ကမ္ဘာ​ဦး 31:53 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵³ အာဗြဟံ​၏​ဘုရား​၊ နာခေါ်​၏​ဘုရား​၊ သူ​တို့​ဖခင်​၏​ဘုရား​သည် ငါ​တို့​ကြား​၌ တရားစီရင်​တော်မူ​ပါစေသော​”​ဟု ဆို​၏​။ ယာကုပ်​သည်​လည်း မိမိ​ဖခင်​ဣဇက်​ကြောက်ရွံ့​သော​ဘုရား​ကို​တိုင်တည်​၍ ကျိန်ဆို​လေ​၏​။

Common Language Bible

⁵³ အာ​ဗြ​ဟံ​၏​ဘု​ရား​နှင့်​နာ​ခေါ်​၏​ဘု​ရား သည်​ငါ​တို့​နှစ်​ဦး​စပ်​ကြား​တွင်​စီ​ရင်​တော် မူ​စေ​သ​တည်း'' ဟု​သစ္စာ​အ​ဋ္ဌိ​ဋ္ဌာန်​ပြု​လေ​၏။ ထို​နောက်​ယာ​ကုပ်​သည်​လည်း​သူ​၏​ဖ​ခင် ဣ​ဇာက်​ကိုး​ကွယ်​သော​ဘု​ရား​သ​ခင်​၏​နာ​မ တော်​ကို​တိုင်​တည်​၍​သစ္စာ​အ​ဋ္ဌိ​ဋ္ဌာန်​ဆို​၏။-

Garrad Bible

⁵³ အာ ဗြ ဟံ၏ ဘု ရား၊ နာ ခေါ်၏ ဘု ရား၊ ၎င်း တို့ အ ဘ၏ ဘု ရား သည် ငါ တို့ စပ် ကြား တွင် စီ ရင် ဆုံး ဖြတ် တော် မူ စေ သ တည်း ဟု ယာ ကုပ် အား ဆို သည့် အ တိုင်း ယာ ကုပ် သည် အ ဘ ဣ ဇာက်၏ ကြောက် ရွံ့ ရို သေ ဖွယ် ရာ ကို တိုင် တည်၍ သ စ္စာ ထား ပြီး လျှင်၊

Judson Bible

⁵³ အာ​ဗြ​ဟံ၏​ဘု​ရား​သ​ခင်၊ နာ​ခေါ်၏​ဘု​ရား​သ​ခင်၊ သင့်​အ​ဘ၏​ဘု​ရား​သ​ခင်​သည် ငါ​တို့​စပ်​ကြား၌ စီ​ရင်​တော်​မူ​စေ​သ​တည်း​ဟူ၍​လည်း​ကောင်း၊ ယာ​ကုပ်​အား​ဆို၏။ ယာ​ကုပ်​သည်​လည်း၊ မိ​မိ​အ​ဘ​ကြောက်​ရွံ့​ရာ ဘု​ရား​ကို​တိုင်​တည်၍ ကျိန်​ဆို​ခြင်း​ကို​ပြု​လေ၏။

ကမ္ဘာ​ဦး 31:53 Referencias Cruzadas

ကမ္ဘာ​ဦး 11:31

တေရ​သည် သား​အာဗြံ​၊ ဟာရန်​၏​သား​ဖြစ်​သော မိမိ​၏​မြေး​လောတ​နှင့် သား​အာဗြံ​၏​မယား​ဖြစ်​သော မိမိ​၏​ချွေးမ စာရဲ​တို့​ကို​ခေါ်​၍ ခါနာန်​ပြည်​သို့​သွား​ရန် ခါလဒဲ​လူမျိုး​တို့​ပိုင်​သော​ဥရ​မြို့​မှ​ထွက်ခွာ​လေ​၏​။ သို့သော် ဟာရန်​မြို့​သို့​ရောက်​သောအခါ ထို​မြို့​၌​အခြေချ​ကြ​၏​။

ကမ္ဘာ​ဦး 14:22

သို့သော် အာဗြံ​က “​ကောင်းကင်​နှင့်​မြေကြီး​ကို ဖန်ဆင်း​တော်မူ​သော​၊ အမြင့်ဆုံး​သော​ဘုရားသခင်​ထာဝရဘုရား​ထံသို့ အကျွန်ုပ်​လက်​ကို​မြှောက်​၍ တိုင်တည်​ပါ​၏​။

