ကော​လော​သဲ 4:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ တုခိတ်​ကို သင်​တို့​ထံသို့ ငါ​စေလွှတ်​ခြင်း​မှာ ငါ​တို့​အကြောင်း​ကို သင်​တို့​သိရှိ​နိုင်​ရန်​နှင့် သူ​သည် သင်​တို့​၏​စိတ်နှလုံး​ကို နှစ်သိမ့်​ပေး​နိုင်​ရန်​ဖြစ်​၏။

Common Language Bible

⁸ ငါ​တို့​၏​အ​ခြေ​အ​နေ​ကို​သင်​တို့​အား​ပြော ပြ​ခြင်း​အား​ဖြင့်​သင်​တို့​ကို​အား​တက်​စေ​ရန် ငါ​သည်​သူ့​အား​သင်​တို့​ထံ​သို့​စေ​လွှတ်​လိုက် ခြင်း​ဖြစ်​ပေ​သည်။-

Garrad Bible

⁸ ငါ တို့ အ ဖြစ် အ နေ ကို သိ သ ဖြင့် သင် တို့ စိတ် နှစ် သိမ့် စေ အံ့ သော ငှာ

Judson Bible

^8-9 သူ​သည် သင်​တို့၏​အ​ကြောင်း​အ​ရာ​များ​ကို သိ၍၊ သင်​တို့​စိတ်​နှ​လုံး​ကို သက်​သာ​စေ​ခြင်း​ငှာ၊ ထို​သူ ကို​လည်း​ကောင်း၊ သင်​တို့​အ​ထဲ​က​ဖြစ်၍ သ​စ္စာ​ရှိ​သော ငါ​ချစ်​သော​ညီ ဩ​နေ​သိမ်​ကို​လည်း​ကောင်း၊ သင်​တို့​ဆီ​သို့ ငါ​စေ​လွှတ်၏။ သူ​တို့​သည် ဤ​မြို့၌​ဖြစ်​သ​မျှ​သော အ​ကြောင်း​အ​ရာ​ကို သင်​တို့​အား ဖော်​ပြ​ကြ​လိမ့်​မည်။

ခေတ်သစ်​မြန်မာ သမ္မာကျမ်း

⁸ ကျွန်ုပ်တို့​၏ အခြေအနေ​ကို သင်တို့ သိစေ​၍ သူ​သည် သင်တို့​ကို စိတ်ခွန်အား​ပေးရန် သူ့​ကို သင်တို့​ထံ ကျွန်ုပ် စေလွှတ်လိုက်ပါ၏။

ကော​လော​သဲ 4:8 Referencias Cruzadas

ဟေ​ရှာ​ယ 40:1

သင်​တို့​၏​ဘုရားသခင်​က “​ငါ​၏​လူမျိုး​တော်​ကို နှစ်သိမ့်​ပေး​ကြ​။ နှစ်သိမ့်​ပေး​ကြ​”​ဟု မိန့်​တော်မူ​၏​။

၁ ကော 4:17

ဤ​အကြောင်း​ကြောင့် သခင်​ဘုရား​၌​သစ္စာရှိ​သော ငါ​၏​ချစ်​သား တိမောသေ​ကို သင်​တို့​ထံသို့ ငါ​စေလွှတ်​၏။ သူ​သည် အရပ်ရပ်​တို့​၌ အသင်းတော်​တိုင်း​တွင် ငါ​သွန်သင်​သည့်​အတိုင်း ခရစ်တော်​ယေရှု​၌ ငါ​လိုက်လျှောက်​သော​လမ်း​တို့​ကို သင်​တို့​အား သတိရ​စေ​လိမ့်မည်။

၂ ကော 1:4

ဘုရားသခင်​သည် ငါ​တို့​ခံရ​သော​ဆင်းရဲ​ဒုက္ခ​အမျိုးမျိုး​တို့​၌ ငါ​တို့​ကို​နှစ်သိမ့်​ပေး​တော်မူ​၏။ ဤသည်ကား ဘုရားသခင်​ထံမှ ငါ​တို့​ရရှိ​သော​နှစ်သိမ့်​ခြင်း​အားဖြင့် ဆင်းရဲ​ဒုက္ခ​အမျိုးမျိုး​ကို​ခံ​နေ​ရ​သော​သူ​တို့​အား ငါ​တို့​နှစ်သိမ့်​ပေး​နိုင်​ရန်​အတွက်​ဖြစ်​၏။

၂ ကော 12:18

ငါ​သည် တိတု​ကို သင်​တို့​ထံသို့​လာ​ရန် တိုက်တွန်း​၍ သူ​နှင့်အတူ ညီအစ်ကို​တစ်​ဦး​ကို​စေလွှတ်​ခဲ့​၏။ တိတု​သည် သင်​တို့​ကို အမြတ်​ထုတ်​ခဲ့​သလော။ ငါ​တို့​သည် တူညီ​သော​စိတ်သဘော​ဖြင့် ခြေရာ​တစ်ထပ်တည်း​လျှောက်လှမ်း​ခဲ့​ကြ​သည် မ​ဟုတ်​လော။

၂ ကော 2:7

ထို့ကြောင့် ယခု​အခါ​တွင် သင်​တို့​သည် သူ့​ကို​ခွင့်လွှတ်​၍ နှစ်သိမ့်​ပေး​သင့်​၏။ သို့မဟုတ်လျှင် သူ​သည် ကြီးစွာ​သော​ဝမ်းနည်း​ခြင်း​၌ နစ်မွန်း​သွား​လိမ့်မည်။

