ကမ္ဘာ​ဦး 21:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ သို့ဖြစ်၍ သင်​သည် ငါ​မှစ၍ ငါ့​သား​၊ ငါ့​သားမြေးအစဉ်အဆက်​တို့​ကို​မ​လှည့်စား​၊ သင့်​အား ငါ​မေတ္တာ​ထား​သကဲ့သို့ သင်​သည်​လည်း ငါ့​အား​လည်းကောင်း​၊ သင်​တည်းခိုနေထိုင်​သော​ပြည်​အား​လည်းကောင်း မေတ္တာထား​မည်​ဟု ယခု ဤ​နေရာ​တွင် ဘုရားသခင်​ကို​တိုင်တည်​၍ ကျိန်ဆို​ပါ​လော့​”​ဟု မိန့်ဆို​၏​။

Common Language Bible

²³ သို့​ဖြစ်​၍​သင်​သည်​ငါ့​ကို​သော်​လည်း​ကောင်း၊ ငါ ၏​သား​သမီး​နှင့်​အ​ဆက်​အ​နွယ်​များ​ကို​သော် လည်း​ကောင်း​မ​လှည့်​စား​ပါ​ဟူ​၍​ဘု​ရား​သ​ခင် ၏​ရှေ့​တော်​၌​က​တိ​သစ္စာ​ဆို​ပါ​လော့။ ငါ​သည် သင့်​အား​သစ္စာ​စောင့်​သည့်​နည်း​တူ ငါ့​ကို​သော် လည်း​ကောင်း၊ သင်​မှီ​တင်း​နေ​ထိုင်​ရာ​ဤ​ပြည် ကို​သော်​လည်း​ကောင်း​သစ္စာ​စောင့်​ပါ​မည်​ဟူ​၍ က​တိ​ပြု​လော့'' ဟု​အာ​ဗြ​ဟံ​အား​ဆို​လေ​၏။

Garrad Bible

²³ သင် သည် ငါ မှ စ သော ငါ့ သား မြေး တို့ ကို မ လှည့် စား ဘဲ သင့် ကို ငါ ကျေး ဇူး ပြု သ ကဲ့ သို့ ငါ့ ကို လည်း ကောင်း၊ သင် တည်း ခို ရာ ပြည် ကို လည်း ကောင်း၊ ကျေး ဇူး ပြု မည့် အ ကြောင်း ဘု ရား သ ခင် ကို တိုင် တည်၍ ဤ တွင် သစ္စာ ထား လော့ ဟု အာ ဗြ ဟံ အား မိန့် ဆို ရာ၊

Judson Bible

²³ သို့​ဖြစ်၍ သင်​သည်​ငါ့​ကို​လည်း​ကောင်း၊ ငါ့​သား​ကို​လည်း​ကောင်း၊ ငါ့​မြေး​ကို​လည်း​ကောင်း၊ မ​လှည့်​စား။ ငါ​သည်​သင်၌​ကျေး​ဇူး​ပြု​သ​ကဲ့​သို့ ငါ၌​လည်း​ကောင်း၊ သင်​တည်း​နေ​ရာ ငါ့​ပြည်၌​လည်း​ကောင်း၊ ကျေး​ဇူး​ပြု​မည်​ဟု ဘု​ရား​သ​ခင်​ကို​တိုင်​တည်၍ ငါ့​အား​ကျိန်​ဆို​ပါ​လော့​ဟု ပြော​ဆို၏။

ကမ္ဘာ​ဦး 21:23 Referencias Cruzadas

ကမ္ဘာ​ဦး 20:14

ထိုအခါ အဘိမလက်​မင်းကြီး​သည် သိုးအုပ်​၊ နွားအုပ်​၊ ကျွန်ယောက်ျား​နှင့်​ကျွန်မိန်းမ​တို့​ကို​ယူ​၍ အာဗြဟံ​အား​ပေး​လေ​၏​။ သူ​၏​မယား​စာရာ​ကို​လည်း သူ့​အား​ပြန်ပေး​၏​။

