ကမ္ဘာ​ဦး 40:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ အကယ်စင်စစ် အကျွန်ုပ်​သည် ဟေဗြဲ​ပြည်​မှ အတင်းအကျပ်​ခေါ်ဆောင်​လာ​ခြင်း​ခံ​ခဲ့​ရ​ပါ​၏​။ ဤ​အရပ်​၌​လည်း အကျွန်ုပ်​သည် အမှား​တစ်စုံတစ်ရာ​မ​ပြု​ခဲ့​ဘဲ အကျွန်ုပ်​ကို ဤ​မြေအောက်​အကျဉ်းခန်း​ထဲ၌​ထည့်​ထား​ကြ​ပါ​၏​”​ဟု ဆို​လေ​၏​။

Common Language Bible

¹⁵ စင်​စစ်​အား​ဖြင့်​ကျွန်​တော်​သည်​ဟေ​ဗြဲ​အ​မျိုး သား​တို့​၏​နိုင်​ငံ​မှ​ခိုး​ထုတ်​ခြင်း​ကို​ခံ​ခဲ့​ရ​ပါ သည်။ ဤ​ပြည်​၌​လည်း​ကျွန်​တော်​သည်​အ​ကျဉ်း​ခံ ထိုက်​သည့်​အ​ဘယ်​ပြစ်​မှု​ကို​မျှ​မ​ကူး​လွန်​ခဲ့ ရ​ပါ'' ဟု​ဖလား​တော်​ဆက်​ဝန်​အား​ပြော​လေ​၏။

Garrad Bible

¹⁵ အ ကယ် စင် စစ် ကျွန် တော် ကို ဟေ ဗြဲ ပြည် မှ ခိုး ယူ ခဲ့ ကြ ပါ၏။ ဤ ပြည် မှာ လည်း ကျွန် တော်၌ အ ပြစ် မ ရှိ ဘဲ နှောင် တွင်း မှာ လှောင် ထား ကြ သည် ဟု ဆို လေ ၏။

Judson Bible

¹⁵ အ​ကယ်​စင်​စစ် ကျွန်ုပ်​ကို ဟေ​ဗြဲ​ပြည်​မှ​ခိုး​ယူ​ခဲ့​ကြ၏။ ဤ​ပြည်​မှာ​လည်း ကျွန်ုပ်၌​အ​ပြစ်​မ​ရှိ​ဘဲ ထောင်​ထဲ​မှာ​လှောင်​ထား​ကြ​သည်​ဟု​ဆို​လေ၏။

ကမ္ဘာ​ဦး 40:15 Referencias Cruzadas

ကမ္ဘာ​ဦး 14:13

လွတ်မြောက်​လာ​သူ​တစ်​ယောက်​သည် အာမောရိ​လူမျိုး​မံရေ​ပိုင်​သည့်​ဝက်သစ်ချတော​အနီး​၌​နေထိုင်​သော ဟေဗြဲ​လူမျိုး အာဗြံ​ထံသို့​လာ​၍ သတင်းပို့​လေ​၏​။ မံရေ​သည် ဧရှကောလ​နှင့် အာနေရ​တို့​၏​အစ်ကို​ဖြစ်​ပြီး သူ​တို့​သည် အာဗြံ​နှင့်​မဟာမိတ်​ဖွဲ့​ထား​သော​သူ​များ​ဖြစ်​ကြ​၏​။

ကမ္ဘာ​ဦး 39:20

ထိုအခါ ယောသပ်​၏​သခင်​သည် ယောသပ်​ကို​ခေါ်ဆောင်​သွား​၍ ရှင်ဘုရင်​အကျဉ်းချ​ထား​သော​သူ​များ​ကို ချုပ်နှောင်​ထား​သည့်​နေရာ​ဖြစ်​သော အကျဉ်းထောင်​ထဲ၌ ထည့်​ထား​လေ​၏​။ သို့ဖြစ်၍ ယောသပ်​သည် အကျဉ်းထောင်​ထဲ၌​နေ​ရ​၏​။

ကမ္ဘာ​ဦး 40:16

စားတော်ဝန်​သည် ယောသပ်​ဖွင့်ပြ​သော​အနက်​ကောင်း​သည်​ကို​သိမြင်​သောအခါ ယောသပ်​အား “​ငါ​သည်​လည်း အိပ်မက်​မက်​၏​။ ငါ့​အိပ်မက်​ထဲ၌ ငါ့​ခေါင်း​ပေါ်တွင် အဖြူရောင်​တောင်း​သုံး​လုံး​ရွက်​ထား​၏​။

ကမ္ဘာ​ဦး 41:12

ထို​နေရာ​၌ အကျွန်ုပ်​တို့​နှင့်အတူ ကိုယ်ရံတော်မှူး​၏​အစေအပါး ဟေဗြဲ​လူငယ်​တစ်​ယောက်​ရှိ​ပါ​၏​။ အကျွန်ုပ်​တို့​သည် သူ့​အား​ပြောပြ​၍ သူ​သည် အကျွန်ုပ်​တို့​၏​အိပ်မက်​အနက်​ကို​ဖွင့်ပြ​ပေး​ပါ​၏​။ အကျွန်ုပ်​တို့​ကိုယ်စီ​မက်​သော​အိပ်မက်​၏​အနက်​ကို​ဖွင့်ပြ​ပေး​ပါ​၏​။

ဆာ​လံ 105:18

လူ​တို့​သည် သူ​၏​ခြေ​ကို ခြေချင်း​နှင့်​နာကျင်​စေ​ကြ​၏​။ သူ​၏​လည်ပင်း​တွင်​လည်း သံလည်ပတ်​ကို တပ်​ကြ​၏​။

