ကမ္ဘာ​ဦး 3:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ထို့နောက် ထာဝရအရှင်​ဘုရားသခင်​က “​ကြည့်ရှု​လော့​။ လူ​သည် အကောင်း​အဆိုး​ကို​သိ​ခြင်း​အရာ​၌ ငါ​တို့​ထဲမှ​တစ်ပါးပါး​ကဲ့သို့​ဖြစ်လာ​ပြီ​။ ယခုမှာ သူ​သည် လက်​ကို​ဆန့်​ပြီး အသက်​ပင်​၏​အသီး​ကို​ယူ​စား​၍ ထာဝရ​အသက်ရှင်​ခွင့် မ​ရ​သင့်​”​ဟု မိန့်​တော်မူ​၏​။

Common Language Bible

²² ထို​နောက်​ထာ​ဝ​ရ​အ​ရှင်​ဘု​ရား​သ​ခင်​က``လူ သည်​ငါ​တို့​ကဲ့​သို့​ဖြစ်​လာ​၍ အ​ကောင်း​နှင့်​အ ဆိုး​ကို​သိ​မြင်​လာ​လေ​ပြီ။ အ​မြဲ​အ​သက် ရှင်​စေ​သော​အ​ပင်​မှ​အ​သီး​ကို​ဆွတ်​စား​၍ အ​မြဲ​အ​သက်​ရှင်​ခွင့်​မ​ပြု​ရ'' ဟု​မိန့်​တော် မူ​၏။-

Garrad Bible

²² ထာ ဝ ရ ဘု ရား သ ခင် က လည်း လူ သည် အ ကောင်း အ ဆိုး ကို သိ ၍ ငါ တို့ တွင် တစ် ပါး ပါး ကဲ့ သို့ ဖြစ် လေ ပြီ။ ယ ခု မှာ ထာ၀ ရ အ သက် ရှင် ခြင်း ငှါ လက် ဆန့် လျက် အ သက် ပင်၏ အ သီး ကို ဆွတ် စား မည် စိုး သည် ဟု မိန့် တော် မူ၍ ထွက် ခဲ့ ရင်း မြေ၌ လုပ် ကိုင် စေ ရန်၊

Judson Bible

²² ထာ​ဝ​ရ​အ​ရှင်​ဘု​ရား​သ​ခင်​က​လည်း၊ လူ​သည် ငါ​တို့​တွင် တစ်​ပါး​ပါး​ကဲ့​သို့​ဖြစ်၍၊ ကောင်း​မ​ကောင်း​သိ​တတ်၏။ ယ​ခု​မှာ သူ​သည် ထာ​ဝ​ရ​အ​သက်​ကို​ရ​ခြင်း​ငှာ၊ လက်​ကို​ဆန့်​လျက် အ​သက်​ပင်၏​အ​သီး​ကို​ယူ၍ မ​စား​သင့်​ဟု မိန့်​တော်​မူ၍၊

ကမ္ဘာ​ဦး 3:22 Referencias Cruzadas

ကမ္ဘာ​ဦး 1:26

တစ်ဖန် ဘုရားသခင်​က “​ငါ​တို့​၏​ပုံသဏ္ဌာန်​အတိုင်း ငါ​တို့​နှင့်​တစ်ပုံစံတည်း​တူ​သော​လူ​ကို ဖန်ဆင်း​ကြ​စို့​။ သူ​တို့​သည် ပင်လယ်​ငါး​တို့​ကို​လည်းကောင်း​၊ မိုးကောင်းကင်​ငှက်​တို့​ကို​လည်းကောင်း​၊ ယဉ်ပါးသောတိရစ္ဆာန်​တို့​ကို​လည်းကောင်း​၊ ကမ္ဘာမြေ​တစ်ခွင်လုံး​ကို​လည်းကောင်း​၊ မြေ​ပေါ်မှာ​တွားသွား​သော တွားသွားတိရစ္ဆာန်​အပေါင်း​တို့​ကို​လည်းကောင်း အုပ်စိုး​ကြ​စေ​”​ဟု မိန့်​တော်မူ​၏​။

ကမ္ဘာ​ဦး 2:9

ထာဝရအရှင်​ဘုရားသခင်​သည် ရှုချင်စဖွယ်​ကောင်း​သော​၊ စားဖွယ်​ကောင်း​သော​အပင်​အမျိုးမျိုး​ကို မြေ​မှ​ပေါက်​စေ​တော်မူ​၏​။ ဥယျာဉ်​အလယ်​၌ အသက်​ပင်​နှင့် အကောင်း​အဆိုး​သိကျွမ်း​ရာ​အပင်​ရှိ​၏​။

