ကမ္ဘာ​ဦး 9:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ လူ​၏​အသက်​ကို​သတ်​သော​သူ​သည် လူ့​လက်​ဖြင့်​အသတ်​ခံရ​မည်​။ အကြောင်းမူကား ဘုရားသခင်​သည် မိမိ​၏​ပုံသဏ္ဌာန်​အတိုင်း လူ​ကို​ဖန်ဆင်း​တော်မူ​၏​။

Common Language Bible

⁶ လူ​ကို​ဘု​ရား​သ​ခင်​၏​ပုံ​သဏ္ဌာန်​တော်​နှင့်​တူ​စွာ​ဖန်​ဆင်း​တော်​မူ​သ​ဖြင့် လူ​ကို​သတ်​သော​သူ​အား​လူ့​လက်​ဖြင့်​သတ်​လိမ့်​မည်။

Garrad Bible

⁶ ငါ ဘု ရား သ ခင် သည် ပုံ သ ဏ္ဌာန် တော် နှင့် အ ညီ လူ ကို ဖန် ဆင်း သော ကြောင့် အ ကြင် သူ သည် လူ ၏ အ သွေး ကို သွန်း အံ့။ ထို သူ ၏ အ သွေး ကို လူ့ လက် ဖြင့် သွန်း ရ လ တ္တံ့။

Judson Bible

⁶ အ​ကြင်​သူ​သည် လူ၏​အ​သွေး​ကို​သွန်း၏။ ထို​သူ၏​အ​သွေး​ကို လူ​လက်​ဖြင့်​သွန်း​ရ​မည်။ အ​ကြောင်း​မူ​ကား၊ ဘု​ရား​သ​ခင်​သည် မိ​မိ​ပုံ​သ​ဏ္ဌာန်​နှင့်​အ​ညီ လူ​ကို ဖန်​ဆင်း​တော်​မူ၏။

ကမ္ဘာ​ဦး 9:6 Referencias Cruzadas

ကမ္ဘာ​ဦး 4:14

ယနေ့ ကိုယ်တော်​သည် အကျွန်ုပ်​ကို မြေပြင်​ပေါ်​မှ နှင်ထုတ်​တော်မူ​သဖြင့် အကျွန်ုပ်​သည် ကိုယ်တော်​၏​ရှေ့​တော်​မှ​ပုန်းရှောင်​လျက် ကမ္ဘာမြေကြီး​ပေါ်တွင် အတည်တကျ​နေစရာ​မ​ရှိ​၊ လှည့်လည်သွားလာ​သူ​ဖြစ်​ရ​ပါ​မည်​။ အကျွန်ုပ်​ကို​တွေ့​သမျှ​သော​သူ​တို့​သည် အကျွန်ုပ်​ကို​သတ်​ပါ​လိမ့်မည်​”​ဟု ထာဝရဘုရား​အား လျှောက်​လေ​၏​။

ကမ္ဘာ​ဦး 42:22

ရုဗင်​က သူ​တို့​အား “ ‘​သူငယ်​ကို မ​ပြစ်မှား​ပါ​နှင့်​’​ဟု သင်​တို့​ကို​ငါ​ပြော​ခဲ့​သည်​မ​ဟုတ်​လော​။ သို့သော် သင်​တို့​နား​မ​ထောင်​ကြ​။ ငါ​တို့​သည် ယခု သူ​၏​သွေးကြွေး​အတောင်း​ခံရ​လေ​ပြီ​”​ဟု ပြန်ပြော​၏​။

ကမ္ဘာ​ဦး 5:1

အာဒံ​၏​သားစဉ်မြေးဆက်​စာရင်း​မှာ ဤသို့​ဖြစ်​၏​။ ဘုရားသခင်​သည် လူ​ကို​ဖန်ဆင်း​တော်မူ​သော​နေ့​၌ သူ့​ကို ဘုရားသခင်​နှင့်​တစ်ပုံစံတည်း​ပြုလုပ်​၍

