Jisas Kraisna hundi Luk dé hayi 1:48 - Godna Hundi

⁴⁸ Wuni néma takwa yingafwe. Wuni baka takwa déka jémba yakwa takwa wuni re. Rewuka dé God wunika dé saréké. Sarékéndéka hukémbu atéfék du takwa akwi watandi, ‘God Mariaré dé yikafre huru. Wu mwi hundi dé.’

Jisas Kraisna hundi Luk dé hayi 1:48 Referencias Cruzadas

Jisas Kraisna hundi Luk dé hayi 1:28

God wandéka Gebriel ye dé Mariaré wa, “Nyénawa. Néma Du God nyénika mawuli yata nyéni wali dé té.”

Jisas Kraisna hundi Luk dé hayi 1:42

Téndéka lé némafwimbu wa, “God nyéniré yikafre wundé hurundé. Wu mwi hundi dé. Nyéniré yikafre hurundén joo hési takwaré yikafre hurundén jooré dé sarékéngwandé. God nyéna biyambu rekwa nyanré akwi dé yikafre huru.

Jisas Kraisna hundi Luk dé hayi 1:45

Nyéni Néma Du Godna hundi jémba xékéta nyéni wa, ‘Wandén maki hurutandé. Wu mwi hundi dé.’ Wungi wataka nyéni yikafre mawuli yata jémba retanyéni.” Wungi lé Elisabet wa.

Jisas Kraisna hundi Luk dé hayi 1:49

Dé némafwi hambuk yakwa God dé. Dé wuniré némafwi joo dé huru. Déka xi yikafre male dé.

Jisas Kraisna hundi Luk dé hayi 11:27

Jisas wun hundi wata téndéka di séfélak du takwa dé wali téndaka lé takwa hési deka nyéndékmbu téta lé hambukmbu wata lé angi déré wa, “Hanja méniré hérae ménika munya hwelé takwaré dé God yikafre huru, lé yikafre mawuli yata jémba reléte.”