ဆာ​လံ 109:2

အကြောင်းမူကား ဆိုးယုတ်​သော​သူ​၊ လိမ်လည်လှည့်ဖြား​သော​သူ​တို့​သည် အကျွန်ုပ်​ကို​ဆန့်ကျင်​လျက် မိမိ​တို့​နှုတ်​ကို​ဖွင့်ဟ​ကြ​ပါ​၏​။ မုသား​သုံး​သော​လျှာ​ဖြင့် အကျွန်ုပ်​ကို ဆန့်ကျင်​ပြောဆို​ကြ​ပါ​၏​။

ထွက်​မြောက် 21:16

မည်သူမဆို လူ​ကို​ခိုးယူ​ပြီး ရောင်းစား​လိုက်​သည်​ဖြစ်စေ​၊ လက်ဝယ်​တွေ့ရှိ​သည်​ဖြစ်စေ မုချ​အသတ်​ခံရ​မည်​။

ဒံ​ယေ​လ 6:22

အကျွန်ုပ်​၏​ဘုရားသခင်​သည် ကောင်းကင်တမန်​ကို​စေလွှတ်​၍ ခြင်္သေ့​တို့​၏​နှုတ်​ကို​ပိတ်​ထား​သဖြင့် ခြင်္သေ့​တို့​သည် အကျွန်ုပ်​ကို အန္တရာယ်​မ​ပြု​ပါ​။ အကျွန်ုပ်​သည် ဘုရားသခင်​ရှေ့​တော်​၌ အပြစ်ကင်း​ကြောင်း ထင်ရှား​ပါ​၏​။ အရှင်မင်းကြီး​ရှေ့​တွင်​လည်း မည်သည့်​ပြစ်မှု​မျှ မ​ကျူးလွန်​ခဲ့​ပါ​”​ဟု ပြန်လျှောက်​လေ​၏​။

ရှင်ယောဟန် 10:32

ယေရှု​က​လည်း“ငါ​သည် ခမည်းတော်​ထံမှ ကောင်း​သော​အမှု​များစွာ​တို့​ကို သင်​တို့​အား​ပြသ​ခဲ့​၏။ ၎င်း​တို့​ထဲမှ မည်သည့်​အမှု​ကြောင့် ငါ့​ကို​ခဲ​နှင့်​ပေါက်​သတ်​ကြ​မည်နည်း”​ဟု သူ​တို့​အား​မေး​တော်မူ​လျှင်

ရှင်ယောဟန် 15:25

ဤသို့​ဖြစ်​ခြင်းမှာ သူ​တို့​၏​ပညတ်​တရား​ကျမ်း​၌ ‘ထို​သူ​တို့​သည် အကြောင်းမဲ့ ငါ့​ကို​မုန်း​ကြ​၏’ဟု ရေး​ထား​သော​စကား ပြည့်စုံ​စေရန်​ဖြစ်​၏။

တ​ရား​ဟော 24:7

တစ်စုံတစ်ယောက်​သည် မိမိ​အမျိုးသားချင်း​ဖြစ်​သော အစ္စရေး​အမျိုးသား​တို့​ထဲမှ တစ်ယောက်ယောက်​ကို ခိုးယူ​ပြီး ထို​သူ​ကို ကျွန်ပြု​သည်​ဖြစ်စေ​၊ ရောင်းစား​သည်​ဖြစ်စေ ထို​သူခိုး​ကို​တွေ့​လျှင် အသေသတ်​ရ​မည်​။ ဤသို့ဖြင့် မကောင်းမှု​ကို သင့်​ထဲ​မှ​ဖယ်ရှား​ပစ်​ရ​မည်​။

၁ တိ 1:10

တရားနှင့်မညီ​မေထုန်ပြု​သူ​များ၊ လိင်တူ​ဆက်ဆံ​သူ​များ၊ လူ​ကုန်ကူး​သူ​များ၊ လိမ်လည်​သော​သူ​များ၊ မမှန်မကန်​သက်သေ​ထွက်ဆို​သော​သူ​များ​နှင့် မှန်ကန်​ပြည့်စုံ​သော​ဩဝါဒ​ကို​ဆန့်ကျင်​သည့် အခြား​အရာ​အားလုံး​တို့​အတွက်​ရှိ​ကြောင်း​ကို ငါ​တို့​သိ​ကြ​၏။

၁ ရာ 24:11

အကျွန်ုပ်​၏​ဖခင်​၊ ယခု အကျွန်ုပ်​လက်​ထဲမှ အရှင်မင်းကြီး​၏​ဝတ်လုံ​စ​ကို သေသေချာချာ​ကြည့်​ပါ​။ အရှင်မင်းကြီး​၏​ဝတ်လုံ​စွန်း​ကို​သာ ဖြတ်​ခဲ့​ပါ​၏​။ အရှင်မင်းကြီး​ကို မ​သတ်​ခဲ့​ပါ​။ ထို့ကြောင့် အရှင်မင်းကြီး​ကို အကျွန်ုပ် မကောင်း​မ​ကြံ​၊ မ​ပုန်ကန်​ကြောင်း​ကို သိမှတ်​တော်မူ​ပါ​။ အကျွန်ုပ်​သည် အရှင်မင်းကြီး​ကို မ​ပြစ်မှား​ပါ​။ သို့သော် အရှင်မင်းကြီး​သည် အကျွန်ုပ်​ကို လိုက်လံ​သတ်ဖြတ်​နေ​ပါ​၏​။