Yoel 3:7 - ASII LAKDAP Bible (BSI)

⁷ Riita ümchaü sanha ngi raq tsangshiq ka namshiq raq ümriimung niiwa shaphaq lan, kra mung thun wa mirchom wanha. Namshiq raq tsangshiq ka jamkho tiichamchao lan, kiitinkhan hali ngi riimin namshiq ka mitiichamchao wanha.

Hawa Naga Bible 2001

⁷ Majuiuc nuimshiq rueq tsuingshiq shaung gay tuit htenc kvwawc ngaz rueq tvdung shvlx wvnc shaungx. Nuimshiq rueq tsuingshiq muex ruez kuq tuit rulc rv-ngvlc ngaz rueq muinz nuimshiq muex ruez kuq phaungx.

Yoel 3:7 Referencias Cruzadas

ESTHAR 7:10

Krai mren, tsangshiq raq Haman ka apaiq raq Mordekai tiishak paq ma nguta phaqsi khamchong ahai kiijaq tiishak paqbaiqto. Kiijiishetiq hokhamwe tsankhiq ka shiwanto.

ISAIA 11:12

Tati raq tanglap ashi ra na doraüta misham. Raüta miithii ma mishong. Arka apaiq raq maiqmung thun ma, Israil mungti nai Juda mungti ka, mangjong tlotli na, shedong shenyap kiimaq shekhu shemai mung na, anyin baiqrat kiiwa adam niishe triichom wan nong tiikang nguta tiichhike wan saqse.

ISAIA 49:12

Isenginok ka maiqmung ratsüko wa misaü wan, shekhu nü mung wa kiimaq shenyap nü mung wa, kiimaq shemai nü mung na Aswan chela wa.”

ISAIA 66:6

Taironglaq! Chela mong wa amok adung trang kongcha raitlaq kra. Shomjam na trang rai tlaq kra. Kriika Tatiwe raq ajaqtinok ma mo tiiho trang shea!

JEREMIA 23:8

Kra rii na, tsangshiq raq ngi ka atra Shiikeawe, tsangshiq Israilnok ka hiqkhu nü mung wa nai maiq mung ahin pahea na atiipinbaiqha wa triitam shea wantiwe ngutiishe mitiitum. Raütiishe tsangshiq ka tsangmung niishe mishong nga wan.”

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 30:16

Shatmaq ümchaü namngam phaqti thun ka tlotli she miphaqbaiq, kiimaq namshiq jaqtibi thun tlotli ka munglu shumwi ma mitsuq wan. Namshiq ka hok maq nishishi tseatatibi ka, maiq raq hok maq nishishi she mitsat wan, kiimaq namshiq tsiiq runtibi tsiiq kriishe mirun wan.

JEREMIA 31:8

Ngi raq tsangshiq ka sheqkhu nü mung wa mitsuq wanha, kiimaq tsangshiq ka ratho hiqrai rarai wa mitsuq wanha. Makchukti thun kiimaq akü ashii kong thun tsangshiq rai miwadam, wiise nyung kong kiimaq ase chiiho nam namti thun min miwadam. Tsangshiq ka mung jonghea pinthum she mijang wan.

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

EJEKIEL 36:24

Ngi raq namshiq ka maiq mungtek wa kiimaq maiqhiq tek wa mitsuq wanha. Lata nam mung na hali mitiijang shea wan nongha.

EJEKIEL 38:8

Rawii luhea sijai na Ngi raq apaiq ka maiq mung ashiti, tsangshiq ka maiq mung pahea na asiwa, adam na tsangmung niishe atiijang shea wan, raüta chiq are dong ma haisong ahü sitlaqti nok kra khatkikiq nguta, Ngi raq apaiq ma aming mikuqha. Apaiq raq Israil mung wa pum thun, rawii pahea hiqmiq changkhü ikha maiq asiti min ahü wa, shatmaq ümchaü ka mungmaiqse pahea she siwan nong raüta, maiq hiq tonglong li she kra hiq thun ka mikhat.

Yoel 3:4

“O Tajar mungti nai Sidon mungti lei, kiimaq Philistain mungti lei, namshiq raq ngi ma jamlai phan khü akha thamke wan chang ngtiiwa tankhan tlan? Namshiq raq kiikha tankhan tlan jiila, ngi riimin namshiq ma mithamkuq wan kang! Kherong laq ahea na!

JEKERIA 9:13

Ngi raq Juda mungti, srea nolawe liq miishe mitiijaha. Kiimaq Israil mungti, liqsin chü miishe mitiijaha. Ngi raq Jajon chelati, i nep jasai miishe mitiijaha. Lata Grik mungti mikhat wan ha.”

Matthew 7:2

Namshiq raq nanok ka jamkho shrongra wan tlan, kiikhiisii Shiikeawe raq namshiq min mishra wan. Namshiq raq nanok ka jamlai tri mo shin wan tlan, kra tri maq namshiq kiimin Shiikeawe raq mishin wan.

2 Thessalonians 1:6

Shiikeawe raq tri raü ka riikhaqli maq sham raüta kha mipho kuq. Apaiq raq ümchaü namshiq tiichamchaotibi ka mitiichamchao.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

Revelation 13:10

Juwa re raq lap chang, kriika kamto milap wan dongdii; juwa atseabaiq chang; kriiti ka nepja thaq maq tengteng mitsai dongdii. Arka Shiikeawe sengi raq, anin chang raüta kamtsantsii pharangrang maq si miitu tsii chongtlo.”

Revelation 16:6

Tsangshiq raq Shiikeawe sengi nai Shiikeawe shammibi tiijai raü baiqto. Krai mren she, ümchaü ümniiraq tsangshiq ma, tiijai hali she tiinyang tlaü kra, tsangshiq raq jamlai wa lap tlaq, kriika tsangshiq raq kha tangtaq kra tham she hophaq wan tlo!”

Revelation 19:2

Apaiq raq khapho tlaq ka tingting, kiimaq riikhaqli pho tlo! Apaiq raq mangjong maiqse sethoq ja ngarai maq tiisheshi wanti, mephe nyung kha ka photo she. Shiikeawe raq asengi thun tsea baiq wan kha na, mephe nyung ka tiidea baiqto she.”

PHOWEBI 1:7

Adonibejek raq nguto, “Hokham weroqmiishi tsang jaqshi shilawe thun kra nai tsangshiq hokshi shilawe thun kra ngi raq tapbaiq kang. Tsangshiq raq inüchho seaphan hiq na atrok ha kra riichom tsunsiq raüta sito. Ngi raq tsangshiq jamkho haihü kang kriishe Shiikeawe raq ngi ka haihiito.” Apaiq ka Jerusalem na shea wanto. Kiijaq apaiq ka tsaito.

1 SAMUEL 15:33

Kiijiishe Samuel raq nguto, “Ümnepja raq anyungre pahea sehü nyungre ma tiijabaiqto. Krai mren ümchaü sanha ümnyung kiimin sehü nyung miraq.” Raüta apaiq raq Agag ka kiijaq Gilgal chela na berong-wacha khaki na tiipantrok chumbaiqto.