ကမ္ဘာ​ဦး 16:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ သို့ဖြစ်၍ စာရဲ​က အာဗြံ​အား “​အကျွန်ုပ်​ခံရ​သော​မထီလေးစားပြု​ခြင်း​အမှု​သည် သခင့်​အပေါ်​ကျရောက်​ပါစေ​။ အကျွန်ုပ်​၏​ကျွန်မ​ကို သခင့်​ရင်ခွင်​၌ အကျွန်ုပ်​ပေးအပ်​ခဲ့​ပါ​သည်​။ သို့သော် သူ​သည် မိမိ​ကိုယ်ဝန်​ရှိ​နေ​ကြောင်း​သိ​သောအခါ အကျွန်ုပ်​ကို​မထီလေးစားပြု​ပါ​သည်​။ ထာဝရဘုရား​သည် အကျွန်ုပ်​နှင့်​သခင့်​ကြား​တွင် တရားသဖြင့်စီရင်​ပေး​တော်မူ​ပါစေသော​”​ဟု ဆို​လေ​၏​။

Common Language Bible

⁵ ထို​အ​ခါ​စာ​ရဲ​က​အာ​ဗြံ​အား``ကိုယ်​တော်​ကြောင့် ဟာ​ဂ​ရ​သည် ကျွန်​မ​အား​မ​ထီ​လေး​စား​ပြု​ပါ ပြီ။ ကျွန်​မ​က​သူ့​ကို​ကိုယ်​တော်​ထံ​အပ်​၍ သူ​၌ ပ​ဋိ​သန္ဓေ​စွဲ​ကြောင်း​သိ​သည်​နှင့် ကျွန်​မ​အား မ​ထီ​လေး​စား​ပြု​လာ​ပါ​သည်။ ကိုယ်​တော်​နှင့် ကျွန်​မ​တို့​နှစ်​ဦး​အ​တွက် တ​ရား​သ​ဖြင့်​ဖြစ် စေ​ရန်​ထာ​ဝ​ရ​ဘု​ရား​စီ​ရင်​တော်​မူ​ပါ​စေ'' ဟု​ဆို​၏။

Garrad Bible

⁵ ကျွန် မိန်း မ ကို အ မောင့် ရင် ခွင် ရောက် အပ် နှင်း သည့် အ လျောက် သ န္ဓေ စွဲ ကြောင်း သူ သိ သော် ကျွန် မ ကို အ ထင် အ မြင် သေး ပါ သည် တ ကား။ ကျွန် မ နှင့် အ မောင်၊ နှစ် ယောက် တို့ စပ် ကြား ထာ၀ ရ ဘု ရား တ ရား စီ ရင် တော် မူ ပါ စေ သော ဟု အာ ဗြံ အား ဆို ရာ၊

Judson Bible

⁵ စာ​ရဲ​က​လည်း အ​ကျွန်ုပ်​ခံ​ရ​သော​အ​ပြစ်​သည် ကိုယ်​တော်​ခေါင်း​ပေါ်၌ တည်​ရှိ​ပါ​စေ။ အ​ကျွန်ုပ်၏​ကျွန်​မ​ကို ကိုယ်​တော်​ရင်​ခွင်၌ အ​ကျွန်ုပ်​အပ်​နှင်း​ပါ​ပြီ။ သူ​သည် ကိုယ်၌​ပ​ဋိ​သ​န္ဓေ​စွဲ​နေ​ကြောင်း​ကို​သိ​လျှင်၊ အ​ကျွန်ုပ်​ကို မ​ထီ​မဲ့​မြင်​ပြု​ပါ​သည်​တ​ကား။ ထာ​ဝ​ရ​ဘု​ရား​သည် အ​ကျွန်ုပ်​နှင့် ကိုယ်​တော်​အ​မှု​ကို စီ​ရင်​တော်​မူ​ပါ​စေ​သော​ဟု၊ အာ​ဗြံ​အား​ဆို​လေ၏။

ကမ္ဘာ​ဦး 16:5 Referencias Cruzadas

ကမ္ဘာ​ဦး 16:4

အာဗြံ​သည်​လည်း ဟာဂရ​ထံသို့​ဝင်​သဖြင့် ဟာဂရ​သည် ကိုယ်ဝန်ဆောင်​လေ​၏​။ ဟာဂရ​သည် မိမိ​ကိုယ်ဝန်​ရှိ​နေ​ကြောင်း​သိ​သောအခါ မိမိ​သခင်မ​ကို မထီလေးစားပြု​လေ​၏​။

ကမ္ဘာ​ဦး 31:53

အာဗြဟံ​၏​ဘုရား​၊ နာခေါ်​၏​ဘုရား​၊ သူ​တို့​ဖခင်​၏​ဘုရား​သည် ငါ​တို့​ကြား​၌ တရားစီရင်​တော်မူ​ပါစေသော​”​ဟု ဆို​၏​။ ယာကုပ်​သည်​လည်း မိမိ​ဖခင်​ဣဇက်​ကြောက်ရွံ့​သော​ဘုရား​ကို​တိုင်တည်​၍ ကျိန်ဆို​လေ​၏​။

