ကမ္ဘာ​ဦး 14:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ထို့နောက် သူ​တို့​သည် ပြန်လှည့်​လာ​၍ ကာဒေရှ​တည်းဟူသော အင်မိရှပတ်​အရပ်​သို့​ရောက်လာ​ကြ​ပြီးလျှင် အာမလက်​လူမျိုး​၏​နယ်မြေ​တစ်ခုလုံး​နှင့် ဟာဇဇုန္တာမာ​မြို့​၌​နေထိုင်​သော​အာမောရိ​လူမျိုး​ကို တိုက်ခိုက်​ကြ​၏​။

Common Language Bible

⁷ ထို​နောက်​အ​ပြန်​ခ​ရီး​တွင်​ကာ​ဒေ​ရှ​မြို့(ထို​စဉ်​က အင်​မိ​ရှ​ပတ်​ဟု​တွင်​သည်) သို့​ရောက်​ပြီး​လျှင် အာ​မ​လက်​ပြည်​တစ်​ခု​လုံး​နှင့်​ဟာ​ဇ​ဇုန္တာ​မာ မြို့​၌​နေ​ထိုင်​ကြ​သော အာ​မော​ရိ​အ​မျိုး​သား တို့​ကို​တိုက်​ခိုက်​အောင်​မြင်​လေ​သည်။

Garrad Bible

⁷ ထို နောက် လှည့် ချီ၍၊ ကာ ဒေ ရှ၊ တစ် နည်း အင် မိ ရှ ပတ် မြို့ သို့ ရောက် ပြီး လျှင်၊ အာ မ လက် လူ တစ် ပြည် လုံး တို့ ကို လည်း ကောင်း၊ ဟာ ဇ ဇု န္တ မာ မြို့ နေ အာ မော ရိ လူ မျိုး ကို လည်း ကောင်း လုပ် ကြံ ကြ ၏။

Judson Bible

⁷ တစ်​ဖန်​ပြန်​လာ၍၊ ကာ​ဒေ​ရှ​ပြည်၊ အင်​မိ​ရှ​ပတ်​မြို့​သို့​ရောက်​ပြီး​လျှင်၊ အာ​မ​လက်​ပြည်​ရှိ​သ​မျှ​ကို​လည်း​ကောင်း၊ ဟာ​ဇ​ဇု​န္တ​မာ​မြို့၌​နေ​သော အာ​မော​ရိ​လူ​များ​ကို​လည်း​ကောင်း လုပ်​ကြံ​ကြ​၏။

ကမ္ဘာ​ဦး 14:7 Referencias Cruzadas

ကမ္ဘာ​ဦး 16:14

ထို့ကြောင့် ထို​ရေတွင်း​ကို ဗေရလဟဲရော ဟု​ခေါ်​၏​။ ၎င်း​သည် ကာဒေရှ​အရပ်​နှင့် ဗေရက်​အရပ်​ကြား​၌​ရှိ​၏​။

ကမ္ဘာ​ဦး 20:1

အာဗြဟံ​သည် ထို​အရပ်​မှ နေဂေ့​အရပ်​သို့​ရွှေ့ပြောင်း​၍ ကာဒေရှ​အရပ်​နှင့်​ရှုရ​အရပ်​ကြား​၌ နေထိုင်​လေ​၏​။ ဂေရာ​မြို့​၌​တည်းခိုနေထိုင်​စဉ်

ကမ္ဘာ​ဦး 36:12

ဧသော​၏​သား ဧလိဖတ်​၏​မယားငယ်​တိမန​သည်​လည်း ဧလိဖတ်​အတွက် အာမလက်​ကို​မွေးဖွား​၏​။ ဤ​သူ​တို့​ကား ဧသော​၏​မယား အာဒ​၏​သားမြေး​များ​ဖြစ်​ကြ​၏​။

ကမ္ဘာ​ဦး 36:16

သူကြီး​ကောရ​၊ သူကြီး​ဂါတံ​၊ သူကြီး​အာမလက်​တို့​ဖြစ်​ကြ​၏​။ ဤ​သူ​တို့​ကား ဧဒုံ​ပြည်​၌ ဧလိဖတ်​မှ​ဆင်းသက်​လာ​သော အမျိုးအနွယ်​သူကြီး​များ​၊ အာဒ​၏​သားမြေး​များ ဖြစ်​ကြ​၏​။

၂ ရာ​ချုပ် 20:2

လူ​တို့​သည်​လာ​၍ ယောရှဖတ်​မင်းကြီး​အား “​ပင်လယ်​တစ်ဖက်ကမ်း ဆီးရီးယား​ပြည်​မှ စစ်တပ်ကြီး​ချီလာ​ပြီး အင်္ဂေဒိ ခေါ် ဟာဇဇုန္တာမာ​မြို့​တွင် တပ်ချ​နေ​ပါ​သည်​”​ဟူသော​သတင်း​ကို ကြားပြော​လျှင်