၂ ရာ 4:11

အပြစ်မဲ့သူ​ကို သူ့​အိမ်​၊ သူ့​အိပ်ရာ​ပေါ်​အထိ လာသတ်​သော​လူဆိုး​တို့​ကို ထိုထက်မက ပြု​သင့်​သည်​မ​ဟုတ်​လော​။ ယခုမှာ ငါ​သည် သူ့​သွေးကြွေး​ကို သင်​တို့​ထံမှ​တောင်း​၍ သင်​တို့​ကို မြေကြီး​ပေါ်မှ ဖယ်ရှား​ပစ်​သင့်​သည် မ​ဟုတ်​လော​”​ဟု ဆို​ပြီးလျှင်

၃ ရာ 2:9

သို့သော် သူ့​ကို အပြစ်ကင်းသူ​ဟု မ​ယူဆ​ပါ​နှင့်​။ သင်​သည် ပညာရှိ​ဖြစ်​သည်​နှင့်အညီ သူ့​အား မည်သို့​ပြု​ရ​မည်​ကို သင်​သိ​ပါ​၏​။ ဆံပင်ဖြူ​သော​သူ့​ကို ကွပ်မျက်​ပြီး မရဏာနိုင်ငံ​သို့ ဆင်း​စေ​လော့​”​ဟု မိန့်မှာ​လေ​၏​။

၄ ရာ 11:1

အာခဇိ​မင်းကြီး​၏​မယ်တော်​အာသလိ​သည် မိမိ​၏​သား​တော်​အနိစ္စရောက်​သည်​ကို သိမြင်​သည်​နှင့်​ထ​၍ တော်ဝင်​မင်းမျိုးမင်းနွယ်​အားလုံး​ကို သုတ်သင်​ပစ်​လေ​၏​။

၄ ရာ 11:16

သူ့​ကို​ဖမ်းချုပ်ခေါ်ဆောင်​သွား​ပြီး ဘုရင့်​နန်းတွင်း မြင်း​ဝင်ရာ​တံခါးဝ​သို့​ရောက်​သောအခါ သူ့​ကို ကွပ်မျက်​လိုက်​ကြ​လေ​၏​။

၄ ရာ 11:20

ပြည်သူပြည်သား​အပေါင်း​တို့​သည်​လည်း ဝမ်းမြောက်ပျော်ရွှင်​ကြ​၏​။ အာသလိ​ဘုရင်မ​ကို ဘုရင့်​နန်းတော်​တွင် ဓား​နှင့်​ကွပ်မျက်​လိုက်​ပြီ​ဖြစ်​၍ တစ်မြို့လုံး​ငြိမ်းချမ်း​လေ​၏​။

၂ ရာ​ချုပ် 33:24

အာမုန်​မင်းကြီး​၏​အမှုထမ်း​တို့​သည်​လည်း လျှို့ဝှက်ကြံစည်​ကြ​ပြီး သူ့​ကို နန်းတွင်း​၌​ပင် ကွပ်မျက်​ကြ​လေ​၏​။

ဆာ​လံ 51:4

အကျွန်ုပ်​သည် ကိုယ်တော့်​ကို​၊ ကိုယ်တော့်​ကို​သာ ပြစ်မှား​၍ ကိုယ်တော်​၏​မျက်မှောက်​တော်​၌ မကောင်း​သော​အမှု​ကို ပြု​မိ​ပါ​ပြီ​။ သို့ဖြစ်၍ ကိုယ်တော်​အမိန့်​ရှိ​တော်မူ​သောအခါ ဖြောင့်မတ်​ပါ​၏​။ ကိုယ်တော်​တရားစီရင်​တော်မူ​သောအခါ သန့်ရှင်းစင်ကြယ်​ပါ​၏​။

ထွက်​မြောက် 20:13

လူ​မ​သတ်​ရ​။

သုတ္တံကျမ်း။ 28:17

လူ့​အသက်​သတ်ခြင်း​အပြစ်ဝန်​ကို ထမ်း​သော​သူ​သည် သေတွင်း​ထဲ​ရောက်​သည့်​တိုင်အောင် ထွက်ပြေး​တိမ်းရှောင်​နေ​ရ​လိမ့်မည်​။ မည်သူ​မျှ​သူ့​ကို​မ​ထောက်မ​စေ​နှင့်​။

