ကမ္ဘာ​ဦး 29:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ လေအာ​သည် မျက်လုံး​မှေး​၏​။ ရာခေလ​မူကား အဆင်းသဏ္ဌာန်​လှပ​၍ ချစ်စရာ​ကောင်း​၏​။

Common Language Bible

¹⁷ လေ​အာ​သည်​မျက်​လုံး​မျက်​ဖန်​လှ​၏။ ရာ​ခေ​လ မူ​ကား​ကိုယ်​လုံး​ကိုယ်​ပေါက်​လှ​၍​ရှု​ချင်​ဖွယ် ကောင်း​၏။

Garrad Bible

¹⁷ လေ အာ သည် မျက် စိ နုန့် နဲ့ ၏။ ရာ ခေ လ မူ ကား အ ဆင်း သ ဏ္ဌာန် လှ၍ ရှု ချင် ဖွယ် ကောင်း ၏။

Judson Bible

¹⁷ လေ​အာ​ကား၊ မျက်​စိ​နု​ညံ့၏။ ရာ​ခေ​လ​ကား၊ ပုံ​ပြင်​ယဉ်​ကျေး၍ အ​သွေး​အ​ဆင်း​လည်း​လှ၏။

ကမ္ဘာ​ဦး 29:17 Referencias Cruzadas

ကမ္ဘာ​ဦး 12:11

အီဂျစ်​ပြည်​သို့ ရောက်​လု​နီး​သောအခါ သူ​သည် မိမိ​မယား​စာရဲ​အား “​ကြည့်ရှု​လော့​။ သင်​သည် ရုပ်ဆင်းသွင်ပြင်​လှပ​သော​အမျိုးသမီး​ဖြစ်​သည်​ကို ငါ​သိ​၏​။

ကမ္ဘာ​ဦး 12:14

အီဂျစ်​ပြည်​သို့ အာဗြံ​ရောက်​သောအခါ စာရဲ​သည် အလွန်​လှပ​သော​အမျိုးသမီး​ဖြစ်​သည်​ကို အီဂျစ်​ပြည်သား​တို့​တွေ့မြင်​ကြ​၏​။

ကမ္ဘာ​ဦး 24:16

ထို​မိန်းကလေး​သည် ရုပ်ဆင်းသွင်ပြင်​အလွန်​လှပ​၍ ယောက်ျား​နှင့်​မ​ဆက်ဆံ​သေး​သော အပျိုကညာ​ဖြစ်​၏​။ သူ​သည် စမ်းရေတွင်း​သို့​ဆင်းသွား​၍ ရေဘူး​ကို​ရေ​ဖြည့်​ပြီး ပြန်တက်လာ​၏​။

ကမ္ဘာ​ဦး 26:7

ထို​အရပ်​၌​ရှိ​သော​ယောက်ျား​တို့​သည် သူ့​မယား​အကြောင်း​ကို​မေး​ကြ​သောအခါ ဣဇက်​က “​ငါ့​မယား​ဖြစ်​သည်​”​ဟု ပြော​ရ​မည်​ကို ကြောက်​၍ “​ငါ့​နှမ​ဖြစ်​သည်​”​ဟု ဆို​၏​။ အကြောင်းမှာ ရေဗက္ကာ​သည် ရုပ်ဆင်းသွင်ပြင်​လှပ​သဖြင့် ထို​အရပ်​၌​ရှိ​သော​ယောက်ျား​တို့​သည် ရေဗက္ကာ​အတွက်ကြောင့် မိမိ​အား​သတ်​မည်​ကို စိုးရိမ်​သောကြောင့်​ဖြစ်​၏​။

ကမ္ဘာ​ဦး 29:16

လာဗန်​၌ သမီး​နှစ်​ယောက်​ရှိ​၏​။ အကြီး​၏​အမည်​မှာ လေအာ​၊ အငယ်​၏​အမည်​မှာ ရာခေလ​ဖြစ်​၏​။

ကမ္ဘာ​ဦး 29:18

ယာကုပ်​သည် ရာခေလ​ကို​ချစ်​သောကြောင့် “​ဦးရီး​၏​သမီး​အငယ်​ရာခေလ​ကို​ရ​ဖို့ ဦးရီး​ကို ခုနစ်​နှစ်​အစေခံ​ပါ​မည်​”​ဟု ဆို​၏​။

ကမ္ဘာ​ဦး 29:30

ထိုအခါ ယာကုပ်​သည် ရာခေလ​ထံသို့​လည်း ဝင်​လေ​၏​။ သူ​သည် ရာခေလ​ကို လေအာ​ထက်​ပို၍​ချစ်​၏​။ ယာကုပ်​သည် လာဗန်​ကို နောက်ထပ် ခုနစ်​နှစ်​အစေခံ​လေ​၏​။

