Hibru 1:6 - Godna Hundi

⁶ God déka maka dunya ané héfaré gayandéte mawuli yata dé déka wambula angi wa: “Godna ensel atéfék déka ximbu métaka harékénda.”

Hibru 1:6 Referencias Cruzadas

Matyu 24:14

Wuna du takwa atéfék getéfaré yita atéfék héfambu rekwa du takwaré wuna hundi angi watandi, ‘God néma du reta du takwaka jémba hatitandé.’ Wungi wandat hukémbu hukétéfi yatekwa nukwa yatandé.” Wungi dé Jisas wa.

Jisas Kraiska Jon hayindén 1:14

Hundi du xaakwa dé nana héfaré gaya. Gaye dé nani wali re. Reta naniré yikafre huruta dé mwi hundi male wa. Wandéka déré xéta nani wa, “God dé déré déka hambuk hwe. Hwetaka wandéka dé gaya. Dé hafu dé Godna nyan dé. Du nak dé hurundén maki yamba hurukéndé.” Wungi nani wa.

Jisas Kraiska Jon hayindén 1:18

Du nak Godré xéhafi yata déka jémba xékélakihambandé. Déka natafa male nyan Jisas dé wali re xétaka dé déka jémba xékélaki. Xékélake gaye dé naniré yikafre hundi wakwe, déka yafa Godka. Wakwendéka nani Godka jémba xékélaki.

Jisas Kraiska Jon hayindén 3:16

God ané héfambu rekwa du takwaka némafwimbu mawuli yata dé déka natafa male dunyaré wandéka dé gaya. God wungi dé wa, du takwa déka nyanka jémba sarékéta huli mawuli hérae dé wali jémba rendate, wungi re wungi re. Yamba hiyakéndi.

Romémbu rekwa du takwaka Pol hayindén nyinga 8:29

Hanja God wunde wasékendén du takwaka dé wa, “Hukémbu wunde du takwa di wuna du takwa retandi. Wuni wawut di wuna dunya maki retandi. Wuna dunya maka dunya rendét di déka bandingu retandi.”

Kolosi 1:15

Ané héfambu reta nani Godré xéhambame. Déka nyan dé God maki rendéka nani déré xéta nani Godka xékélaki. Maka du nyan rendaka maki, Godna nyan dé atéfék huratakandén jonduka néma du re.

Kolosi 1:18

Godna nyan Krais déka hundika xékékwa atéfék du takwaka dé néma du re. Wungi reta dé dé humbu maki rendéka di déka hundika xékékwa du takwa déka séfi maki di re. Hanja hiyandéka God wandéka dé wambula ramé. Raama dé wambula ramétekwa du takwana maka du xaku. Raméndéka hukémbu hiyandé du takwa déka hukémbu ramétandi. Dé hafu atéfék jonduka néma du renjoka dé wungi huru.

Hibru 1:5

Mé xéké. Méta enselka God dé angi wa? “Méni wuna nyan méni. Ané nukwa wuni ména yafa wuni xaku.” Yingafwe. Enselka wungi wahambandé. Wataka God dé wambula wa: “Wuni déka yafa retawuni. Dé wuna nyan retandé.” Wungi dé God déka nyanka dé wa.

Hibru 10:5

Wungi maki Jisas Krais ané héfaré gayata dé angi wa: “Di hamwi hénoo ménika hwendamboka hélék méni ye. Hélék yata méni wunika héfambu rekwa duna séfi méni hwe.

1 Pita 3:22

Jisas Krais Godna getéfaré wara dé déka yika tamba sakumbu re. Wumbu reta dé néma du dé re, Godna enselka akwi atéfék néma duka akwi. Néma Du reta atéfék néma duré dé sarékéngwandé.

1 Jon 4:9

God nanika némafwimbu mawuli yata dé déka mawulika naniré wakwenjoka dé angi huru. Dé déka natafa male nyanré wandéka dé ané héfaré gaya, nani démbu huli mawuli hérae jémba rembete, wungi re wungi re.