ကမ္ဘာ​ဦး 21:24

အာဗြဟံ​က​လည်း “​အကျွန်ုပ်​ကျိန်ဆို​ပါ​၏​”​ဟု ဆို​လေ​၏​။

ကမ္ဘာ​ဦး 24:3

ကောင်းကင်​နှင့်​မြေကြီး​၏​ဘုရားသခင်​ထာဝရဘုရား​ကို​တိုင်တည်​၍ သင်​သည် ငါ​နေထိုင်​လျက်​ရှိ​သော​အရပ်​မှ ခါနာန်​အမျိုးသမီး​များ​ထဲတွင် ငါ့​သား​အတွက် မိန်းမ​ကို​မ​ရှာ​ဘဲ

ကမ္ဘာ​ဦး 26:28

သူ​တို့​က​လည်း “​ထာဝရဘုရား​သည် သင်​နှင့်အတူ​ရှိ​တော်မူ​ကြောင်း​ကို ငါ​တို့​အမှန်​သိမြင်​သည်​ဖြစ်၍ ငါ​တို့​တစ်ဖွဲ့​နှင့်​တစ်ဖွဲ့ ကျိန်ဆို​ခြင်း​ပြု​ကြ​စို့​၊ ပဋိညာဉ်​ဖွဲ့​ကြ​စို့​ဟု ငါ​တို့​တောင်းဆို​၏​။

ကမ္ဘာ​ဦး 31:44

ယခု လာ​လော့​။ သင်​နှင့်​ငါ​ပဋိညာဉ်​ဖွဲ့​ကြ​စို့​။ ၎င်း​သည် သင်​နှင့်​ငါ​ကြား​၌ သက်သေ​ဖြစ်​ပါစေ​”​ဟု ယာကုပ်​အား ဆို​၏​။

ကမ္ဘာ​ဦး 31:53

အာဗြဟံ​၏​ဘုရား​၊ နာခေါ်​၏​ဘုရား​၊ သူ​တို့​ဖခင်​၏​ဘုရား​သည် ငါ​တို့​ကြား​၌ တရားစီရင်​တော်မူ​ပါစေသော​”​ဟု ဆို​၏​။ ယာကုပ်​သည်​လည်း မိမိ​ဖခင်​ဣဇက်​ကြောက်ရွံ့​သော​ဘုရား​ကို​တိုင်တည်​၍ ကျိန်ဆို​လေ​၏​။

ကမ္ဘာ​ဦး 39:3

ထာဝရဘုရား​သည် သူ​နှင့်အတူ​ရှိ​တော်မူ​ကြောင်း​ကို​လည်းကောင်း​၊ သူ​ပြု​လေရာရာ​၌ ထာဝရဘုရား​အောင်မြင်​စေ​တော်မူ​ကြောင်း​ကို​လည်းကောင်း သူ​၏​သခင်​သည် သိမြင်​လေ​၏​။

ကမ္ဘာ​ဦး 47:31

အစ္စရေး​က “​ငါ့​အား ကျိန်ဆို​ပါ​လော့​”​ဟု ဆို​လျှင် ယောသပ်​သည် သူ့​အား​ကျိန်ဆို​လေ​၏​။ ထို့နောက် အစ္စရေး​သည် ခုတင်​ခေါင်းရင်း​၌ ပျပ်ဝပ်​လေ​၏​။

ယေ​ရ​မိ 4:2

‘ထာဝရဘုရား​အသက်ရှင်​တော်မူ​သည်’​ဟု သစ္စာရှိ​စွာ​၊ တရားမျှတ​စွာ​၊ ဖြောင့်မတ်​စွာ သင်​ကျိန်ဆို​လျှင် လူမျိုးတကာ​တို့​သည် ထာဝရဘုရား​ထံ​တော်​မှ ကောင်းချီးမင်္ဂလာ​ခံစား​ရ​မည်​။ ကိုယ်တော်​ကို ချီးမွမ်း​ကြ​လိမ့်မည်​”​ဟု မိန့်​တော်မူ​၏​။

၂ ကော 1:23

ငါ​သည် ငါ့​အသက်​ဖြင့်​အာမခံ​၍ ဘုရားသခင်​ကို​သက်သေ​အဖြစ်​ထား​လျက်​ဆို​သည်​ကား ကောရိန္သု​မြို့​သို့ ငါ​မ​လာ​သေး​ဘဲ​နေ​ခြင်း​သည် သင်​တို့​ကို​ညှာတာ​၍​သာ​ဖြစ်​၏။

