Matyu 4:11 - Godna Hundi

¹¹ Wungi wandéka dé Satan déré yatakataka yi. Yindéka di ensel gaye Jisasré yikafre huru.

Matyu 4:11 Referencias Cruzadas

Matyu 26:53

Wuni mawuli yata wuna yafaré wawut dé bari wandét déka séfélak séfélak ensel yae wuniré yikafre hurutandi. Wun jooka méni xékélakihambaméni wana?

Matyu 4:6

Takataka dé déré wa, “Méni angi méni wa, ‘Wuni Godna nyan wuni.’ Wungi wata méni mé wuréféka naande yi. Wun jooka Godna nyingambu angi dé wa: ‘God déka enselré wandét di ménika jémba hatitandi. Hatindat méni deka tambambu reta ména man motumbu yamba xatukwekéméni.’ Méni wun hundi xékéta wuréféka naande ye jémba remét, atéfék du takwa xéta xékélakitandi. Méni Godna nyan méni.”

Jisas Kraisna hundi Mak dé 1:13

Haraki wasa male tékwa hafwaré. Ye xaakwa dé séfélak (40) nukwa wumbu hafu rendéka satan yae dé déka mawuli hurukwexé. Hurukwexéndéka di ensel gayae di Jisasré yikafre huru.

Jisas Kraisna hundi Luk dé hayi 22:43

[Wungi wandéka dé ensel nak Godna getéfambu gaye dé déré yikafre huru, dé hambuk yata jémba téndéte.

Jisas Kraisna hundi Luk dé hayi 22:53

Séfélak nukwa wuni tempelmbu guni wali rewuka guni wuniré hulukihambanguni. Wu yak, ané guna nukwa dé. Némbuli halékingambu guni hambuk hérae wungi huru.”

Jisas Kraisna hundi Luk dé hayi 4:13

Wungi wandéka dé Satan nak jémba yandéte Jisasré wahambandé. Wahafi yata déré yatakataka dé déré wambula hurukwexétendéka nukwaka dé haxé.

Jisas Kraiska Jon hayindén 14:30

“Gunika séfélak hundi yamba wakéwuni. Ané héfana néma du satan andé yae. Yae déka hambuk wuna hambukré yamba sarékéngwandékéndé.

1 Timoti 3:16

Nani atéfék nani xékélaki. God hanja fakutaka némbuli naniré wakwendén hundi wu némafwi hundi dé. Wun hundi Godna sémbutka angi dé wa: Dé duna séfi hura rendéka du takwa déré di xé. Dé yikafre sémbut hurukwa du rendéka Godna Hamwinya déka dé naniré wa. Godna ensel déré di xé. Déka du di atéfék getéfambu rekwa du takwaré hundi wa déka. Wandaka di déka jémba saréké. God déré hura warindéka dé nukwa hanyikwa maki dé hanyi. Wungi dé wa.

Hibru 1:14

Godna ensel angi di. Di hamwinya maki téta Godka di jémba ya. God du takwaré Satanéna tambambu héranjoka mawuli yata dé wandéka di déka ensel ye di hératendéka du takwaré yikafre huru.

Hibru 1:6

God déka maka dunya ané héfaré gayandéte mawuli yata dé déka wambula angi wa: “Godna ensel atéfék déka ximbu métaka harékénda.”