ကမ္ဘာ​ဦး 41:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ဖာရော​မင်းကြီး​က ယောသပ်​အား “​ငါ​သည် အိပ်မက်​တစ်​ခု​မြင်မက်​၏​။ ထို​အိပ်မက်​၏​အနက်​ကို​ဖွင့်ပြ​နိုင်​သော​သူ​တစ်ယောက်​မျှ​မ​ရှိ​။ သို့ရာတွင် သင်​သည် အိပ်မက်​ကို​ကြား​သောအခါ အိပ်မက်​၏​အနက်​ကို​ဖွင့်ပြ​နိုင်​သည်​ဟု သင့်​အကြောင်း​ငါ​ကြား​၏​”​ဟု မိန့်ဆို​လေ​၏​။

Common Language Bible

¹⁵ ဘု​ရင်​က​ယော​သပ်​အား``ငါ​သည်​အိပ်​မက်​ကို မြင်​မက်​၏။ သို့​ရာ​တွင်​မည်​သူ​မျှ​အ​နက်​ကို​ဖွင့် မ​ပြ​နိုင်။ သင်​သည်​အိပ်​မက်​အ​နက်​ကို​ဖွင့်​ပြ နိုင်​စွမ်း​ရှိ​ကြောင်း​ငါ​ကြား​သိ​ရ​သည်'' ဟု မိန့်​တော်​မူ​၏။

Garrad Bible

¹⁵ ဖာ ရော မင်း က လည်း အိပ် မက် ကို ငါ မြင် မက် ပြီ၊ အ နက် ကို ဖတ် နိုင် သူ မ ရှိ၊ သင် သည် အိပ် မက် ကို ကြား ရ လျှင် ဖတ် နိုင် ကြောင်း ငါ ကြား ရ သည် ဟု ယော သပ် အား မိန့် ဆို သော်၊

Judson Bible

¹⁵ ဖာ​ရော​မင်း​က​လည်း၊ ငါ​သည်​အိပ်​မက်​ကို​မြင်​မက်​ပြီ။ အ​နက်​ကို အ​ဘယ်​သူ​မျှ​မ​ဖတ်​နိုင်။ သင်​သည် အိပ်​မက်​ကို နား​လည်​သော​ဉာဏ်​နှင့် အ​နက်​ဖတ်​နိုင်​သည်​ကို ငါ​ကြား​ရ​ပြီ​ဟု​ဆို၏။

ကမ္ဘာ​ဦး 41:15 Referencias Cruzadas

ကမ္ဘာ​ဦး 40:8

သူ​တို့​က​လည်း “​ငါ​တို့​သည် အိပ်မက်​မက်​ကြ​၏​။ သို့သော် အိပ်မက်​၏​အနက်​ကို​ဖွင့်ပြ​နိုင်​သော​သူ တစ်ယောက်​မျှ​မ​ရှိ​”​ဟု ပြန်ပြော​ကြ​၏​။ ယောသပ်​က​လည်း “​အနက်​ဖွင့်ဆို​ခြင်း​သည် ဘုရားသခင်​နှင့်​ဆိုင်​တော်မူ​သည်​မ​ဟုတ်​လော​။ သို့ဖြစ်၍ အကျွန်ုပ်​အား​ပြောပြ​ကြ​ပါ​လော့​”​ဟု သူ​တို့​အား​ဆို​လေ​၏​။

ကမ္ဘာ​ဦး 41:8

နံနက်​ရောက်​သောအခါ ဖာရော​မင်းကြီး​သည် စိတ်​မငြိမ်မသက်​ဖြစ်​လေ​၏​။ ထို့ကြောင့် လူ​လွှတ်​၍ အီဂျစ်​ပြည်​ရှိ နတ်ဝိဇ္ဇာဆရာ​အပေါင်း​တို့​နှင့် ပညာရှိ​အပေါင်း​တို့​ကို​ခေါ်​ပြီးလျှင် မိမိ​၏​အိပ်မက်​ကို သူ​တို့​အား ပြောပြ​လေ​၏​။ သို့သော် ဖာရော​မင်းကြီး​အတွက် ထို​အိပ်မက်​တို့​၏​အနက်​ကို​ဖွင့်ပြ​နိုင်​သော​သူ​တစ်ယောက်​မျှ​မ​ရှိ​။

၂ ရာ​ချုပ် 26:5

ဘုရားသခင်​၏​ဗျာဒိတ်​တော်​အကြောင်း​ကို သိနားလည်​သော​ဇာခရိ အသက်ရှင်​သမျှ​ကာလ​ပတ်လုံး ဘုရားသခင်​ကို ရှာ​၏​။ ထာဝရဘုရား​ကို ရှာ​သော​ကာလ​ပတ်လုံး​တွင်​လည်း ဘုရားသခင်​သည် သူ့​ကို အောင်မြင်​ခွင့်​ပေး​တော်မူ​၏​။

