ကမ္ဘာ​ဦး 24:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² “​အို အကျွန်ုပ်​သခင်​အာဗြဟံ​၏​ဘုရားသခင်​ထာဝရဘုရား​၊ ယနေ့ အကျွန်ုပ်​၏​အမှု​ကို အထမြောက်​အောင်မြင်​စေ​၍ အကျွန်ုပ်​၏​သခင်​အာဗြဟံ​အား မေတ္တာကရုဏာ​ကို​ပြ​တော်မူ​ပါ​။

Common Language Bible

¹² သူ​က``အ​ကျွန်ုပ်​၏​သ​ခင်​အာ​ဗြ​ဟံ​၏​ဘု​ရား​သ​ခင်​ထာ​ဝ​ရ​ဘု​ရား၊ အ​ကျွန်ုပ်​လာ​ခဲ့​ရ​သည့် ကိစ္စ​ထ​မြောက်​အောင်​မြင်​စေ​တော်​မူ​ပါ။ အ​ကျွန်ုပ် ၏​သခင်​အား​ထား​သော​က​တိ​တော်​အ​တိုင်း​ပြု တော်​မူ​ပါ။-

Garrad Bible

¹² အ ကျွန်ုပ် သ ခင်၊ အာ ဗြ ဟံ၏ ဘု ရား သ ခင် ထာ ဝ ရ ဘု ရား၊ အ ကျွန်ုပ် ဆောင် ရွက် သော အ မှု ကို ယ နေ့ အ ထ မြောက် စေ ၍ သ ခင် အာ ဗြ ဟံ အား ကျေး ဇူး ပြု တော် မူ ပါ။

Judson Bible

¹² အ​ကျွန်ုပ်၏​သ​ခင်၊ အာ​ဗြ​ဟံ၏​ဘု​ရား​သ​ခင် ထာ​ဝ​ရ​ဘု​ရား၊ ယ​နေ့​အ​ကျွန်ုပ်​အ​ကြံ​ကို​ထ​မြောက်​စေ၍၊ အ​ကျွန်ုပ်၏​သ​ခင်​အာ​ဗြ​ဟံ၌ ကျေး​ဇူး​ပြု​တော်​မူ​ပါ​ဟု၊ အ​ကျွန်ုပ်​ဆု​တောင်း​ပါ၏။

ကမ္ဘာ​ဦး 24:12 Referencias Cruzadas

ကမ္ဘာ​ဦး 15:1

ဤ​အရာ​များ​ဖြစ်​ပြီးသည့်နောက် ထာဝရဘုရား​၏​နှုတ်ကပတ်တော်​သည် စိတ်အာရုံ​အားဖြင့် အာဗြံ​ထံသို့​ရောက်လာ​၍ “​အာဗြံ​၊ မ​ကြောက်​နှင့်​။ ငါ​သည် သင်​၏​ဒိုင်းလွှား​ဖြစ်​၏​။ သင်​ရရှိ​မည့်​ဆုလာဘ်​သည် အလွန်​ကြီးမား​၏​”​ဟု မိန့်​တော်မူ​၏​။

ကမ္ဘာ​ဦး 24:21

ထို​သူ​သည် မိမိ​ခရီးစဉ်​ကို ထာဝရဘုရား​အောင်မြင်​ခွင့်​ပေး​မည်​၊ မ​ပေး​မည်​ကို​သိရှိ​ရန် မိန်းကလေး​ကို တိတ်ဆိတ်​စွာ​စောင့်ကြည့်​နေ​၏​။

ကမ္ဘာ​ဦး 24:27

“​အကျွန်ုပ်​သခင်​အာဗြဟံ​ထံမှ မေတ္တာကရုဏာ​တော်​နှင့်​သစ္စာ​တော်​ကို ရုပ်သိမ်း​တော်​မ​မူ​သော အကျွန်ုပ်​သခင်​၏​ဘုရားသခင်​ထာဝရဘုရား​သည် မင်္ဂလာရှိ​ပါစေသော​။ အကျွန်ုပ်​သခင်​၏​ဆွေမျိုးသားချင်း​အိမ်​သို့ သွား​သော​လမ်းခရီး​၌ ထာဝရဘုရား​သည် အကျွန်ုပ်​ကို ပို့ဆောင်​တော်မူ​ပြီ​”​ဟု ဆို​လေ​၏​။

ကမ္ဘာ​ဦး 24:42

အကျွန်ုပ်​သည် ယနေ့ စမ်းရေတွင်း​သို့​ရောက်​သောအခါ ‘​အို အကျွန်ုပ်​သခင်​အာဗြဟံ​၏​ဘုရားသခင်​ထာဝရဘုရား​၊ အကျွန်ုပ်​လာ​သော​ခရီးစဉ်​အောင်မြင်​စေရန် ကိုယ်တော်​အလိုရှိ​လျှင်

