Yoel 2:5 - ASII LAKDAP Bible (BSI)

⁵ Kupchi kong ka kin thaq kiijaq kongtahushhu maq, adoq watrang lea longwan tlo. Rekhatti kumrang leng hitti kong jutrang tlaq ikha jutrang tlo. Kupchi watrang ka, tsamkü wapatwa trang ikha, trangtlo Kupchikong ka rewe watrang ikha, akong ada watlo.

Hawa Naga Bible 2001

⁵ Tsuingshiq kuex kankhux htauk htenc nuex dawk dat vtueq, nolaungx renc tvruingc ikhoc muinz; renhttuingx vshanx wvr rueq khamc yaq ikhoc muinz tvruingx wuez yaq. Tsuingshiq kuex ralx khvt tvkoc vtvyoalc nolaungx daungx yungx ikhoc rvhttec jvp yaq.

Yoel 2:5 Referencias Cruzadas

YOBA 39:20

Ümniiriisha tsangshiq ka kupchi kaü doq tlaq ikha doq miitu shea phansang laü? kiimaq tsangkhü thutrang tlaq kriima maiq tiihai tlaü?

DUNGWVNC 5:12

Krai mren mungmaiqse ka Ejip mung hamli na tsamkü shin rit kai maiqmii miirang raüta kihoto.

ISAIA 30:30

Tatiwe raq maiqse loweatek ma apaiq bomtsi henghea maiqphiip maiqjiip chang kra mitiitaikuq kiimaq apaiq tsankhiq walü heng kra mitiisapkuq. Kiijaq walü watrang la miraq, phumda mong na aphok watrangla miraq; rathaiq nai tsakhiiq rok wa trangla miraq. Kiimaq rajun düthaü diilii piikhaü kham raü ikha miraq.

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

JEREMIA 50:42

Tsangshiq ka liq nai nepja wiraq chhaq she; tsangshiq ka bihea ngamsang phaqti mang chan sap mak. Tsangshiq kumrang kong thaq na chao raüta, khamjong chumtso bluntlaq ikha tranghotlo. Tsangshiq ka Bebilon mungti rai riikhat kai khekham.

Matthew 3:12

Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

Revelation 9:9

Tsangshiq khuk niika, jinpen samtong ikha samraqraq riito. Tsangshiq rakong tiime trang ka kumrang kong raq lenghit raüta, hümok hiqmok rekhat kai jutrang wan tlaq ikha trang tlo.