garrad Bible

²¹ ငါ သည် ဘု ရား သ ခင့် ကျေး ဇူး တော် ကို ပယ် ဖျက် သည် မ ဟုတ်။ အ ကယ်၍ ပ ညတ် တ ရား ကြောင့် ဖြောင့် မတ် ရာ ရောက် ခွင့် ရ လျှင် ခ ရစ် တော် သည် အ ကြောင်း မဲ့ အ သေ ခံ တော် မူ လေ ပြီ။

Judson Bible

²¹ ဘု​ရား​သ​ခင်၏ ကျေး​ဇူး​တော်​ကို ငါ​မ​ပယ်။ ပ​ညတ်​တ​ရား​ကို အ​မှီ​ပြု၍ ဖြောင့်​မတ်​ရာ​သို့ ရောက်​နိုင်​လျှင် ခ​ရစ်​တော်​သည် အ​ချည်း​နှီး အ​သေ​ခံ​တော်​မူ​ပြီ။

ခေတ်သစ်​မြန်မာ သမ္မာကျမ်း

²¹ ကျွန်ုပ်​သည် ဘုရားသခင်​၏ ကျေးဇူးတော်​ကို မပစ်ပယ်။ လူ​သည် ပညတ်တရား​ကို လိုက်နာခြင်း​အားဖြင့် ဘုရားသခင်​ရှေ့တော်​၌ ဖြောင့်မတ်သည်​ဟု သတ်မှတ်​ခံရ​လျှင် ခရစ်တော်​၏ အသေခံတော်မူခြင်း​သည် အချည်းနှီး​ဖြစ်၏။

ဂ​လာ​တိ 2:21 Referencias Cruzadas

ဆာ​လံ 33:10

ထာဝရဘုရား​သည် တိုင်းနိုင်ငံ​တို့​၏​အကြံဉာဏ်​ကို ပယ်ဖျက်​၍ လူမျိုး​တို့​၏​အကြံအစည်​များ​ကို ဟန့်တား​တော်မူ​၏​။

ဟေ​ရှာ​ယ 49:4

ငါ​က​လည်း “​ငါ​သည် အချည်းနှီး​ကြိုးစား​အားထုတ်​ခဲ့​ပြီ​။ ငါ့​ခွန်အား​ကို​အလဟဿ အချည်းနှီး​ကုန်​စေ​ပြီ​။ အကယ်စင်စစ် ငါ့​အတွက်​တရားမျှတမှု​သည် ထာဝရဘုရား​ထံ၌​ရှိ​၏​။ ငါ့​အတွက်​ဆုလာဘ်​သည် ငါ​၏​ဘုရားသခင်​ထံ၌​သာ​ရှိ​၏​”​ဟု ဆို​၏​။

ယေ​ရ​မိ 8:8

‘​ငါ​တို့​သည် ပညာရှိ​ဖြစ်​၏​။ ထာဝရဘုရား​၏​ပညတ်တရား​သည် ငါ​တို့​နှင့်အတူ​ရှိ​၏​’​ဟု သင်​တို့ မည်သို့​ပြော​နိုင်​မည်နည်း​။ အကယ်စင်စစ် ကျမ်းတတ်ဆရာ​တို့​၏​မုသား​ကညစ်​မှ မုသားတရား​ထွက်​လေ​ပြီ​တကား​။

ရှင်မာကု 7:9

တစ်ဖန် သူ​တို့​အား“သင်​တို့​သည် မိမိ​တို့​၏​ဓလေ့​ထုံးတမ်း​ကို​တည်​စေရန် ဘုရားသခင်​၏​ပညတ်​တော်​ကို ကောင်းစွာ​ပစ်ပယ်​ကြ​သည်​တကား။

ရော​မ 10:3

အကြောင်းမှာ သူ​တို့​သည် ဘုရားသခင်​၏​ဖြောင့်မတ်​ခြင်း​ကို​မ​သိ​ဘဲ မိမိ​၏​ဖြောင့်မတ်​ခြင်း​ကို​တည်​စေရန် ရှာကြံ​လျက် ဘုရားသခင်​၏​ဖြောင့်မတ်​ခြင်း​ကို မ​နာခံ​သောကြောင့်​ဖြစ်​၏။

ရော​မ 11:6

သို့သော် ကျေးဇူး​တော်​အားဖြင့်​ဖြစ်​လျှင် အကျင့်​အားဖြင့်​မ​ဟုတ်​တော့​ပေ။ သို့မဟုတ်​လျှင် ကျေးဇူး​တော်​သည် ကျေးဇူး​တော်​ဖြစ်​တော့မည်​မ​ဟုတ်။

ရော​မ 4:25

သခင်​ယေရှု​သည် ငါ​တို့​ကျူးလွန်​သော​အပြစ်​များ​အတွက် အပ်နှံ​ခြင်း​ကို​ခံရ​ပြီး ငါ​တို့​ဖြောင့်မတ်​သည်​ဟု အသိအမှတ်ပြု​ခြင်း​ခံရ​ရန်​အတွက် ထမြောက်​တော်မူ​၏။