ကမ္ဘာ​ဦး 24:48

ထို့နောက် အကျွန်ုပ်​သည်​ဦးညွှတ်​၍ ထာဝရဘုရား​ကို​ရှိခိုးကိုးကွယ်​ကာ အကျွန်ုပ်​သခင့်​ညီ​၏​မြေး​ကို သခင့်​သား​အတွက်​ရွေးယူ​ရန် အကျွန်ုပ်​ကို မှန်​သော​လမ်း​ဖြင့်​ပို့ဆောင်​တော်မူ​သော အကျွန်ုပ်​သခင်​အာဗြဟံ​၏​ဘုရားသခင်​ထာဝရဘုရား​ကို ကောင်းချီးထောမနာ​ပြု​ပါ​သည်​။

ကမ္ဘာ​ဦး 26:24

ထို​ည​၌ ထာဝရဘုရား​သည် သူ့​အား​ကိုယ်ထင်ရှားပြ​၍ “​ငါ​သည် သင့်​ဖခင်​အာဗြဟံ​၏​ဘုရား​ဖြစ်​၏​။ မ​ကြောက်​နှင့်​။ အကြောင်းမူကား ငါ​သည် သင်​နှင့်အတူ​ရှိ​၏​။ ငါ​သည် သင့်​ကို​ကောင်းချီးပေး​၍ ငါ​၏​အစေအပါး​အာဗြဟံ​အတွက်ကြောင့် သင်​၏​သားစဉ်မြေးဆက်​ကို​များပြား​စေ​မည်​”​ဟု မိန့်​တော်မူ​၏​။

ကမ္ဘာ​ဦး 27:10

သင်​၏​ဖခင်​မ​ကွယ်လွန်​မီ သင့်​ကို​ကောင်းချီးပေး​မည့်​အကြောင်း ထို​ဟင်း​ကို သူ​စား​ရန် သူ့​ထံသို့ သင်​ယူသွား​ရ​မည်​”​ဟု ဆို​လေ​၏​။

ကမ္ဘာ​ဦး 27:20

ဣဇက်​က​လည်း “​ငါ့​သား​၊ အဘယ်ကြောင့် ဤမျှလောက်​လျင်မြန်​စွာ​တွေ့​ရ​သနည်း​”​ဟု မေး​လျှင် ယာကုပ်​က “​အဖေ​၏​ဘုရားသခင်​ထာဝရဘုရား​သည် အကျွန်ုပ်​အား တွေ့ခွင့်​ပေး​တော်မူ​သောကြောင့်​ဖြစ်​ပါ​သည်​”​ဟု ပြန်ဆို​၏​။

ကမ္ဘာ​ဦး 28:13

ထာဝရဘုရား​သည် သူ့​အနား​တွင်​ရပ်​နေ​၍ “​ငါ​သည် သင့်​ဖခင်​အာဗြဟံ​၏​ဘုရား​၊ ဣဇက်​၏​ဘုရား​တည်းဟူသော ထာဝရဘုရား​ဖြစ်​၏​။ သင်​အိပ်​နေ​သော​မြေ​ကို သင်​နှင့်​သင်​၏​သားစဉ်မြေးဆက်​အား ငါ​ပေး​မည်​။

ကမ္ဘာ​ဦး 31:42

အကျွန်ုပ်​ဖခင်​၏​ဘုရား​၊ အာဗြဟံ​၏​ဘုရား​၊ ဣဇက်​ကြောက်ရွံ့​သော​ဘုရား​သည် အကျွန်ုပ်​နှင့်အတူ​ရှိ​တော်​မ​မူ​ခဲ့​လျှင် ဦးရီး​သည် ယခု အမှန်ပင် အကျွန်ုပ်​ကို လက်ချည်းသက်သက် ပြန်လွှတ်​ခဲ့​ပေ​လိမ့်မည်​။ ဘုရားသခင်​သည် အကျွန်ုပ်​ခံရ​သော​ဖိစီးနှိပ်စက်​ခြင်း​နှင့် ပင်ပန်းခက်ခဲ​စွာ​လုပ်ဆောင်​ရ​ခြင်း​ကို​မြင်​၍ မနေ့ည​က ဦးရီး​ကို​ဆုံးမ​တော်မူ​ပြီ​”​ဟု ဆို​လေ​၏​။

ကမ္ဘာ​ဦး 32:10

ကိုယ်တော်​၏​အစေအပါး​အပေါ်​ထား​တော်မူ​သော မေတ္တာကရုဏာ​တော်​အလုံးစုံ​၊ သစ္စာ​တော်​အလုံးစုံ​ကို အကျွန်ုပ်​မခံထိုက်​ပါ​။ အကျွန်ုပ်​သည် ဤ​ဂျော်ဒန်​မြစ်​ကို ဖြတ်ကူး​ခဲ့​စဉ်က တောင်ဝှေး​တစ်​ချောင်း​သာ​ပါ​ပါ​၏​။ ယခု​မူကား အုပ်စု​နှစ်​စု​ဖြစ်လာ​ပါ​ပြီ​။