ဒေသနာကျမ်း။ 3:3

သတ်​ရ​သော​အချိန်​နှင့် ကျန်းမာ​စေ​ရ​သော​အချိန်​ရှိ​၏​။ ဖြိုဖျက်​ရ​သော​အချိန်​နှင့် တည်ဆောက်​ရ​သော​အချိန်​ရှိ​၏​။

ဝတ်​ပြု 17:4

ထာဝရဘုရား​၏​ကိန်းဝပ်​တော်မူ​ရာ​တဲ​တော်​အရှေ့​တွင် ထာဝရဘုရား​ထံ ပူဇော်​ရန် ပူဇော်သက္ကာ​အဖြစ် တွေ့ဆုံစည်းဝေးရာ​တဲ​တော်​အဝင်ဝ​သို့ မ​ယူဆောင်​ခဲ့​လျှင် ထို​သူ​၌ အသက်သတ်​သော​အပြစ်​ရှိ​သည်​ဟု မှတ်ယူ​ရ​မည်​။ ထို​သူ​သည် အသက်သတ်​သည်​ဖြစ်၍ သူ​သည် မိမိ​လူမျိုး​ထဲ​မှ ပယ်ဖျက်​ခြင်း​ခံရ​မည်​။

ဝတ်​ပြု 24:17

မည်သူမဆို လူ့​အသက်​ကို သတ်​လျှင် ထို​သူ​သည် မုချ​အသတ်​ခံရ​မည်​။

တော​လည် 35:16

သံထည်​ပစ္စည်း​ဖြင့် ရိုက်​၍​လူ​သေ​သွား​လျှင် ရိုက်​သော​သူ​သည် လူသတ်​သော​သူ​ဖြစ်​၏​။ လူသတ်​သော​သူ​သည် မုချ​အသတ်​ခံရ​မည်​။

တော​လည် 35:25

လူသတ်​မိ​သော​သူ​ကို သွေးကြွေး​အတွက်​လက်စားချေ​ပေး​သော​သူ​လက်​မှ​ကယ်နုတ်​ရ​မည်​။ သူ​ထွက်ပြေး​ပြီး သွားရောက်​ခိုလှုံ​ခဲ့​သော​မြို့​သို့ သူ့​ကို​ပြန်ပို့​ရ​မည်​။ သန့်ရှင်း​သော​ဆီ​ဖြင့်​ဘိသိက်ခံ​ယဇ်ပုရောဟိတ်​မင်း ကွယ်လွန်​သည့်​တိုင်အောင် သူ​သည် ထို​မြို့​၌​နေ​ရ​မည်​။

တော​လည် 35:33

သွေး​သည် ပြည်​ကို ညစ်ညူး​စေ​သည်​ဖြစ်၍ သင်​တို့​နေထိုင်​သော​ပြည်​ကို မ​ညစ်ညူး​စေ​ရ​။ ပြည်​၌ သွန်း​သော​သွေး​အတွက် သွေးသွန်း​သော​သူ​၏​သွေး​မှတစ်ပါး ထို​ပြည်​အတွက် အပြစ်ဖြေလွှတ်​ခြင်း​ကို​မ​ပြု​နိုင်​။

မဿဲ 26:52

ယေရှု​က​လည်း ထို​သူ​အား“သင်​၏​ဓား​ကို သူ့​နေရာ​၌​ပြန်ထား​လော့။ အကြောင်းမူကား ဓား​ကိုင်​သော​သူ​အားလုံး​တို့​သည် ဓား​ဖြင့်​ပျက်စီး​ရ​လိမ့်မည်။

