Yoel 3:12 - ASII LAKDAP Bible (BSI)

¹² “Riita, ümchaü san, maiqmung thun lei, namshiq ka tiije shat chang she dongdii. Lanta Khapho Chang Tan kiijaq thung tiije wanli ronglaq. Kiijaq, ngi Tatiwe ka ngalata, namshiq Israilnok mung tro na siti, maiqmung thun kha kra miphoha.

Hawa Naga Bible 2001

¹² “Miq phvnx htenc kuex Khac Phoc juing Warc tvnx nuex kay muex tvyoalc yoalx maq httax yaq. Kvruex yuq ngaz, Yehowa kuex tvroz wawc miqphvnx htenc lotlaz muex phoc tvkoc ngaungc taungx.

Yoel 3:12 Referencias Cruzadas

2 KAÜWA WERAÜ 20:26

Rablai ranaiq niishe tsangshiq ka Beraka Hiq thung tan na thungto. Raüta Tatiwe raq ümchuwa shamkuqtaq kra miitu apaiq ka tiitsamto. Kra ningkhan tiina kra Hiqthungtan ka “Beraka” nguta mangtaq.

Tvtsvmc 7:6

Tsankhiq lam maq tiido laq, O Tatiwe lei! Ijaqtinok tsankhiq walü nyaitlaq kra tolaq; ümpumsii maq chaplaq, laüta ngi ara khrum kuq laq! Kha ka riikhaqli maq phoke kli ümniiraq dadü tlaü.

Tvtsvmc 96:13

ümtiikiiwa Tatiwe ka mungkang hiq pengkai saühotlaq akhing na. Apaiq raq mangjong hiq maiq phan thun ka tingting tri maq kiimaq riikhaqli tri maq shin raüta mipeng wan.

Tvtsvmc 98:9

jamto ngukla apaiq ka mangjonghiq pengkai kitlo. Apaiq raq mangjong maiqse ka tingting tri lang raüta riikhaqli maq kha mipho.

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 22:1

Arka Riisham bomchong chang hiqthung Tan tsütsa. Jamlai wa trang kongchatla? Kra chelati mungmaiqse ka tsangshiq kiitelong jam wukhu thung na thungtii raüta jamlai poi wa klorattla?

ISAIA 3:13

Tati ka apaiq kha ka phoho ma khekham she. Apaiq ka asenginok kha phoke ma tiijeje she.

EJEKIEL 30:3

Kra ranaiq ka aje niishe, kra ranaiq Tatiwe raq jaqsham misham, Kra ranaiq ka maiq mung thun ma phumthup kiimaq chamchao ranaiq miraq.

EJEKIEL 39:11

Tatiwe raq nguto, “Arthun ara hongtha wan jai, Ngi raq Gog ma apaiq maa lap chang ka Israil mung na maa lapchiim hiq bashi mikuqha. Kriika Amaa Khamjong Chum maq shedong nü wang na Wankhum Tan na miraq. Gog maa nai apaiq phenlabi maaphong ka kriitan na milap. Kiimaq kra tan mang ka ‘Gog Phenlabi Tan’ nguta mimang.

Yoel 3:14

Maiqphong li, maiqphong li, khapho chang Tan na. Maiqphong ka khunyaq khukhi.

Yoel 3:2

Kra akhing na ngi raq mangjong hiq na siti maiqmung thun wiita, khapho chang hiqthung tan na mitriitam ha. Kra khapho chang tan kiimaq, tsangshiq raq isengi israilnok, tiichamchao wantaq kra kha mipho ha. Tsangshiq raq isengi israilnok ka, mungrap mungrii na tiipin jobaiq wanto. Raüta tsangshiq raq ihiq ira Israil mung ka, tsangshiq liipan wiita chumtap riiphea wanto.

Mikha 4:3

Apaiq raq maiq mung pahea liipan wa, kha tri mitoqtan, maiqphan jonghea kiimaq luhea na siti liipan na, kha mipho, tsangshiq raq nepja thun ka, ni the chang thai miishe mitiiq, kiimaq tsangshiq piqkhu thun ka, nyiimdong ton chang jasai miishe mitiiq. Maiq mung thun liipan na re dongmak she miraq, chiqja reja tiije makshe miraq.

JEKERIA 14:4

Kra akhing na Tatiwe ka Jerusalem chela maq shedong nü na Olipro Pum na michap. Kiijiishe Olipro Pum ka man nai na shedong nü maq riita shenyap nü na tiikholiiq she mitiikhoki. Raüta aheawea niika jüwiikaü jonghea ashi she midong. Pum khoko ka shekhu nünü niishe mitiikoq wan. Kiimaq khoko ka shemai nünü niishe mitiikoqho.

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.