ကမ္ဘာ​ဦး 32:9

ထို့နောက် ယာကုပ်​က “​အကျွန်ုပ်​အဖ​အာဗြဟံ​၏​ဘုရား​၊ အကျွန်ုပ်​အဖ​ဣဇက်​၏​ဘုရား​၊ အကျွန်ုပ်​အား ‘​သင့်​ပြည်​၊ သင့်​ဆွေမျိုးသားချင်း​တို့​ထံသို့ ပြန်သွား​လော့​။ ငါ​သည် သင့်​ကို​ကောင်းစား​စေ​မည်​’​ဟု မိန့်​တော်မူ​သော​ထာဝရဘုရား​၊

ကမ္ဘာ​ဦး 43:14

အနန္တတန်ခိုးရှင်​ဘုရားသခင်​သည် သင်​တို့​ကို သနားစုံမက်​တော်မူ​၍ ထို​သူ​သည် သင်​တို့​၏​ညီအစ်ကို​ရှိမောင်​နှင့်​ဗင်္ယာမိန်​ကို သင်​တို့​နှင့်အတူ​ပြန်လွှတ်​ပေး​ပါစေသော​။ ငါ​သည် သား​များ​ကို​ဆုံးရှုံး​လျှင်​လည်း ဆုံးရှုံး​ရ​ပါ​တော့​မည်​”​ဟု ဆို​လေ​၏​။

၃ ရာ 18:36

ညဦးပိုင်း​ယဇ်​ပူဇော်​ရ​မည့်​အချိန်​ရောက်​သောအခါ ပရောဖက်​ဧလိယ​သည် ယဇ်ပလ္လင်​နား​ချဉ်းလာ​၍ “​အာဗြဟံ​၊ ဣဇက်​၊ အစ္စရေး​တို့​၏​ဘုရားသခင်​ထာဝရဘုရား​၊ ကိုယ်တော်​သည် အစ္စရေး​လူမျိုး​တွင်​ဘုရားသခင်​ဖြစ်ကြောင်း​၊ အကျွန်ုပ်​သည် ကိုယ်တော်​၏​အစေအပါး​ဖြစ်​ပြီး ကိုယ်တော်​၏​အမိန့်​တော်​ဖြင့် ဤ​အရာ​အားလုံး​ကို​ပြု​ခြင်း​ဖြစ်ကြောင်း ယနေ့ ဤ​လူ​တို့​ကို သိ​စေ​တော်မူ​ပါ​။

၄ ရာ 2:14

ဧလိယ​ကိုယ်​မှ​ကျကျန်​ခဲ့​သော​အဝတ်​ကို​ယူ​၍ ရေ​ကို​ရိုက်​ပြီး “​ဧလိယ​၏​ဘုရားသခင်​ထာဝရဘုရား​ကား အဘယ်မှာ​နည်း​”​ဟု ဆို​၏​။ ထိုသို့ ရေ​ကို​ရိုက်​သောအခါ ရေ​သည် ထက်ခြမ်းကွဲ​သွား​သဖြင့် ဧလိရှဲ​လည်း မြစ်​ကို​ကူးသွား​လေ​၏​။

နေ​ဟ​မိ 1:11

အို ဘုရားရှင်​၊ ကိုယ်တော့်​အစေအပါး​၏​ဆုတောင်းသံ​ကို နားညောင်း​တော်မူ​ပါ​။ ကိုယ်တော်​၏​နာမ​တော်​အား ကြောက်ရွံ့ရိုသေ​ရ​သည်​ကို​နှစ်သက်​သော ကိုယ်တော့်​အစေအပါး​တို့​၏​ဆုတောင်းသံ​ကို နားညောင်း​တော်မူ​ပါ​။ ယနေ့ ကိုယ်တော့်​အစေအပါး​အား အောင်မြင်​ခွင့်​ပေး​တော်မူ​ပါ​။ မင်းကြီး​ရှေ့​မှာ ဤ​လူ​မျက်နှာသာ​ရ​ပါစေသော​”​ဟု ဆုတောင်း​၏​။ ထိုစဉ်က ငါ​သည် ရှင်ဘုရင်​၏​ဖလားတော်ဝန် ဖြစ်​၏​။

နေ​ဟ​မိ 2:4

ထိုအခါ ရှင်ဘုရင်​က “​သင်​မည်သို့​ပြု​လို​သနည်း​”​ဟု ငါ့​အား မေး​တော်မူ​လျှင် ငါ​သည် ကောင်းကင်ဘုံရှင်​ဘုရားသခင်​ထံ ဆုတောင်း​၏​။