ဧ​ဖက် 6:22

သူ့​ကို သင်​တို့​ထံသို့ ငါ​စေလွှတ်​ခြင်း​မှာ ငါ​တို့​နှင့်​ပတ်သက်​သော​အရာ​များ​ကို သင်​တို့​သိရှိ​နိုင်​ရန်​နှင့် သူ​သည် သင်​တို့​၏​စိတ်နှလုံး​ကို အားပေး​နိုင်​ရန်​ဖြစ်​၏။

ဖိ​လိပ္ပိ 2:28

ထို့ကြောင့် သင်​တို့​သည် သူ့​ကို တစ်ဖန်​တွေ့မြင်​၍ ဝမ်းမြောက်​ကြ​စေရန်​နှင့် ငါ​သည်​လည်း စိတ်​သက်သာ​ရာ​ရ​စေရန် သူ့​ကို မဆိုင်းမတွ​ငါ​စေလွှတ်​၏။

ကော​လော​သဲ 2:2

ဤသည်ကား သူ​တို့​သည် စိတ်နှလုံး​နှစ်သိမ့်​မှု​ကို​ခံစား​ရ​၍ ချစ်​ခြင်း​မေတ္တာ​၌ ပေါင်းစည်း​ခြင်း​ခံရ​ကာ ဉာဏ်စွမ်း​နှင့်ဆိုင်သော​စိတ်ချမှု​နှင့်​ကြွယ်ဝ​ပြည့်စုံ​သဖြင့် ဘုရားသခင်​၏​လျှို့ဝှက်​နက်နဲ​သော​အရာ​တည်းဟူသော ခရစ်တော်​ကို​သိ​ကြ​မည့်​အကြောင်း​တည်း။

၁ သက် 2:11

သင်​တို့​သိ​ကြ​သည့်​အတိုင်း ဖခင်​သည် မိမိ​သားသမီး​များ​အပေါ်​ပြု​သကဲ့သို့ ငါ​တို့​သည် သင်​တို့​အပေါ်​ပြုမူ​လျက်

၁ သက် 3:2

ခရစ်တော်​၏​ကောင်းမြတ်​သော​သတင်း​၌ ဘုရားသခင်​၏​လုပ်ဖော်ဆောင်ဖက်​ဖြစ်​သော ငါ​တို့​၏​ညီ တိမောသေ​ကို စေလွှတ်​လိုက်​၏။ သူ့​ကို​စေလွှတ်​ခြင်း​မှာ သင်​တို့​၏​ယုံကြည်​ခြင်း​နှင့်ပတ်သက်၍ သင်​တို့​ကို တိုက်တွန်း​နှိုးဆော်​၍ ခိုင်ခံ့​မြဲမြံ​စေရန်​နှင့်

၁ သက် 3:5

ထို့ကြောင့် ဖြားယောင်း​သွေးဆောင်​သော​သူ​သည် တစ်နည်းနည်း​ဖြင့် သင်​တို့​ကို​ဖြားယောင်း​သွေးဆောင်​ပြီး ငါ​တို့​၏​ကြိုးပမ်း​အားထုတ်​မှု​သည် အချည်းနှီး​ဖြစ်​မည်​ကို​စိုးရိမ်​၍ ငါ​သည် နောက်ထပ် အောင့်ခံ​၍​မ​ရ​နိုင်​တော့​သဖြင့် သင်​တို့​၏​ယုံကြည်​ခြင်း​ကို​သိရှိ​နိုင်​ရန်​အတွက် သူ့​ကို​စေလွှတ်​ခဲ့​၏။

၁ သက် 4:18

သို့ဖြစ်၍ ဤ​စကား​များ​ဖြင့် အချင်းချင်း​တိုက်တွန်း​နှိုးဆော်​ကြ​လော့။

၁ သက် 5:11

ထို့ကြောင့် ယခု​သင်​တို့​ပြု​နေ​သည့်​အတိုင်း အချင်းချင်း​တိုက်တွန်း​နှိုးဆော်​၍ တစ်​ဦး​ကို​တစ်​ဦး တည်ဆောက်​မြှင့်တင်​ပေး​ကြ​လော့။

၁ သက် 5:14

ညီအစ်ကို​တို့၊ သင်​တို့​အား ငါ​တို့​တိုက်တွန်း​နှိုးဆော်​သည်​ကား စည်းမဲ့​ကမ်းမဲ့​နေ​သော​သူ​တို့​ကို သတိပေး​ဆုံးမ​ကြ​လော့။ စိတ်အားငယ်​သော​သူ​တို့​ကို နှစ်သိမ့်​ကြ​လော့။ အားနည်း​သော​သူ​တို့​ကို ထောက်မ​ကြ​လော့။ လူ​အပေါင်း​တို့​အပေါ် စိတ်ရှည်​သည်းခံ​ကြ​လော့။

၂ သက် 2:17

သင်​တို့​၏​စိတ်နှလုံး​ကို နှစ်သိမ့်​ပေး​၍ ကောင်း​သော​စကား​နှင့်​ကောင်း​သော​အမှု​အလုံးစုံ​တို့​၌ သင်​တို့​ကို ခိုင်ခံ့​မြဲမြံ​စေ​တော်မူ​ပါစေသော။