Aposel 14:18 - Godna Hundi

¹⁸ Wungi bér wa, du takwa bérka bulmakau bali xiyae hwendamboka. Wungi wata hambuk jémba yambéka di du takwa bérka hwehambandi.

Aposel 14:18 Referencias Cruzadas

Matyu 13:15

Wungi wataka God dé Aisaiaré wa: Wun du takwa wuna hundika xékélakinjoka hélék yandaka deka mawuli haraki dé té. Deka waan di géféti. Deka dama di hunyi. Deka dama hunyihafi yata di jémba xétandi. Deka waan géfétihafi yata di jémba xékétandi. Wungi xéta wungi xékéta di deka mawulimbu wuna hundi jémba xékélakitandi. Xékélakita di wunika wambula yatandi. Yandat diré huréhalékétawuni. Wungi Aisaia dé hayi, God nyingambu.”

Jisas Kraiska Jon hayindén 6:15

Wungi wandaka dé Jisas xékélaki. Di déré huluke takandat dé deka néma du rendéte di mawuli ya. Wungi xékélakita wun getéfambu néma du renjoka hélék ye dé dé hafu némburé wambula wari.

Aposel 14:17

Wungi wata dé guni déka yike yangute hélék dé ya. Hélék yata dé guni déka xékélakingute dé guniré yikafre huru. Huruta dé wa, wali giyandét hénoo jémba waréndéte. Waréndéka guni hérae sata guna biya sukwekéndéka guni mawuli sawuli ya.”

Aposel 14:19

Judana du nawulak di Antiokmbu Aikoniamémbu akwi di ya. Yae Pol bér Barnabaska haraki saraki hundi wandaka di wun getéfambu rekwa du takwa deka hundi di xéké. Xékéta di akwi Polna hundika hélék ya. Hélék yata di Polré motumbu naake xiya. Xiyataka di angi wa, “Dé bu hiya.” Wungi wata di déré témbéra getéfa yatakataka hura gwandi. Témbéra hura gwande di déré hafwambu takataka di getéfaré wambula wulayi.