ယေ​ဇ​ကျေ​လ 47:10

အင်္ဂေဒိ​မှ ဧနေဂလိ​အရပ်​တိုင်အောင် ကမ်းစပ်​တစ်လျှောက်​သည် တံငါသည်​တို့​ကျင်လည်​ရာ​၊ သူ​တို့​၏​ပိုက်ကွန်​များ​ဖြန့်​ရာ​အရပ် ဖြစ်​လိမ့်မည်​။ မြေထဲပင်လယ်​ရှိ​ငါး​များ​ကဲ့သို့ ထို​အရပ်​၌ ငါး​တို့​သည် အမျိုး​အလိုက် အလွန်​များပြား​ကြ​လိမ့်မည်​။

ယေ​ဇ​ကျေ​လ 48:28

ဂဒ်​တောင်ဘက်​နယ်နိမိတ်​နှင့်​ကပ်​လျက်​ရှိ​သော​နယ်နိမိတ်​မှာ တာမာ​မြို့​မှ ကာဒေရှ​အရပ်​ရှိ မေရိဘ​စမ်းရေ​နား​အထိ ထိုမှ အီဂျစ်​ချောင်း​အတိုင်း​ဆက်သွား​ကာ မြေထဲပင်လယ်​သို့ ရောက်သွား​သည်​အထိ​ဖြစ်​၏​။

တော​လည် 13:26

သူ​တို့​ပြန်လာ​ကြ​၍ ကာဒေရှ​အရပ်​၊ ပါရန်​တောကန္တာရ​ရှိ မောရှေ​၊ အာရုန်​နှင့် အစ္စရေး​အမျိုးသား​လူထု​အပေါင်း​တို့​ထံသို့ ရောက်​ကြ​သောအခါ မောရှေ​၊ အာရုန်​နှင့် လူထု​အပေါင်း​တို့​ထံ အစီရင်ခံ​၍ ထို​ပြည်​မှ​ယူလာ​သော​အသီး​ကို​ပြ​ကြ​၏​။

တော​လည် 14:43

အာမလက်​လူမျိုး​၊ ခါနာန်​လူမျိုး​တို့​သည် သင်​တို့​ထက်​အလျင် ထို​အရပ်​၌ ရှိ​နှင့်​သည်​ဖြစ်၍ သင်​တို့​သည် ဓား​ဖြင့် ကျဆုံး​ရ​လိမ့်မည်​။ သင်​တို့​သည် ထာဝရဘုရား​ထံ​မှ ပြန်လှည့်​သွား​ကြ​သည်​ဖြစ်၍ ထာဝရဘုရား​သည် သင်​တို့​နှင့်အတူ ရှိ​တော်မူ​မည်​မ​ဟုတ်​”​ဟု ဆို​၏​။

တော​လည် 14:45

ထိုအခါ တောင်ပေါ်ဒေသ​၌ နေထိုင်​နှင့်​သော​ခါနာန်​လူမျိုး​နှင့် အာမလက်​လူမျိုး​တို့​သည် ဆင်းလာ​၍ သူ​တို့​ကို တိုက်ခိုက်​ကြ​၏​။ ဟောမာ​အရပ်​တိုင်အောင် သူ​တို့​ကို လိုက်လံချေမှုန်း​ကြ​၏​။

တော​လည် 20:1

အစ္စရေး​အမျိုးသား​လူထု​အပေါင်း​တို့​သည် ပထမ​လ​၌ ဇိန​တောကန္တာရ​သို့​ရောက်လာ​၍ သူ​တို့​သည် ကာဒေရှ​အရပ်​၌ နေ​ကြ​၏​။ ထို​အရပ်​၌ မိရိအံ​သေ​၍ သူ့​ကို ထို​အရပ်​မှာ​ပင် သင်္ဂြိုဟ်​ကြ​၏​။

တော​လည် 24:20

တစ်ဖန် ဗာလမ်​သည် အာမလက်​လူမျိုး​ကို​ရှုမြင်​၍ ပရောဖက်​ပြု​သည်​မှာ “​အာမလက်​လူမျိုး​သည် လူမျိုး​တို့​၏​အထွတ်အထိပ်​ဖြစ်​သော်လည်း အဆုံး​၌ သူ​သည်​ပျက်စီး​လိမ့်မည်​”​ဟု ဆို​၏​။

တ​ရား​ဟော 1:19

ထိုမှ ငါ​တို့​သည် ငါ​တို့​၏​ဘုရားသခင်​ထာဝရဘုရား​မိန့်​တော်မူ​သည့်​အတိုင်း ဟောရပ်​တောင်​မှ ခရီးပြု​၍ အာမောရိ​တောင်ပေါ်ဒေသ​လမ်း​တစ်လျှောက်​ရှိ သင်​တို့​မြင်​ရ​သည့် ကြောက်မက်​ဖွယ်​တောကန္တာရ​ကြီး​ကို​ဖြတ်​ကာ ကာဒေရှဗာနာ​အရပ်​သို့ ရောက်​ကြ​၏​။

တ​ရား​ဟော 1:46

သို့ဖြစ်၍ သင်​တို့​သည် ကာဒေရှ​အရပ်​၌ ရက်​ပေါင်း​များစွာ​နေထိုင်​ခဲ့​ရ​၏​။

ယော​ရှု 15:62

နိဗရှန်​မြို့​၊ ဆား​မြို့​၊ အင်္ဂေဒိ​မြို့ စသည့်​မြို့​ခြောက်​မြို့​နှင့်​ရွာ​များ ပါ​၏​။