ကမ္ဘာ​ဦး 16:5

သို့ဖြစ်၍ စာရဲ​က အာဗြံ​အား “​အကျွန်ုပ်​ခံရ​သော​မထီလေးစားပြု​ခြင်း​အမှု​သည် သခင့်​အပေါ်​ကျရောက်​ပါစေ​။ အကျွန်ုပ်​၏​ကျွန်မ​ကို သခင့်​ရင်ခွင်​၌ အကျွန်ုပ်​ပေးအပ်​ခဲ့​ပါ​သည်​။ သို့သော် သူ​သည် မိမိ​ကိုယ်ဝန်​ရှိ​နေ​ကြောင်း​သိ​သောအခါ အကျွန်ုပ်​ကို​မထီလေးစားပြု​ပါ​သည်​။ ထာဝရဘုရား​သည် အကျွန်ုပ်​နှင့်​သခင့်​ကြား​တွင် တရားသဖြင့်စီရင်​ပေး​တော်မူ​ပါစေသော​”​ဟု ဆို​လေ​၏​။

ကမ္ဘာ​ဦး 17:7

ငါ​သည် သင်​မှစ၍ နောင်လာမည့် သင့်​သားစဉ်မြေးဆက်​၏​ဘုရားသခင်​ဖြစ်​မည့်​အကြောင်း ငါ​၏​ပဋိညာဉ်​ကို ငါ​နှင့်​သင်​ကြား​၌​လည်းကောင်း​၊ နောင်လာမည့် သင့်​သားစဉ်မြေးဆက်​ကြား​၌​လည်းကောင်း တည်​စေ​၍ သူ​တို့​၏​မျိုးဆက်​အစဉ်အဆက်​တို့​၌ ထာဝရ​ပဋိညာဉ်​ဖြစ်​စေ​မည်​။

ကမ္ဘာ​ဦး 28:13

ထာဝရဘုရား​သည် သူ့​အနား​တွင်​ရပ်​နေ​၍ “​ငါ​သည် သင့်​ဖခင်​အာဗြဟံ​၏​ဘုရား​၊ ဣဇက်​၏​ဘုရား​တည်းဟူသော ထာဝရဘုရား​ဖြစ်​၏​။ သင်​အိပ်​နေ​သော​မြေ​ကို သင်​နှင့်​သင်​၏​သားစဉ်မြေးဆက်​အား ငါ​ပေး​မည်​။

ကမ္ဘာ​ဦး 31:42

အကျွန်ုပ်​ဖခင်​၏​ဘုရား​၊ အာဗြဟံ​၏​ဘုရား​၊ ဣဇက်​ကြောက်ရွံ့​သော​ဘုရား​သည် အကျွန်ုပ်​နှင့်အတူ​ရှိ​တော်​မ​မူ​ခဲ့​လျှင် ဦးရီး​သည် ယခု အမှန်ပင် အကျွန်ုပ်​ကို လက်ချည်းသက်သက် ပြန်လွှတ်​ခဲ့​ပေ​လိမ့်မည်​။ ဘုရားသခင်​သည် အကျွန်ုပ်​ခံရ​သော​ဖိစီးနှိပ်စက်​ခြင်း​နှင့် ပင်ပန်းခက်ခဲ​စွာ​လုပ်ဆောင်​ရ​ခြင်း​ကို​မြင်​၍ မနေ့ည​က ဦးရီး​ကို​ဆုံးမ​တော်မူ​ပြီ​”​ဟု ဆို​လေ​၏​။

ကမ္ဘာ​ဦး 31:52

ငါ​သည် သင့်​ကို​အန္တရာယ်ပြု​ရန် ဤ​ကျောက်ပုံ​ကို​မ​ကျော်​မည့်​အကြောင်း​၊ သင်​သည်​လည်း ငါ့​ကို​အန္တရာယ်​ပြု​ရန် ဤ​ကျောက်ပုံ​နှင့် ဤ​မှတ်တိုင်​ကို​မ​ကျော်​မည့်​အကြောင်း ဤ​ကျောက်ပုံ​သည် သက်သေ​ဖြစ်​၏​။ ဤ​မှတ်တိုင်​သည်​လည်း သက်သေ​ဖြစ်​၏​။

ကမ္ဘာ​ဦး 47:31

အစ္စရေး​က “​ငါ့​အား ကျိန်ဆို​ပါ​လော့​”​ဟု ဆို​လျှင် ယောသပ်​သည် သူ့​အား​ကျိန်ဆို​လေ​၏​။ ထို့နောက် အစ္စရေး​သည် ခုတင်​ခေါင်းရင်း​၌ ပျပ်ဝပ်​လေ​၏​။