ဆာ​လံ 25:14

ထာဝရဘုရား​သည် မိမိ​ကို​ကြောက်ရွံ့​သော​သူ​တို့​နှင့်​ရင်းနှီးကျွမ်းဝင်​တော်မူ​၏​။ မိမိ​၏​ပဋိညာဉ်​တော်​ကို​လည်း သူ​တို့​အား သိ​စေ​တော်မူ​၏​။

ဒံ​ယေ​လ 2:3

ထိုအခါ ရှင်ဘုရင်​က သူ​တို့​အား “​ငါ​သည် အိပ်မက်မက်​ပြီး ထို​အိပ်မက်​ကို သိလို​သောကြောင့် စိတ်သောက​ရောက်​ရ​၏​”​ဟု မိန့်ဆို​၏​။

ဒံ​ယေ​လ 4:18

ဤသည်ကား ငါ​နေဗုခဒ်နေဇာ​မင်းကြီး မြင်မက်​သော​အိပ်မက်​ဖြစ်​၏​။ ယခုတွင် အသင်​ဗေလတရှာဇာ​၊ ငါ့​အိပ်မက်​၏​အနက်အဓိပ္ပာယ်​ကို ဖော်ပြ​ပါ​လော့​။ ငါ့​နိုင်ငံ​မှ ပညာရှိ​အပေါင်း​တို့​သည် ငါ့​အိပ်မက်​အနက်အဓိပ္ပာယ်​ကို မ​ဖော်ပြ​နိုင်​ကြ​။ သင်​မူကား သန့်ရှင်း​သော​ဘုရား​များ​၏​ဝိညာဉ်​သည် သင်​၌​တည်​သောကြောင့် ဖော်ပြ​နိုင်​လိမ့်မည်​”​ဟု မိန့်ဆို​၏​။

ဒံ​ယေ​လ 4:9

“​အို မှော်ဆရာချုပ်ကြီး​ဗေလတရှာဇာ​၊ သင်​၌ သန့်ရှင်း​သော​ဘုရား​များ​၏​ဝိညာဉ်​တည်​သောကြောင့် မည်သည့်​နက်နဲသောအရာ​မျှ သင့်​အတွက် မ​ခက်ခဲ​ကြောင်း​ကို ငါ​သိ​၏​။ ထို့ကြောင့် စိတ်အာရုံ​တွင် ငါ​မြင်မက်​သော​အိပ်မက်​နှင့် အနက်အဓိပ္ပာယ်​ကို ဖော်ပြ​ပါ​လော့​။

ဒံ​ယေ​လ 5:12

ဗေလတရှာဇာ​ဟု ခမည်းတော်​က နာမည်​ပေး​ထား​သော​ဒံယေလ​၌ ထူးကဲ​သော​ဉာဏ်​၊ အသိပညာ​၊ ပိုင်းခြား​သိ​နိုင်​သော​ဉာဏ်​၊ အိပ်မက်​အနက်​ကို​ဖွင့်ပြ​နိုင်​သော​ဉာဏ်​၊ စကားထာ​အနက်​ကို​ဖွင့်ပြ​နိုင်​သော​ဉာဏ်​၊ ခက်ခဲ​သော​ပြဿနာ​များ​ကို ဖြေရှင်း​နိုင်​သော​ဉာဏ် ရှိ​ကြောင်း​သိ​ရ​ပါ​၏​။ ထို့ကြောင့် ဒံယေလ​ကို​ဆင့်ခေါ်​ပါ​။ သူ​သည် အနက်အဓိပ္ပာယ်​ကို​ဖော်ပြ​ပေး​ပါ​လိမ့်မည်​”​ဟု ဆို​လေ​၏​။

ဒံ​ယေ​လ 5:14

သင်​၌ ဘုရား​များ​၏​ဝိညာဉ်​တည်​ကြောင်း​၊ သင်​သည် ဉာဏ်​အလင်း​၊ ပိုင်းခြား​သိ​နိုင်​သော​ဉာဏ်​၊ ထူးကဲ​သော​ဉာဏ်​ရှိ​သော​သူ​အဖြစ် ကျော်ကြား​ခဲ့​ကြောင်း​ကို ငါ​ကြားသိ​ရ​၏​။

ဒံ​ယေ​လ 5:16

သင်​သည် အနက်အဓိပ္ပာယ်​များ​ကို ဖွင့်ပြ​ပေး​နိုင်​ကြောင်း​၊ ခက်ခဲ​သော​ပြဿနာ​များ​ကို ဖြေရှင်း​နိုင်​ကြောင်း​ကို ငါ​ကြားသိ​ရ​၏​။ ယခု သင်​သည် ထို​စာ​ကို​ဖတ်​၍ ငါ့​အား အနက်အဓိပ္ပာယ်​ကို ဖော်ပြ​ပေး​နိုင်​လျှင် ခရမ်းရောင်​ဝတ်ရုံ​ကို ဝတ်ဆင်​၍ လည်​တွင် ရွှေ​စလွယ်​ဆင်​ကာ တတိယ​အကြီးဆုံး​ပုဂ္ဂိုလ်​အဖြစ် နိုင်ငံ​ကို အုပ်ချုပ်​ခွင့်​ရ​မည်”​ဟု မိန့်ဆို​၏​။