ကမ္ဘာ​ဦး 4:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ထာဝရဘုရား​က​လည်း “​သင်​သည် မည်သို့​ပြု​ဘိ​သနည်း​။ သင့်​ညီ​အသွေး​၏​အသံ​သည် မြေကြီး​ထဲမှ ငါ့​ထံသို့ အော်ဟစ်​နေ​ပါ​သည်​တကား​။

Common Language Bible

¹⁰ ထာ​ဝ​ရ​ဘု​ရား​က``သင်​သည်​အ​ဘယ်​ကြောင့် ဤ​ဆိုး​ယုတ်​သော​အ​မှု​ကို​ပြု​ရ​သ​နည်း။ သင့် ညီ​အ​သွေး​၏​အ​သံ​သည်​မြေ​ထဲ​မှ ငါ့​ထံ​သို့ အော်​ဟစ်​လျက်​ရှိ​သည်​တ​ကား။-

Garrad Bible

¹⁰ သင့် ညီ အ သွေး ၏ အ သံ သည် မြေ ထဲ က အော် ဟစ် လျက် ရှိ သည် တ ကား။

Judson Bible

¹⁰ ဘု​ရား​သ​ခင်​က​လည်း၊ သင်​သည် အ​ဘယ်​သို့​ပြု​ပြီး​သ​နည်း။ သင်​ညီ​အ​သွေး၏​အ​သံ​သည် မြေ​ထဲ​က ငါ့​ကို​အော်​ဟစ်​လျက်​ရှိ​သည်​တ​ကား။

ကမ္ဘာ​ဦး 4:10 Referencias Cruzadas

ကမ္ဘာ​ဦး 18:20

တစ်ဖန် ထာဝရဘုရား​က “​သောဒုံ​မြို့​နှင့်​ဂေါမောရ​မြို့​၏​အော်ဟစ်သံ​သည် ပြင်းထန်​၍ သူ​တို့​၏​အပြစ်​သည် အလွန်​ကြီးလေး​သောကြောင့်

ကမ္ဘာ​ဦး 3:13

ထာဝရအရှင်​ဘုရားသခင်​က​လည်း မိန်းမ​အား “​သင်​ပြု​သော​ဤ​အမှု​ကား မည်သို့​နည်း​”​ဟု မိန့်​တော်မူ​လျှင် မိန်းမ​က “​မြွေ​သည် အကျွန်ုပ်​ကို​လှည့်စား​၍ အကျွန်ုပ်​စား​မိ​ပါ​သည်​”​ဟု လျှောက်​လေ​၏​။

ကမ္ဘာ​ဦး 9:5

အကယ်စင်စစ် သင်​တို့​၏​အသက်​သွေးကြွေး​ကို ငါ​ပြန်တောင်း​မည်​။ တောရိုင်းတိရစ္ဆာန်​ဖြစ်​လျှင်လည်း ၎င်း​တို့​၏​အသက်​ကို​ငါ​ပြန်တောင်း​မည်​။ လူ​အချင်းချင်း​ဖြစ်​လျှင်လည်း ထို​လူ​၏​အသက်​ကို ငါ​ပြန်တောင်း​မည်​။

၄ ရာ 9:26

‘အကယ်စင်စစ် နာဗုတ်​နှင့် သူ့​သား​တို့ အသတ်ခံ​ခဲ့​ရ​သည်​ကို မနေ့က ငါ​မြင်​ပြီ​။ ဤ​မြေကွက်​ပေါ်တွင်​ပင် သင့်​ကို ငါ​ပြန်​ပေးဆပ်​စေ​မည်​’​ဟု ထာဝရဘုရား ကြွေးကြော်​ထား​ပြီ​။ ထို့ကြောင့် ထာဝရဘုရား​၏​အမိန့်​တော်​အတိုင်း သူ့​ကို မ​၍ ဤ​မြေကွက်​တွင် ပစ်ချ​ပါ​”​ဟု ဆို​၏​။

