ကမ္ဘာ​ဦး 17:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ငါ​သည် သင့်​ကို အလွန့်အလွန်​ပွားများ​စေ​မည်​။ သင့်​ကို လူမျိုး​အများ​ဖြစ်​စေ​မည်​။ သင့်​ထဲမှ ရှင်ဘုရင်​များ​ပေါ်ပေါက်​လာ​ကြ​လိမ့်မည်​။

Common Language Bible

⁶ ငါ​သည်​သင်​၏​အ​မျိုး​အ​နွယ်​ကို​များ​ပြား​စေ မည်။ သင်​၏​အ​မျိုး​အ​နွယ်​ထဲ​မှ​မင်း​များ​ပေါ် ထွန်း​စေ​မည်။ သင်​၏​အ​ဆက်​အ​နွယ်​တို့​သည် အ​လွန်​များ​ပြား​ကြ​သ​ဖြင့်​လူ​အ​မျိုး​မျိုး ဖြစ်​ပွား​လာ​မည်။

Garrad Bible

⁶ ငါ သည် သင့် ကို အ လွန် ပွား များ စေ ၍ သင့် အား ဖြင့် လူ မျိုး များ ကို ဖြစ် စေ မည်။ သင် မှ မင်း များ တို့ ဆင်း သက် ကြ လိမ့် မည်။

Judson Bible

⁶ ငါ​သည် သင့်​ကို​အ​လွန်​ပွား​များ​စေ​မည်။ သင်​အား​ဖြင့် လူ​အ​မျိုး​မျိုး​တို့​ကို ဖြစ်​စေ​မည်။ သင်၏​အ​မျိုး​အ​နွယ်၌​လည်း ရှင်​ဘု​ရင်​ဖြစ်​ရ​ကြ​လိမ့်​မည်။

ကမ္ဘာ​ဦး 17:6 Referencias Cruzadas

ကမ္ဘာ​ဦး 13:16

ငါ​သည် သင်​၏​သားစဉ်မြေးဆက်​ကို မြေမှုန့်​ကဲ့သို့​များပြား​စေ​မည်​။ သို့ဖြစ်၍ တစ်စုံတစ်ယောက်​သည် မြေမှုန့်​ကို​ရေတွက်​နိုင်​လျှင် သင်​၏​သားစဉ်မြေးဆက်​ကို​လည်း ရေတွက်​နိုင်​လိမ့်မည်​။

ကမ္ဘာ​ဦး 17:16

ငါ​သည် သူ့​ကို​ကောင်းချီးပေး​မည်​။ ထိုမျှမက သူ့​အားဖြင့် သင့်​အား သား​ကို​ပေး​မည်​။ ငါ​သည် သူ့​ကို​ကောင်းချီးပေး​သဖြင့် သူ​သည် လူမျိုး​များ​၏​မိခင်​ဖြစ်လာ​မည်​။ သူ့​အားဖြင့် လူမျိုး​တကာ​တို့​၏​ရှင်ဘုရင်​များ​ပေါ်ထွန်း​လာ​ကြ​လိမ့်မည်​”​ဟု မိန့်​တော်မူ​၏​။

ကမ္ဘာ​ဦး 17:20

ဣရှမေလ​အတွက် သင်​လျှောက်​သော​အရာ​ကို​လည်း ငါ​ကြား​ရ​ပြီ​။ ကြည့်ရှု​လော့​။ ငါ​သည် သူ့​ကို​ကောင်းချီးပေး​မည်​။ သူ့​ကို​ပွားများ​စေ​၍ အလွန့်အလွန်​တိုးပွား​စေ​မည်​။ သူ​သည် ခေါင်းဆောင်​တစ်ဆယ့်​နှစ်​ပါး​တို့​၏​ဖခင် ဖြစ်လာ​လိမ့်မည်​။ ငါ​သည် သူ့​ကို​ကြီးမြတ်​သော​လူမျိုး​ဖြစ်​စေ​မည်​။

ကမ္ဘာ​ဦး 17:4

“​ကြည့်ရှု​လော့​။ ငါ​သည် ငါ​၏​ပဋိညာဉ်​ကို သင်​နှင့်အတူ​ရှိ​စေ​မည်​။ သင်​သည် များစွာ​သော​လူမျိုး​တို့​၏​ဖခင်​ဖြစ်​မည်​။