ကမ္ဘာ​ဦး 3:21

ထာဝရအရှင်​ဘုရားသခင်​သည် အာဒံ​နှင့် သူ​၏​မယား​အတွက် သားရေ​ဝတ်ရုံ​ကို​လုပ်​၍ သူ​တို့​အား​ဝတ်ဆင်​ပေး​တော်မူ​၏​။

ကမ္ဘာ​ဦး 3:23

ထို့ကြောင့် ထာဝရအရှင်​ဘုရားသခင်​သည် လူ​ကို ဧဒင်​ဥယျာဉ်​ထဲမှ​နှင်ထုတ်​၍ မြေ​မှ​ဖြစ်လာ​သော​လူ​ကို ထို​မြေ​ကို​ပင် ထွန်ယက်​လုပ်ကိုင်​စေ​၏​။

ကမ္ဘာ​ဦး 3:5

ထို​အသီး​ကို​စား​သော​နေ့​တွင် သင်​တို့​သည် မျက်စိ​ပွင့်လင်း​၍ အကောင်း​အဆိုး​ကို​သိ​ကာ ဘုရားသခင်​ကဲ့သို့​ဖြစ်​မည်​ကို ဘုရားသခင်​သိ​တော်မူ​သောကြောင့်​ဖြစ်​၏​”​ဟု မိန်းမ​အား​ဆို​လေ​၏​။

ဆာ​လံ 22:26

ဖိစီးနှိပ်စက်​ခြင်း​ခံရ​သော​သူ​တို့​သည် ဝလင်​စွာ​စား​ရ​ကြ​လိမ့်မည်​။ ထာဝရဘုရား​ကို​ရှာ​သော​သူ​တို့​သည် ကိုယ်တော်​ကို​ချီးမွမ်း​ကြ​လိမ့်မည်​။ သင် တို့​စိတ်နှလုံး​သည် ထာဝစဉ်​ရှင်သန်​ပါစေ​။

သုတ္တံကျမ်း။ 3:18

ဉာဏ်ပညာ​သည် ၎င်း​ကို​ဆုပ်ကိုင်​ထား​သော သူ​တို့​အတွက် အသက်​ပင်​သဖွယ်​ဖြစ်​၏​။ ၎င်း​ကို​စွဲကိုင်​ထား​သော​သူ​တို့​သည် မင်္ဂလာ​ရှိ​ကြ​၏​။

ယေ​ရ​မိ 22:23

သစ်ကတိုးပင်​၌​အသိုက်လုပ်​၍ လက်ဘနွန်​တောင်​၌​နေ​သော​သူ​၊ သားဖွား​ဝေဒနာ​ကဲ့သို့ နာကျင်​ခြင်း​ဝေဒနာ​ကို သင်​ခံစား​ရ​သောအခါ သင်​မည်မျှ​ညည်းတွား​လိမ့်​မည်နည်း”​ဟု မိန့်​တော်မူ​၏​။

ဗျာ​ဒိတ် 2:7

ဝိညာဉ်​တော်​က အသင်းတော်​များ​အား မိန့်​တော်မူ​သော​အရာ​ကို နား​ရှိ​သော​သူ​သည် ကြား​ပါစေ။ အောင်မြင်​သော​သူ​အား ဘုရားသခင်​၏​ပရဒိသု​ဘုံ​၌​ရှိ​သော အသက်​ပင်​၏​အသီး​ကို ငါ​စား​ခွင့်​ပေး​မည်။

ဗျာ​ဒိတ် 22:14

မိမိ​တို့​၏​ဝတ်လုံ​များ​ကို​လျှော်ဖွပ်​၍ အသက်​ပင်​နှင့်​သက်ဆိုင်​ရ​သော​အခွင့်​ကို​ရရှိ​ကာ တံခါး​များ​မှ မြို့​ထဲသို့​ဝင်​ခွင့်​ကို​ရရှိ​သော​သူ​တို့​သည် မင်္ဂလာရှိ​ကြ​၏။

ဗျာ​ဒိတ် 22:2

မြို့​၏​လမ်းမ​အလယ်​တစ်လျှောက် စီးဆင်း​နေ​၏။ မြစ်​၏​တစ်ဖက်တစ်ချက်စီ​၌​ကား အသီး​တစ်ဆယ့်နှစ်​မျိုး​သီး​၍ မိမိ​အသီး​ကို လစဉ်​ပေး​တတ်​သည့်​အသက်​ပင်​ရှိ​၏။ ထို​အပင်​မှ အရွက်​များ​သည်​လည်း လူမျိုး​တကာ​တို့​၏​ကျန်းမာ​ခြင်း​အတွက်​ဖြစ်​၏။