၂ ရာ​ချုပ် 28:9

ရှမာရိ​မြို့​၌ ဩဒက်​အမည်​ရှိ​သော​ထာဝရဘုရား​၏​ပရောဖက်​တစ်​ပါး ရှိ​၏​။ သူ​သည် ရှမာရိ​မြို့​သို့​ပြန်လာ​သော​စစ်သည်​ဗိုလ်ခြေ​တို့​ကို ထွက်ကြို​ပြီး “​သင်​တို့​ဘိုးဘေး​တို့​၏​ဘုရားသခင်​ထာဝရဘုရား​သည် ယုဒ​အမျိုး​ကို အမျက်​ထွက်​၍ သူ​တို့​ကို သင်​တို့​၏​လက်​သို့​အပ်​တော်မူ​သည်​ကို သင်​တို့​သည် မိုး​ထိ​အောင်​အမျက်​ထွက်​၍ သူ​တို့​ကို​သတ်ဖြတ်​လေ​ပြီ​။

ယောဘဝတ္တု။ 16:18

အို မြေကြီး​၊ ငါ့​သွေး​ကို ဖုံး​မ​ထား​ပါ​နှင့်​။ ငါ့​အော်ဟစ်သံ​ရပ်စဲ​ရာ​အရပ်​ဟူ၍ မ​ရှိ​စေ​ပါ​နှင့်​။

ယောဘဝတ္တု။ 24:12

မြို့သား​တို့​သည် ညည်းတွား​လျက်​၊ ဒဏ်ရာ​ရ​သူ​တို့​သည်​လည်း အကူအညီ​အော်ဟစ်​တောင်းခံ​လျက် နေ​ရ​ပါ​၏​။ သို့သော် ထို​မတရားမှု​ကို ဘုရားသခင် အရေးစိုက်​တော်​မ​မူ​။

ဆာ​လံ 50:21

ဤ​အမှု​တို့​ကို​သင်​ပြု​၍ ငါ​သည် တိတ်ဆိတ်​စွာ​နေ​သဖြင့် ငါ​သည် သင်​နှင့်​တူ​သည်​ဟု သင်​ထင်မှတ်​၏​။ ငါ​သည် သင့်​ကို​ဆုံးမ​၍ သင်​၏​အပြစ်​ကို သင့်​ရှေ့မှောက်​၌​ခင်းပြ​မည်​။

ဆာ​လံ 72:14

သူ​သည် သူ​တို့​၏​အသက်​ကို ဖိနှိပ်​ခြယ်လှယ်​ခြင်း​နှင့် ရက်စက်ကြမ်းကြုတ်​ခြင်း​တို့​ထဲမှ ရွေးနုတ်​တော်မူ​လိမ့်မည်​။ အကြောင်းမူကား သူ့​အဖို့ သူ​တို့​၏​သွေး​သည် တန်ဖိုးကြီး​လှ​၏​။

ဆာ​လံ 9:12

အကြောင်းမူကား သွေးကြွေး​ပြန်တောင်း​တတ်​သော ကိုယ်တော်​သည် ထို​သူ​တို့​ကို​အောက်မေ့​တော်မူ​၏​။ ဖိစီးနှိပ်စက်​ခြင်း​ခံရ​သော​သူ​တို့​၏ အော်ဟစ်တောင်းလျှောက်သံ​ကို မေ့လျော့​တော်​မ​မူ​ပါ​။

ဆာ​လံ 9:13

အို ထာဝရဘုရား​၊ အကျွန်ုပ်​ကို​သနား​တော်မူ​ပါ​။ သေ​ခြင်း​၏​တံခါးဝ​မှ အကျွန်ုပ်​ကို​ဆွဲတင်​တော်မူ​သော​အရှင်​၊ အကျွန်ုပ်​ကို​မုန်း​သော​သူ​တို့​ထံမှ အကျွန်ုပ်​ခံရ​သော​ဖိစီးနှိပ်စက်မှု​ကို​ကြည့်ရှု​တော်မူ​ပါ​။