ကမ္ဘာ​ဦး 26:22

ထို့ကြောင့် သူ​သည် ထို​အရပ်​မှ​ရွှေ့ပြောင်း​၍ အခြား​သော​ရေတွင်း​ကို​တူး​၏​။ ထို​ရေတွင်း​အတွက်ကြောင့် ရန်​မ​တွေ့​ကြ​တော့​သဖြင့် သူ​က “​အကယ်စင်စစ် ထာဝရဘုရား​သည် ငါ​တို့​နေရာ​ကို ယခု​ကျယ်ဝန်း​စေ​တော်မူ​သည်​ဖြစ်၍ ငါ​တို့​သည် ဤ​ပြည်​၌​ပွားများ​ကြ​လိမ့်မည်​”​ဟု ဆို​လျက် ထို​ရေတွင်း​၏​အမည်​ကို ရဟောဘုတ် ဟု​ခေါ်​၏​။

ကမ္ဘာ​ဦး 28:3

သင်​သည် လူမျိုးကြီး​ဖြစ်လာ​သည့်​တိုင်အောင် အနန္တတန်ခိုးရှင်​ဘုရားသခင်​သည် သင့်​ကို​ကောင်းချီးပေး​၍ သင့်​ကို တိုးပွား​များပြား​စေ​တော်မူ​ပါစေသော​။

ကမ္ဘာ​ဦး 35:11

တစ်ဖန် ဘုရားသခင်​က “​ငါ​သည် အနန္တတန်ခိုးရှင်​ဘုရားသခင်​ဖြစ်​၏​။ တိုးပွား​များပြား​လော့​။ သင့်​ထံမှ လူမျိုး​တစ်​မျိုး​သာမက လူမျိုးပေါင်း​များစွာ ဆင်းသက်​လာ​ကြ​လိမ့်မည်​။ သင်​၏​အမျိုးအနွယ်​ထဲမှ ရှင်ဘုရင်​များ​လည်း ပေါ်ထွန်း​လိမ့်မည်​။

ကမ္ဘာ​ဦး 41:52

တစ်ဖန် ယောသပ်​က “​ဘုရားသခင်​သည် ငါ​ဖိစီးနှိပ်စက်​ခံရ​သည့်​ပြည်​၌ ငါ့​ကို​ပွားများ​စေ​တော်မူ​ပြီ​”​ဟု ဆို​လျက် ဒုတိယ​သား​၏​အမည်​ကို ဧဖရိမ် ဟု​မှည့်ခေါ်​လေ​၏​။

ကမ္ဘာ​ဦး 47:27

အစ္စရေး​လူမျိုး​တို့​သည် အီဂျစ်​ပြည်​၊ ဂေါရှင်​အရပ်​၌ နေထိုင်​လေ​၏​။ ထို​ပြည်​၌ သူ​တို့​သည် ကြီးပွားချမ်းသာ​၍ အလွန်​တိုးပွား​များပြား​လာ​ကြ​၏​။

ကမ္ဘာ​ဦး 48:3

ထို့နောက် ယာကုပ်​က ယောသပ်​အား “​အနန္တတန်ခိုးရှင်​ဘုရားသခင်​သည် ခါနာန်​ပြည်​၊ လုဇ​မြို့​၌ ငါ့​အား ကိုယ်ထင်ရှားပြ​တော်မူ​၍ ငါ့​ကို​ကောင်းချီးပေး​လျက်

ကမ္ဘာ​ဦး 48:4

‘​ငါ​သည် သင့်​ကို တိုးပွား​များပြား​စေ​၍ လူမျိုးကြီး​ဖြစ်​စေ​မည်​။ ဤ​ပြည်​ကို နောင်လာမည့်​သင်​၏​သားစဉ်မြေးဆက်​အား အစဉ်အမြဲ​ပိုင်ဆိုင်​ရာ​အဖြစ် ငါ​ပေး​မည်​’​ဟု ငါ့​အား​မိန့်​တော်မူ​ခဲ့​၏​။

ဧ​ဇ​ရ 4:20

ဂျေရုဆလင်​မြို့​ကို​အစိုးရ​သော တန်ခိုးကြီး​ဘုရင်​တို့​သည် ယူဖရေးတီး​မြစ်​အနောက်ဘက်ကမ်း တစ်လျှောက်လုံး​ကို​ပါ အုပ်ချုပ်​ရ​ပြီး သူ​တို့​အား အခွန်​အကောက်​၊ ဆက်ကြေး​တို့​ကို ဆက်သ​ရ​သည်​ကို​လည်း သိ​ရ​၏​။

ဝတ်​ပြု 26:9

ငါ​သည် သင်​တို့​ကို ကြည့်ရှု​မည်​။ သင်​တို့​ကို တိုးပွား​များပြား​စေ​မည်​။ သင်​တို့​နှင့်​ဖွဲ့​ခဲ့​သော​ငါ​၏​ပဋိညာဉ်​ကို ငါ​တည်​စေ​မည်​။