တ​ရား​ဟော 6:13

သင်​တို့​၏​ဘုရားသခင်​ထာဝရဘုရား​ကို ကြောက်ရွံ့​ရ​မည်​။ ထို​အရှင်​ကို​သာ ဝတ်ပြု​ရ​မည်​။ ထို​အရှင်​၏​နာမ​တော်​ကို တိုင်တည်​၍​ကျိန်ဆို​ရ​မည်​။

ဟေ​ဗြဲ 6:16

လူ​တို့​သည် မိမိ​တို့​ထက် ကြီးမြတ်​သော​သူ​ကို တိုင်တည်​ပြောဆို​ကြ​ပြီး ထိုသို့​အတည်ပြု​ပြောဆို​သော​ကတိ​သစ္စာ​သည် အငြင်းပွား​မှု​အားလုံး​ကို ရပ်စဲ​စေ​တတ်​၏။

ယော​ရှု 2:12

ကျွန်မ​သည် သင်​တို့​အပေါ် မေတ္တာ​ထား​သကဲ့သို့ သင်​တို့​သည်​လည်း ကျွန်မ​၏​ဆွေမျိုးသားချင်း​အပေါ် မေတ္တာ​ထား​ပါ​မည်​ဟု ထာဝရဘုရား​ကို​တိုင်တည်​၍ ကျွန်မ​အား ယခု​ကျိန်ဆို​ပါ​လော့​။ စိတ်ချ​ရ​သော​အမှတ်အသား​တစ်​ခု​ကို​လည်း ပေး​ခဲ့​ပါ​။

၁ ရာ 20:13

ငါ့​ခမည်းတော်​က သင့်​ကို​မကောင်းကြံ​လျှင်​လည်း သင်​သည် ဘေးကင်း​စွာ ထွက်သွား​နိုင်​ရန် သင့်​ကို ပြောကြား​ပေး​မည်​။ ထိုသို့​ငါ​မ​ပြု​လျှင် ထာဝရဘုရား​သည် ငါ​ယောနသန်​ကို ထိုထက်မက​ပြု​တော်မူ​ပါစေသော​။ ထာဝရဘုရား​သည် ငါ့​ခမည်းတော်​နှင့်အတူ​ရှိ​တော်မူ​သကဲ့သို့ သင်​နှင့်​လည်း အတူ​ရှိ​တော်မူ​ပါစေသော​။

၁ ရာ 20:17

ယောနသန်​သည် ဒါဝိဒ်​ကို မိမိ​ကိုယ်နှင့်အမျှ​ချစ်​သောကြောင့် ဒါဝိဒ်​ကို ချစ်​သော​စိတ်​ဖြင့် ထပ်မံ​ကျိန်ဆို​၏​။

၁ ရာ 20:42

ထို့နောက် ယောနသန်​က ဒါဝိဒ်​အား “​အေးအေးဆေးဆေး​သွား​ပါ​တော့​။ ‘ထာဝရဘုရား​သည် ငါ​နှင့်​သင့်​ကြား​၊ ငါ့​သားစဉ်မြေးဆက်​နှင့် သင့်​သားစဉ်မြေးဆက်​တို့​ကြားတွင် သက်သေ​အစဉ်​ဖြစ်​ပါစေ’​ဟူ၍ ထို​ထာဝရဘုရား​၏​နာမ​တော်​၌ ငါ​တို့​နှစ်​ယောက် ကျိန်ဆို​ထား​ပြီ​”​ဟု ဆို​၏​။ ထို့နောက် ဒါဝိဒ်​ထွက်သွား​၍ ယောနသန်​လည်း မြို့​ထဲသို့ ပြန်သွား​လေ​၏​။

၁ ရာ 30:15

ဒါဝိဒ်​က သူ့​အား “​ထို​ဓားပြ​တို့​ရှိ​ရာ​သို့ ငါ့​ကို​လိုက်ပို့​နိုင်​သလော​”​ဟု ဆို​လျှင် သူ​က “​အကျွန်ုပ်​ကို မ​သတ်​၊ အကျွန်ုပ်​သခင့်​လက်​သို့​လည်း ပြန်​မ​အပ်​ပါ​ဟု ဘုရားသခင်​ထံ​ကျိန်ဆို​မည်​ဆို​လျှင် ထို​ဓားပြ​တို့​ရှိ​ရာ​သို့ လိုက်ပို့​ပါ​မည်​”​ဟု ဆို​ပြီး