ထွက်​မြောက် 3:7

ထာဝရဘုရား​က “​အီဂျစ်​ပြည်​၌​ရှိ​သော​ငါ့​လူမျိုး​တော်​ခံရ​သည့် ဖိစီးနှိပ်စက်မှု​ကို အမှန်တကယ် ငါ​မြင်​ပြီ​။ အဓမ္မ​စေခိုင်း​သူ​များ​ကြောင့် သူ​တို့​၏​အော်ဟစ်ငိုကြွေးသံ​ကို​လည်း ငါ​ကြား​ပြီ​။ အကယ်စင်စစ် သူ​တို့​၏​ဒုက္ခဝေဒနာ​များ​ကို ငါ​သိ​ပြီ​။

ဟေ​ရှာ​ယ 5:7

ကောင်းကင်​ဗိုလ်ခြေ​အရှင်​ထာဝရဘုရား​၏​စပျစ်ခြံ​ကား အစ္စရေး​အမျိုးအနွယ်​ပေတည်း​။ ကိုယ်တော်​နှစ်သက်​တော်မူ​သော​အပင်​ကား ယုဒ​အမျိုးသား​ပေတည်း​။ ကိုယ်တော်​သည် တရားမျှတမှု​ကို စောင့်မျှော်​တော်မူ​သော်လည်း ကြည့်ရှု​လော့​။ သတ်ဖြတ်မှု​သာ​ဖြစ်​ပါ​သည်​တကား​။ ဖြောင့်မတ်​ခြင်း​အစား အော်ဟစ်ငိုကြွေး​ခြင်း​သာ​ရှိ​ပါ​သည်​တကား​။

တော​လည် 35:33

သွေး​သည် ပြည်​ကို ညစ်ညူး​စေ​သည်​ဖြစ်၍ သင်​တို့​နေထိုင်​သော​ပြည်​ကို မ​ညစ်ညူး​စေ​ရ​။ ပြည်​၌ သွန်း​သော​သွေး​အတွက် သွေးသွန်း​သော​သူ​၏​သွေး​မှတစ်ပါး ထို​ပြည်​အတွက် အပြစ်ဖြေလွှတ်​ခြင်း​ကို​မ​ပြု​နိုင်​။

တမန်တော်ဝတ္ထု 5:3

ထိုအခါ ပေတရု​က “အာနနိ၊ သင်​သည် အဘယ်ကြောင့် စာတန်​အား သင်​၏​စိတ်နှလုံး​ကို​အုပ်စိုး​ခွင့်​ပေး​၍ သန့်ရှင်း​သော​ဝိညာဉ်​တော်​ကို​လိမ်ညာ​ကာ မြေ​ဖိုး​ထဲမှ​အချို့​ကို ထိမ်ချန်​ထား​သနည်း။

တမန်တော်ဝတ္ထု 5:9

ပေတရု​က​လည်း “သင်​တို့​သည် အဘယ်ကြောင့် သဘောတူ​လျက် ထာဝရ​ဘုရား​၏​ဝိညာဉ်​တော်​ကို​စမ်းသပ်​ကြ​သနည်း။ ကြည့်ရှု​လော့။ သင်​၏​ခင်ပွန်း​ကို သင်္ဂြိုဟ်​ခဲ့​သော​သူ​တို့​၏​ခြေလှမ်း​များ​သည် တံခါး​နား​သို့​ရောက်​နေ​ကြ​ပြီ။ သူ​တို့​သည် သင့်​ကို​လည်း သယ်ဆောင်​သွား​ကြ​လိမ့်မည်”​ဟု ဆို​လေ​၏။