ဆာ​လံ 118:25

အို ထာဝရဘုရား​၊ ကယ်တင်​တော်မူ​ပါ​။ အို ထာဝရဘုရား​၊ အောင်မြင်​ခွင့်​ပေး​တော်မူ​ပါ​။

ဆာ​လံ 122:6

“​သင့်​ကို​မြတ်နိုး​သော​သူ​တို့​သည် ကောင်းစား​ကြ​ပါစေသော​။ သင်​၏​တံတိုင်း​အတွင်း​၌ ငြိမ်းချမ်းသာယာ​ခြင်း​ရှိ​ပါစေသော​။ သင်​၏​ခံတပ်​များ​အတွင်း​၌ လုံခြုံစိတ်ချမှု​ရှိ​ပါစေသော​”​ဟု ဂျေရုဆလင်​မြို့​၏​ငြိမ်းချမ်းသာယာ​ခြင်း​အတွက် ဆုတောင်း​ကြ​လော့​။

ဆာ​လံ 127:1

ထာဝရဘုရား​သည် အိမ်​ကို ဆောက်​တော်​မ​မူ​လျှင် အိမ်ဆောက်​သော​သူ​တို့​သည် အချည်းနှီး​ကြိုးပမ်းအားထုတ်​ကြ​၏​။ ထာဝရဘုရား​သည် မြို့​ကို​စောင့်​တော်​မ​မူ​လျှင် စောင့်​သော​သူ​သည် အချည်းနှီး​စောင့်ကြပ်​၏​။

ဆာ​လံ 37:5

သင်​ပြုမူကျင့်ကြံ​သော​အမှုအရာ​ကို ထာဝရဘုရား​ထံ​အပ်နှံ​၍ ကိုယ်တော်​ကို ယုံကြည်ကိုးစား​လော့​။ သို့ပြုလျှင် ကိုယ်တော်​စီရင်​ဆောင်ရွက်​တော်မူ​လိမ့်မည်​။

ထွက်​မြောက် 3:15

တစ်ဖန် ဘုရားသခင်​က မောရှေ​အား “​သင်​သည် အစ္စရေး​အမျိုးသား​တို့​အား ‘​သင်​တို့​ဘိုးဘေး​တို့​၏​ဘုရား​၊ အာဗြဟံ​၏​ဘုရား​၊ ဣဇက်​၏​ဘုရား​၊ ယာကုပ်​၏​ဘုရား​တည်းဟူသော ထာဝရဘုရား​သည် ငါ့​ကို သင်​တို့​ထံသို့ စေလွှတ်​တော်မူ​ပြီ​။ ဤ​နာမ​သည် ငါ​၏​ထာဝရ​နာမ​ဖြစ်​၏​။ မျိုးဆက်​အစဉ်အဆက် သိမှတ်​ရ​မည့် ငါ​၏​နာမ​ဖြစ်​၏’​ဟု ပြော​ရ​မည်​။

ထွက်​မြောက် 3:6

တစ်ဖန် ဘုရားသခင်​က “​ငါ​သည် သင့်​ဖခင်​၏​ဘုရား​၊ အာဗြဟံ​၏​ဘုရား​၊ ဣဇက်​၏​ဘုရား​၊ ယာကုပ်​၏​ဘုရား​ဖြစ်​၏​”​ဟု မိန့်​တော်မူ​၏​။ မောရှေ​သည် ဘုရားသခင်​ကို​မကြည့်ဝံ့​သဖြင့် မိမိ​မျက်နှာ​ကို ဖုံးကွယ်​ထား​လေ​၏​။

သုတ္တံကျမ်း။ 3:6

သင်​ပြုမူကျင့်ကြံ​သမျှ​သော​အမှုအရာ​တို့​၌ ကိုယ်တော်​ကို မျက်မှောက်ပြု​လော့​။ သို့ပြုလျှင် ကိုယ်တော်​သည် သင်​၏​လမ်းခရီး​တို့​ကို ဖြောင့်တန်း​စေ​တော်မူ​လိမ့်မည်​။

ဖိ​လိပ္ပိ 4:6

မည်သည့်​အမှု​ကို​မျှ မ​စိုးရိမ်​ဘဲ အရာရာ​၌ ကျေးဇူး​တော်​ချီးမွမ်း​ခြင်း​နှင့်တကွ ဆုတောင်း​ခြင်း​နှင့်​အသနားခံ​ခြင်း​တို့​ဖြင့် သင်​တို့​တောင်းခံ​လို​သော​အရာ​များ​ကို ဘုရားသခင်​အား သိ​စေ​ကြ​လော့။