ရော​မ 8:31

သို့ဖြစ်လျှင် ဤ​အရာ​များ​ကို​ထောက်၍ မည်သို့​ဆို​ရ​မည်နည်း။ ဘုရားသခင်​သည် ငါ​တို့​ဘက်​၌​ရှိ​တော်မူ​လျှင် မည်သူ​သည် ငါ​တို့​ကို ဆန့်ကျင်​နိုင်​မည်နည်း။

၁ ကော 15:14

ခရစ်တော်​သည် ထမြောက်​တော်မမူ​ခဲ့​လျှင် ငါ​တို့​၏​ဟောပြော​ခြင်း​သည် အချည်းနှီး​ဖြစ်​ပြီး သင်​တို့​၏​ယုံကြည်​ခြင်း​သည်​လည်း အချည်းနှီး​ဖြစ်​၏။

၁ ကော 15:17

ခရစ်တော်​သည် ထမြောက်​တော်မမူ​ခဲ့​လျှင် သင်​တို့​၏​ယုံကြည်​ခြင်း​သည် အချည်းနှီး​ဖြစ်၍ သင်​တို့​သည် မိမိ​တို့​အပြစ်​များ​ထဲ၌​ရှိ​နေ​ကြ​သေး​၏။

၁ ကော 15:2

သင်​တို့​သည် ထို​သတင်း​ကို အကြောင်းမဲ့​မ​ယုံကြည်​ဘဲ သင်​တို့​အား ငါ​ဟောပြော​ခဲ့​သော​တရား​စကား​ကို စွဲကိုင်​ထား​လျှင် ၎င်း​အားဖြင့် ကယ်တင်​ခြင်း​ကို​လည်း​ခံရ​ကြ​၏။

ဂ​လာ​တိ 2:16

သို့သော် လူ​သည် ပညတ်​တရား​နှင့်ဆိုင်သော အကျင့်​အားဖြင့်​မ​ဟုတ်​ဘဲ ယေရှု​ခရစ်တော်​ကို​ယုံကြည်​ခြင်း​အားဖြင့် ဖြောင့်မတ်​သည်​ဟု​အသိအမှတ်ပြု​ခြင်း​ခံရ​ကြောင်း သိ​ကြ​သဖြင့် ငါ​တို့​သည် ပညတ်​တရား​နှင့်ဆိုင်သော အကျင့်​အားဖြင့်​မ​ဟုတ်​ဘဲ ခရစ်တော်​ကို​ယုံကြည်​ခြင်း​အားဖြင့် ဖြောင့်မတ်​သည်​ဟု​အသိအမှတ်ပြု​ခြင်း​ခံရ​ရန် ခရစ်တော်​ယေရှု​ကို ယုံကြည်​ကြ​၏။ အကြောင်းမူကား ပညတ်​တရား​နှင့်ဆိုင်သော အကျင့်​အားဖြင့် မည်သူမျှ ဖြောင့်မတ်​သည်​ဟု​အသိအမှတ်ပြု​ခြင်း​ခံရ​မည်​မ​ဟုတ်။

ဂ​လာ​တိ 2:18

အကြောင်းမူကား ငါ​သည် မိမိ​ဖြိုဖျက်​ခဲ့​သော ထို​အရာ​များ​ကို ပြန်လည်​တည်ဆောက်​လျှင် ကိုယ့်ကိုယ်ကိုယ် ပညတ်​တရား​ဖောက်ဖျက်​ကျူးလွန်​သူ​ဖြစ်​ကြောင်း ထင်ရှား​စေ​ရာ​ရောက်​၏။

ဂ​လာ​တိ 3:21

သို့ဖြစ်လျှင် ပညတ်​တရား​သည် ဘုရားသခင်​၏​ကတိ​တော်​နှင့် ဆန့်ကျင်ဘက်​ဖြစ်​သလော။ လုံးဝ​မ​ဖြစ်​ပေ။ အကြောင်းမူကား ပေးအပ်​ထား​သော​ပညတ်​တရား​သည် အသက်ရှင်​စေ​နိုင်​သည်​ဆိုလျှင် ဖြောင့်မတ်​ခြင်း​ကို ထို​ပညတ်​တရား​အားဖြင့် အမှန်ပင်​ရရှိ​ခဲ့​ပေ​လိမ့်မည်။

ဟေ​ဗြဲ 7:11

လူ​တို့​သည် လေဝိ​အနွယ်​နှင့်ဆိုင်သည့် ယဇ်ပုရောဟိတ်​အရိုက်အရာ​အပေါ်တွင် အခြေခံ​ပြီး ပညတ်​တရား​ကို​ရရှိ​ကြ​သည်​ဖြစ်၍ ၎င်း​အားဖြင့် စုံလင်​ခြင်း​သို့​ရောက်​ခဲ့​လျှင် အာရုန်​နှင့်​အလားတူ​မ​ဟုတ်​ဘဲ မေလခိဇေဒက်​နှင့်​အလားတူ​သည့် အခြား​သော​ယဇ်ပုရောဟိတ်​ပေါ်ထွန်း​ရန် အဘယ်ကြောင့်​လိုအပ်​သေး​သနည်း။