Romémbu rekwa du takwaka Pol hayindén nyinga 12:20 - Godna Hundi

²⁰ Ané hundi akwi Godna nyingambu dé re: Guna mama du hénooka hiyandat, guni dika hénoo hwetanguni. Di hulinguka hiyandat, guni dika hulingu hwetanguni. Guni wungi huruta guni ya maki joo deka anéngambambu takatanguni. Godna nyingambu wungi dé wa.

Romémbu rekwa du takwaka Pol hayindén nyinga 12:20 Referencias Cruzadas

Matyu 5:44

Wungi wandaka némbuli wuni guniré angi we. Guni guna mamaka némafwimbu mawuli yatanguni. Du nawulak guniré haraki saraki sémbut hurundat, guni Godré wakwexékétanguni, dé diré yikafre hurundéte.

Jisas Kraisna hundi Luk dé hayi 6:27

Wun hundi wataka dé Jisas diré angi wa, “Guni, wuna hundika xékékwa du takwa, guniré wuni we. Guni guna mama duka némafwimbu mawuli yatanguni. Gunika némafwimbu hélék yakwa du takwaré yikafre hurutanguni.

Romémbu rekwa du takwaka Pol hayindén nyinga 12:21

Du nawulak gunika haraki sémbut hurundat, guni di hurundanéngala yamba hasa hurukénguni. Wungi hurungut, deka haraki sémbut guna yikafre sémbutré sarékéngwandétandé. Guni yikafre sémbut male hurungut, guna yikafre sémbut deka haraki sémbutré sarékéngwandétandé. Deka haraki sémbutré sarékéngwandénjoka guni yikafre sémbut male hurutanguni.