တ​ရား​ဟော 21:1

သင်​၏​ဘုရားသခင်​ထာဝရဘုရား​အပိုင်​ပေး​တော်မူ​သော​ပြည်​တွင် လူ​တစ်​ယောက်​အသတ်ခံရ​သဖြင့် ကွင်းပြင်​၌​လဲ​သေ​နေ​သည်​ကို​တွေ့​၍ ထို​သူ​အား မည်သူ​သတ်​သည်​ကို​မ​သိ​လျှင်

ဟေ​ဗြဲ 11:4

ယုံကြည်​ခြင်း​အားဖြင့် အာဗေလ​သည် ကာဣန​ထက် မြတ်​သော​ယဇ်​ကို ဘုရားသခင်​အား​ပူဇော်​ခဲ့​ပြီး ထို​ယုံကြည်​ခြင်း​အားဖြင့် ဖြောင့်မတ်​သော​သူ​အဖြစ် အသိအမှတ်ပြု​ခြင်း​ခံရ​၏။ အကြောင်းမူကား ဘုရားသခင်​သည် သူ​၏​ပူဇော်သက္ကာ​များ​ကို အသိအမှတ်ပြု​တော်မူ​၏။ သူ​သည် သေလွန်​သော်လည်း ထို​ယုံကြည်​ခြင်း​အားဖြင့် ယခု​တိုင်အောင် စကား​ပြော​နေ​သေး​၏။

ဟေ​ဗြဲ 12:24

ပဋိညာဉ်​သစ်​၏​ကြားဝင်​စေ့စပ်​သူ ယေရှု​ထံသို့​လည်းကောင်း၊ အာဗေလ​၏​သွေး​ထက် သာ၍​မြတ်​သော​အရာ​ကို​မြွက်ဆို​သည့် ပက်ဖျန်း​သော​သွေး​တော်​ထံသို့​လည်းကောင်း ချဉ်းကပ်​ကြ​၏။

ယာ​ကုပ် 5:4

ကြည့်​ကြ​လော့။ သင်​တို့​လယ်ကွင်း​၌​ရိတ်သိမ်း​ပေး​သည့် အလုပ်သမား​တို့​ကို သင်​တို့​လိမ်ညာ​၍​မ​ပေး​ဘဲ​နေ​သော လုပ်အားခ​များ​သည် အော်ဟစ်​နေ​ကြ​၏။ ရိတ်သိမ်း​သော​သူ​တို့​၏​အော်ဟစ်​သံ​များ​သည်​လည်း ကောင်းကင်​ဗိုလ်ခြေ​အရှင်​ထာဝရ​ဘုရား​၏​နား​တော်​သို့ ရောက်​လေ​ပြီ။

ယော​ရှု 7:19

ထိုအခါ ယောရှု​က အာခန်​အား “​ငါ့​သား​၊ အစ္စရေး​လူမျိုး​၏​ဘုရားသခင်​ထာဝရဘုရား​၏​ဂုဏ်တော်​ကို​ချီးမွမ်း​လော့​။ ကျေးဇူးတော်​ကို ချီးမွမ်း​လော့​။ သင်​ပြု​သော​အမှု​ကို ငါ့​အား ယခု​ပြော​ပါ​လော့​။ ဘာမျှ ဖုံးကွယ်​မ​ထား​နှင့်​”​ဟု ဆို​၏​။

၁ ရာ 13:11

ရှမွေလ​က​လည်း သူ့​အား “​သင်​မည်သို့​ပြု​ဘိ​သနည်း​”​ဟု မေး​လျှင် ရှောလု​မင်းကြီး​က “​လူ​တို့​သည် အကျွန်ုပ်​ထံမှ ထွက်သွား​ကြ​ပြီ​။ အရှင်​လည်း ချိန်းချက်​ထား​သော​အချိန်​တွင် ရောက်​မ​လာ​။ ဖိလိတ္တိ​လူမျိုး​တို့​သည်​လည်း မိတ်မတ်​မြို့​၌​စုဝေး​နေ​ကြ​သည်​ကို မြင်တွေ့​ရ​သောအခါ