Yoel 3:4 - ASII LAKDAP Bible (BSI)

⁴ “O Tajar mungti nai Sidon mungti lei, kiimaq Philistain mungti lei, namshiq raq ngi ma jamlai phan khü akha thamke wan chang ngtiiwa tankhan tlan? Namshiq raq kiikha tankhan tlan jiila, ngi riimin namshiq ma mithamkuq wan kang! Kherong laq ahea na!

Hawa Naga Bible 2001

⁴ “Tire, Sidon nuiyc Philistin hong htenc wawc miq htenc lex, nuimshiq rueq ngaz kuex yvmx khoc ruec lac dvnc vshuinx? Ngaz kuex nuimshiq rueq phvnx shishiz ningkhvnc nuex phuiuq lvmc roc haz? Kvkhoc ruec roc ngoz ruiux kuex, ngaz rueq nuimshiq muex htat murx tvyez phaungx!

Yoel 3:4 Referencias Cruzadas

2 KAÜWA WERAÜ 21:16

Khamjong chum kii wang na Sudan mungti wiijamti shongtlaq binjü na Philistainnok min wiijamti kiimaq Arabnok min wiijamti asi shongto. Tatiwe raq tsangshiq thun ka Jehoram rai riikhat kai miitu tsangshiq tsantsii na shuk shaqto.

ISAIA 14:29

Philistain mungti lei, namshiq tseachang chongwai ka angoq she riikito. Shatmaq namshiq chochi chang ka ahü. Paü kaü ashi kra tsaikai jai ka, kriithaq na bihea kaüshi hali dong wantlo. Raüta tiisong watlo. Paütai poshi kiiwiika wrakong prenkaü she tho nongtlo.

ISAIA 34:8

Ahata Tatiwe raq Jajon chela kra khup wongke wan akhing. Kiimaq Jajon chela phuk lamke akhing. Raüta Jajon jaqtinok kra mijiip baiq wan.

ISAIA 59:18

Apaiq raq ajaqtinok ka tsangshiq raq ümtinkhan wa shuttaq kra phan phan kappe maq shin raüta mitiichamchao. Maiq mung thun ratsüko na siti thun kriimin mitiichamchao.

JEREMIA 47:1

Ejip mung hokhamwe raq Gaja chela ka milong wan shaq na Tatiwe raq ngi ma Philistain mung miitu bom chongkuqto.

JEREMIA 47:4

Philistain mung tiithenbaiq akhing saüwato, Tajar chela nai Sidon chela wa khrum lap chang lam min chumbaiqto she. Ngi, Tatiwe raq Philistain mung ka mitiithen baiqha, Kret khamjong mung maq awati thun, thum thum mishthen baiqha.

JEREMIA 51:6

Bebilon mung wa namchiim jin jutlo ronglaq! Bebilon mungti ngarai tiikho na dealanta naq tsai rongkiq. Ngi raq ümchaü iphuk lam tiikang. Lata apaiq ngarai tok na shin lata tiicham chao tiikang.

Yoel 2:10

Tsangshiq longwan kiijiila hiq atiikhai banban. Ra dea min atiikhai banban lishe. Ra min kiikuq mak she. Jipi min likuq mak she, ranyaq tangtang lishe. Raiqsaiq dea min chhaikuq mak she.

Yoel 2:2

Kra khapho akhing ranaiq ka rathup ranyaq tangtang miraq. Rathaiq ranyaq ranaiq miraq. Ramak min tiichhi mak phum raq mipang ho. Kupchi thawa hiq nyaq tlii maq mipang wan. Raüta raham hiqham miwa wan. Ku akin thaq na phumthup shenyaq raq, pang wan tlaq ikha miraq. Ara thawa akhiika mannii min ahü riito. Jainiimin akhiika chhimai miraq.

Matthew 11:21

“O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

Matthew 11:22

Ngi raq chongtiikang arka tengteng. Phangthum Khapho Ranaiq na Shiikeawe raq namshiq nam ma Tajar nai Sidon chelati ma mangchan apa lin mitiichhi kuq!

Luke 10:13

“O Khorajin chelati le! Namshiq ma pinthum phiiptsi chang asi! O Bethsaida chelati le, namshiq ma pinthum phiiptsi chang asi! Ngi raq namshiq makki na, awang chang jaqsham ümtinkhan wa shamkuq kang thun kriika, Tajar chela nai Sidon chela na shamkuq wan kang ngu haü jiika, tsangshiq ka manniiphü, ngarai tiidii wan, makphai khüshang mihoq siq wan wa!

Luke 10:14

Shiikeawe raq Phangthum Khapho Ranaiq na, namshiq thaq na Tajar nai Sidon chelati ma mangchan ka apa lin mitiichhi kuq!

Luke 18:7

Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

Acts 9:4

Kiimaq apaiq ka kumrang raikhü wa, hiq na tiidearok dea wato. Kiimaq apaiq raq ra wa maiq bom ashi akha taito. “Saul, Saul! ümniiraq ngi ka jam khano tiichamchao tlaü?”

TRI CHONGKE 32:35

Tatiwe raq tsangshiq phuk milam, raüta tsangjaqti ma mo mitiiho; tsangshiq dea wan akhing jai na misaü; tsangshiq chongthum jawan ranaiq ajeli she.

2 Thessalonians 1:6

Shiikeawe raq tri raü ka riikhaqli maq sham raüta kha mipho kuq. Apaiq raq ümchaü namshiq tiichamchaotibi ka mitiichamchao.

PHOWEBI 11:12

Kra raütiishe, Jephtha raq Ammon mung hokhamwe ma kiimwebi tiiki raüta tsütsa ka akhiishe tiichonghoto, “Ümniika naishiq rai jamlai khano riitso tlaü? Ümniiraq imung ka jamlai nguto khattlaü?”