ထွက်​မြောက် 3:6

တစ်ဖန် ဘုရားသခင်​က “​ငါ​သည် သင့်​ဖခင်​၏​ဘုရား​၊ အာဗြဟံ​၏​ဘုရား​၊ ဣဇက်​၏​ဘုရား​၊ ယာကုပ်​၏​ဘုရား​ဖြစ်​၏​”​ဟု မိန့်​တော်မူ​၏​။ မောရှေ​သည် ဘုရားသခင်​ကို​မကြည့်ဝံ့​သဖြင့် မိမိ​မျက်နှာ​ကို ဖုံးကွယ်​ထား​လေ​၏​။

ထွက်​မြောက် 5:21

“​သင်​တို့​သည် ဖာရော​မင်းကြီး​နှင့်​သူ​၏​အမှုထမ်း​တို့​ရှေ့​တွင် ငါ​တို့​ကို စက်ဆုပ်ရွံရှာဖွယ်​အပုပ်ကောင်​ဖြစ်​စေ​ပြီး ငါ​တို့​ကို​သတ်​ရန် သူ​တို့​လက်​ထဲသို့ ဓား​ထည့်ပေး​သောကြောင့် ထာဝရဘုရား​သည် သင်​တို့​ကို​ကြည့်​၍ တရားစီရင်​တော်မူ​ပါစေသော​”​ဟု သူ​တို့​အား ဆို​၏​။

တ​ရား​ဟော 6:13

သင်​တို့​၏​ဘုရားသခင်​ထာဝရဘုရား​ကို ကြောက်ရွံ့​ရ​မည်​။ ထို​အရှင်​ကို​သာ ဝတ်ပြု​ရ​မည်​။ ထို​အရှင်​၏​နာမ​တော်​ကို တိုင်တည်​၍​ကျိန်ဆို​ရ​မည်​။

ယော​ရှု 24:2

ထိုအခါ ယောရှု​က လူ​အပေါင်း​တို့​အား “​အစ္စရေး​၏​ဘုရားသခင်​ထာဝရဘုရား​က ‘​အာဗြဟံ​နှင့် နာခေါ်​တို့​၏​ဖခင် တေရ မှစ၍ သင်​တို့​၏​ဘိုးဘေး​တို့​သည် ရှေးယခင်​က ယူဖရေးတီး​မြစ်​တစ်ဖက်ကမ်း​၌​နေထိုင်​၍ အခြား​ဘုရား​များ​ကို​ဝတ်ပြု​ခဲ့​ကြ​၏​။

သူ​ကြီး 11:27

အကျွန်ုပ်​သည် သင့်​ကို အမှားပြု​မိ​သည်​မ​ဟုတ်​။ သင်​က​သာ အကျွန်ုပ်​ကို တိုက်ခိုက်​ပြီး​အမှား​လုပ်​မိ​ပြီ​။ ယနေ့ တရားသူကြီး​ထာဝရဘုရား​ကသာ အစ္စရေး​အမျိုးသား​နှင့် အမ္မုန်​အမျိုးသား​တို့​ကြား တရားစီရင်​ပါစေ​’​ဟူ၍ မှာကြား​လိုက်​သည်​”​ဟု ဆို​လေ​၏​။

၁ ရာ 20:23

ယခု သင်​နှင့် ငါ​ကတိသစ္စာ​ထား​ခဲ့​သော​အရာ​များ​နှင့်​ပတ်သက်၍ ထာဝရဘုရား​သည် သင်​နှင့် ငါ​၏​ကြားမှာ​သက်သေ​အစဉ် ဖြစ်​ပါစေ​”​ဟု ဆို​၏​။

၁ ရာ 24:12

ထာဝရဘုရား​သည် အရှင်မင်းကြီး​နှင့် အကျွန်ုပ်​ကြား​တွင် စီရင်​တော်မူ​ပါစေသော​။ ထာဝရဘုရား​သည် အကျွန်ုပ်​အဖို့ အရှင်မင်းကြီး​ကို လက်တုံ့ပြန်​ပေး​တော်မူ​ပါစေသော​။ အကျွန်ုပ်​မူကား အရှင်မင်းကြီး​ကို ဆန့်ကျင်​တိုက်ခိုက်​မည်​မ​ဟုတ်​ပါ​။