ကမ္ဘာ​ဦး 30:22

ထိုအခါ ဘုရားသခင်​သည် ရာခေလ​ကို​အောက်မေ့​တော်မူ​၏​။ ဘုရားသခင်​သည် ရာခေလ​၏​တောင်းလျှောက်သံ​ကို​နားညောင်း​၍ သူ့​အား​သန္ဓေတည်​ခွင့်​ကို​ပေး​တော်မူ​၏​။

ကမ္ဘာ​ဦး 35:24

ရာခေလ​၏​သား​များ​မှာ ယောသပ်​၊ ဗင်္ယာမိန် တို့​ဖြစ်​ကြ​၏​။

ကမ္ဘာ​ဦး 39:6

ထို့ကြောင့် သခင်​သည် မိမိ​ပိုင်ဆိုင်​သော​အရာ​အားလုံး​ကို ယောသပ်​လက်​သို့​အပ်​၍ မိမိ​စား​သော​အစားအစာ​မှတစ်ပါး မိမိ​ပိုင်​သော​မည်သည့်​အရာ​ကို​မျှ မ​သိ​မ​မှတ်​ဘဲ​နေ​၏​။ ယောသပ်​သည် အဆင်းသဏ္ဌာန်​လှ​၍ ရုပ်ရည်​ချောမော​သော​သူ​ဖြစ်​၏​။

ကမ္ဘာ​ဦး 48:7

ငါ​သည် ပါဒန်အာရံ​ပြည်​မှ​ပြန်လာ​သောအခါ ခါနာန်​ပြည်​သို့​အပြန်လမ်း​၌ ဧဖရတ်​အရပ်​သို့​ရောက်​ရန်​အလှမ်းဝေး​သေး​သော​နေရာ​တွင် ရာခေလ​သည် ငါ့​မျက်စိ​ရှေ့​မှာ​ပင် သေဆုံး​၍ သူ့​ကို ဗက်လင် ခေါ် ဧဖရတ်​မြို့​သို့​သွား​ရာ​လမ်း​၌ သင်္ဂြိုဟ်​၏​”​ဟု ဆို​လေ​၏​။

သုတ္တံကျမ်း။ 31:30

တင့်တယ်​ခြင်း​သည် လှည့်ဖြား​တတ်​၏​။ လှပ​ခြင်း​သည်​လည်း အချည်းနှီး​ဖြစ်​၏​။ သို့သော် ထာဝရဘုရား​ကို​ကြောက်ရွံ့​သော မိန်းမ​သည် ချီးမွမ်း​ခြင်း​ခံရ​လိမ့်မည်​။

ယေ​ရ​မိ 31:15

ထာဝရဘုရား​က “​ရာမ​မြို့​၌ မြည်တမ်း​သံ​၊ ခါးသီး​စွာ​ငိုကြွေး​သံ​ကို​ကြား​ရ​၏​။ ရာခေလ​သည် မိမိ​၏​သား​များ​ကြောင့် ငိုကြွေး​၏​။ သူ​၏​သား​များ​မ​ရှိ​တော့​သဖြင့် နှစ်သိမ့်​ပေး​ကြ​သည်​ကို လက်မခံ​ပြီ​”​ဟု မိန့်​တော်မူ​၏​။

မဿဲ 2:18

ထိုအခါ “ရာမ​မြို့​၌ သည်းထန်​သော​ငိုကြွေး​ခြင်း​နှင့်​မြည်တမ်း​ခြင်း​အသံ​ကို ကြား​ရ​၏။ ရာခေလ​သည် သူ​၏​ကလေး​များ​အတွက်​ငိုကြွေး​ကာ ကလေး​တို့​မ​ရှိ​ကြ​တော့​သည်​ဖြစ်၍ နှစ်သိမ့်​ပေး​ခြင်း​ကို​အလို​မ​ရှိ”​ဟု ပရောဖက်​ယေရမိ​အားဖြင့် မိန့်​တော်မူ​သော​အရာ​သည် ပြည့်စုံ​ခြင်း​သို့​ရောက်​လေ​၏။

၁ ရာ 10:2

ယနေ့ ငါ့​ထံ​မှ သင်​ပြန်သွား​လျှင် ဗင်္ယာမိန်​နယ်စပ်​၊ ဇေလဇ​အရပ်​ရှိ ရာခေလ​သင်္ချိုင်း​အနား​တွင် လူ​နှစ်​ယောက်​ကို တွေ့​လိမ့်မည်​။ သူ​တို့​က သင့်​အား ‘​သင်​သွား​ရှာ​သော​မြည်း​တို့​ကို ပြန်တွေ့​ပြီ​။ ယခု သင့်​ဖခင်​သည် မြည်း​တို့​အတွက် မစိုးရိမ်​တော့​ဘဲ ငါ့​သား​အဖို့ မည်သို့​ပြု​ရ​မည်နည်း​ဟု ဆို​ပြီး သင်​တို့​အတွက် စိုးရိမ်​လျက်​ရှိ​၏​’​ဟု သင့်​ကို ပြော​လိမ့်မည်​။