ရော​မ 13:4

အကြောင်းမူကား သူ​သည် သင့်​အား ကောင်းကျိုး​ပြု​သော ဘုရားသခင်​၏​အစေခံ​ဖြစ်​၏။ သို့ရာတွင် မကောင်း​သော​အမှု​ကို​သင်​ပြု​လျှင် ကြောက်ရွံ့​ခြင်း​ရှိ​လော့။ သူ​သည် ဓား​ကို အကြောင်းမဲ့​ဆောင်​ထား​သည်​မ​ဟုတ်။ သူ​သည် မကောင်း​သော​အမှု​ကို​ပြုကျင့်​သော​သူ​အား အမျက်​တော်​အတွက် အပြစ်​ဒဏ်​ပေး​သည့် ဘုရားသခင်​၏​အစေခံ​ဖြစ်​၏။

၁ ကော 11:7

ယောက်ျား​သည် ဘုရားသခင်​၏​ပုံသဏ္ဌာန်​တော်​နှင့် ဘုန်း​အသရေ​တော်​ဖြစ်​သောကြောင့် မိမိ​ဦးခေါင်း​ကို​မ​ဖုံး​သင့်​ပေ။ မိန်းမ​မူကား ယောက်ျား​၏​ဘုန်း​အသရေ​ဖြစ်​၏။

တ​ရား​ဟော 19:11

တစ်စုံတစ်ယောက်​သည် မိမိ​အိမ်နီးချင်း​ကို မုန်း​သောကြောင့် သူ့​ကို​ချောင်းမြောင်း​တိုက်ခိုက်​၍ အသေသတ်​ပြီး ထို​မြို့​တစ်​မြို့​မြို့​သို့ ထွက်ပြေး​သွား​သော်

တ​ရား​ဟော 5:17

လူ​မ​သတ်​ရ​။

ယာ​ကုပ် 3:9

ငါ​တို့​သည် လျှာ​ဖြင့် ခမည်းတော်​ဖြစ်​တော်မူ​သော​ထာဝရ​ဘုရား​၏​ကျေးဇူး​တော်​ကို​ချီးမွမ်း​လျက် ဘုရားသခင်​၏​ပုံသဏ္ဌာန်​တော်​နှင့်အညီ​ဖန်ဆင်း​ခံရ​သော​လူ​တို့​ကို ထို​လျှာ​ဖြင့်​ပင် ကျိန်ဆဲ​တတ်​ကြ​၏။

ဗျာ​ဒိတ် 13:10

ဖမ်းဆီး​ခေါ်ဆောင်​သွား​ခြင်း​ခံရ​မည့်​သူ​သည် ဖမ်းဆီး​ခေါ်ဆောင်​သွား​ခြင်း​ခံရ​မည်​ဖြစ်​၏။ ဓား​ဖြင့်​အသေ​သတ်​ခြင်း​ခံရ​မည့်​သူ​သည် ဓား​ဖြင့်​အသေ​သတ်​ခြင်း​ကို​ခံရ​မည်​ဖြစ်​၏။ ဤ​နေရာ​တွင် သန့်ရှင်း​သူ​တို့​၏​သည်းခံ​ခြင်း​နှင့်​သစ္စာစောင့်​ခြင်း​တို့​ရှိ​ကြ​၏။

သူ​ကြီး 9:56

အဘိမလက်​သည် မိမိ​ညီအစ်ကို အယောက်​ခုနစ်ဆယ်​ကို သတ်​ခြင်း​ဖြင့် ဖခင်​အပေါ် ပြု​ခဲ့​သော​မကောင်းမှု​ကြောင့် ဘုရားသခင်​သည် သူ့​အား ထိုသို့​ပြန်​ခံရ​စေ​တော်မူ​၏​။

၁ ရာ 15:33

သို့သော် ရှမွေလ​က သူ့​အား “​သင့်​ဓား​သည် မိခင်​တို့​ကို သားသမီး​ဆုံးပါး​စေ​သကဲ့သို့ သင့်​မိခင်​သည်​လည်း မိန်းမ​တို့​တွင် သားသမီး​ဆုံးပါး​သူ ဖြစ်​ရ​မည်​”​ဟု ဆို​ပြီး ရှမွေလ​သည် အာဂတ်​ကို ဂိလဂါလ​မြို့​တွင် ထာဝရဘုရား​ရှေ့​တော်​၌ အပိုင်းပိုင်း​ခုတ်ဖြတ်​လိုက်​လေ​၏​။