၂ ရာ​ချုပ် 24:22

ယောရှ​မင်းကြီး​သည် ဇာခရိ​၏​ဖခင်​ယောယဒ​ပြ​ခဲ့​သော​မေတ္တာကရုဏာ​ကို​ပင် မ​အောက်မေ့​ဘဲ သား​ဖြစ်​သူ​ကို​သတ်​လေ​၏​။ ဇာခရိ​သည် သေ​လုဆဲဆဲ​တွင် “​ထာဝရဘုရား​သည် ဤ​အမှု​ကို မြင်​၍​စီရင်​တော်မူ​ပါစေ​”​ဟု ဆို​၏​။

ဆာ​လံ 35:23

အကျွန်ုပ်​၏​ဘုရားသခင်​၊ အကျွန်ုပ်​၏​အရှင်​၊ တရားမျှတမှု​ကို​အကျွန်ုပ်​ရရှိ​ရန်​နှင့် အကျွန်ုပ်​၏​အမှုကိစ္စ​အတွက် နိုးကြွ​၍​ထ​တော်မူ​ပါ​။

ဆာ​လံ 43:1

အို ဘုရားသခင်​၊ အကျွန်ုပ်​၌ အပြစ်​မ​ရှိ​ကြောင်း​စီရင်​တော်မူ​ပါ​။ ဘုရားတရားမဲ့​သော​လူမျိုး​ကို​ဆန့်ကျင်​လျက် အကျွန်ုပ်​၏​အမှုကိစ္စ​ကို ရင်ဆိုင်ဖြေရှင်း​ပေး​တော်မူ​ပါ​။ လိမ်လည်လှည့်ဖြား​၍ မတရားမှု​ပြု​သော​သူ​၏​လက်​မှ အကျွန်ုပ်​ကို​လွတ်မြောက်​စေ​တော်မူ​ပါ​။

ဆာ​လံ 7:8

ထာဝရဘုရား​သည် လူမျိုးတကာ​တို့​ကို စစ်ကြောစီရင်​တော်မူ​၏​။ အို ထာဝရဘုရား​၊ အကျွန်ုပ်​၏​ဖြောင့်မတ်​ခြင်း​၊ အကျွန်ုပ်​၏​တည်ကြည်​ခြင်း​နှင့်အညီ အကျွန်ုပ်​၌​အပြစ်​မ​ရှိ​ကြောင်း စီရင်​တော်မူ​ပါ​။

ထွက်​မြောက် 5:21

“​သင်​တို့​သည် ဖာရော​မင်းကြီး​နှင့်​သူ​၏​အမှုထမ်း​တို့​ရှေ့​တွင် ငါ​တို့​ကို စက်ဆုပ်ရွံရှာဖွယ်​အပုပ်ကောင်​ဖြစ်​စေ​ပြီး ငါ​တို့​ကို​သတ်​ရန် သူ​တို့​လက်​ထဲသို့ ဓား​ထည့်ပေး​သောကြောင့် ထာဝရဘုရား​သည် သင်​တို့​ကို​ကြည့်​၍ တရားစီရင်​တော်မူ​ပါစေသော​”​ဟု သူ​တို့​အား ဆို​၏​။

ယေ​ရ​မိ 51:35

ငါ့​ကိုယ်​၊ ငါ့​အသား ခံရ​သော​ရက်စက်ကြမ်းကြုတ်မှု​သည် ဘေဘီလုံ​ပြည်​အပေါ် ကျရောက်​ပါစေ​”​ဟု ဇိအုန်​မြို့သား​တို့ ဆို​လိမ့်မည်​။ “​ငါ​တို့​သွန်း​ခဲ့​ရ​သော​သွေး​သည် ခါလဒဲ​ပြည်သား​တို့​အပေါ် ကျရောက်​ပါစေ​”​ဟု ဂျေရုဆလင်​မြို့သား​တို့ ဆို​လိမ့်မည်​။

သူ​ကြီး 11:27

အကျွန်ုပ်​သည် သင့်​ကို အမှားပြု​မိ​သည်​မ​ဟုတ်​။ သင်​က​သာ အကျွန်ုပ်​ကို တိုက်ခိုက်​ပြီး​အမှား​လုပ်​မိ​ပြီ​။ ယနေ့ တရားသူကြီး​ထာဝရဘုရား​ကသာ အစ္စရေး​အမျိုးသား​နှင့် အမ္မုန်​အမျိုးသား​တို့​ကြား တရားစီရင်​ပါစေ​’​ဟူ၍ မှာကြား​လိုက်​သည်​”​ဟု ဆို​လေ​၏​။

၁ ရာ 24:16

ဒါဝိဒ်​သည် ရှောလု​မင်းကြီး​အား ထို​စကား​အလုံးစုံ​ကို ပြော​ပြီး​သောအခါ ရှောလု​မင်းကြီး​က “​ငါ့​သား​ဒါဝိဒ်​၊ ဤ​အသံ​ကား သင့်​အသံ​လော​”​ဟု ဆို​ပြီးလျှင် ရှောလု​မင်းကြီး​သည် အော်ဟစ်​ငိုကြွေး​လေ​၏​။