Yoel 2:12 - ASII LAKDAP Bible (BSI)

¹² Shatmaq Tatiwe raq ngutlo, Ümchaü li jiimin namshiq raq riikhaqli maq, amang maq makphai trok lanta aho ajü achu jaü rong laq, lanta ngarai tiidii lanta, ngi phana jang wan rongra,

Hawa Naga Bible 2001

¹² Yehowa rueq, “Majuiuc yuq muinz rvkhauk laz tharc humc yek vtueq, phuiuz vsvy mamc ruiux khoarsez yonzyex wuez vtueq ngvy kox nuex yek waung luit.

Yoel 2:12 Referencias Cruzadas

2 SAMUEL 24:10

Shatmaq Dawit raq maiqwea jaqsham kra lot jai she, atsan na kra jaqsham ka ashut klo kang nguta tsihea she tiido wanto. Kra ningkhan apaiq raq Tatiwe ma akha nguto, “Ngi raq ara ashut pinthum ngarai tang kang! Ingarai ka mangchan laüta diikuq laq! I mra diikuqlaq. Ngi raq angi nola jaqsham kang.”

2 KAÜWA WERAÜ 30:6

Hokhamwe nai asengi ajong alabi raq aming kuqtaq kra phan phan, tsütsa chongkaiti maiq pahea Juda mung nai Israil mung hamli tiiwato. Tsangshiq ma tsütsa ka akha tiichong hoto: “Singmung maiqse Israil mungti lei, namshiq ka Asiria mung raq namung khatki raüta tang wantaq kra wali mong wiimin lun wan lan she. Ümchaü sanha Tatiwe, Abraham, Isak, kiimaq Jakob Shiikeawe wokhong niishe jang wan rong laq. Raüla apaiq kiimin namshiq phana hali mijang ki nong.

2 KAÜWA WERAÜ 6:27

O, Tatiwe lei, tsangshiq achu jaü ka ramungtan maq tailaq. Laüta tsangshiq ümjaqshisetiim, Israilnok ngarai ka adü riikuq laq. Laüta tsangshiq ma tingting jaqsham kra shrinkuq laq. Kra lata, O Tatiwe lei, ara üm hiqshong ümrahai arjaq ra ka tiijun kuqlaq. Arka ümniiraq ümsenginok ma pattup tachong hiqshong miitu kuq laü.

ESTHAR 4:16

“Kilaq, laüta Susa chela na Jehudinok mungmaiqse ümchuwa sitlaq kra tarü adam na triitam laq. Lanta, ngi miitu amang maq achu jaü ronglaq. Anaiq naitsam, awa watsam, jamlai min naq phaqsiq rongkiq. Kham min naq nyang rongkiq. Ngi riimin, ijaqshisetiim jechaksere rai, namshiq rai adam na achu mijaükang. Kra lot jai shetiq, tri na hongmak li jiimin, ngi ka hokhamwe rai riihum wa she miwa kang. Riita kra miitu, ngi ka atsai chang she dea jiika, bam laq. Ngi ka mung miitu mitsai kang.”

DUNGWVNC 33:5

Jamkhano ngukla Tatiwe raq Mosheq ma tsangshiq ma akha chongkuqlaq nguta aming kuqto, “Namshiq ka nilan wanshak shaknok. Ngi ka namshiq rai heashiseli wadamha jiimin, Ngi raq namshiq ka tiisiirai mitiithum baiqha. Ümchaü min, namshiq chaq nai kampho laktum thun kra chhut baiq ronglaq. Kiimaq Ngi raq namshiq rai jamkha sichang wa ka Ngi tiq mithiha.”

ISAIA 22:12

Ajong Thaq Na Ajong Pinthum Tatiwe raq kiitiikaq maaho manyi hoqsii ronglaq kiimaq namkhu ka loktam sibaiq lantea, wunthaü riinaü khea samlanta hoq ronglaq nguta hea wanto.

ISAIA 58:4

Namshiq raq amang maq achu jaütlan akhing na maiqrai jasam piqsii riitlan. Kiimaq namshiq liipan na tatso lanta riilongliiqtlan. Namshiq nga akhnok amang maq achujaü ka Ngi raq mitrekuq ngutiisha tiimatlan?

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

JEREMIA 4:1

Tatiwe raq ngutlo, “Israilnok lei, namshiq ka ngi pha na jang wan nong lungwii tlan jiila, iwokhong na nyap wan nong ronglaq. Namshiq ka ipuk na nyap wan lanta, iwokhong na tsapkapkap siwan han jiila, lantea ngi raq saisi tiikang sumla phra thun kra lambaiq han jiila,

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

DANIEL 9:3

Kra ningkhan, ngi raq Tati Shiikeawe jaq wa pinthum itsan itsii tiitsi lata, apaiq ma tiipaiq nea lam maq, amang maq, wunthaü riinaü khea samlata, kiimaq ikhakam na tapkhu maq nyat lata, achu jaü nga kang.

Hosea 12:6

Riita ümchaü min Jakob saüsetiim lei, Apaiq puk na nyap wan nong ronglaq. Lanta apaiq ma kamtsantsii thü ronglaq. Apaiq ka namshiq Shiikeawe. Lanta apaiq ka tsapkapkap miishe shomnoq ronglaq. Lanta tsankhun tsanmin maq, Shiikeawe ma namshiq rilung lam ka, tiishunshea lantea siwan ronglaq.

Hosea 12:7

Tatiwe raq ngutlo, “Israilnok ka Kanannok kiikha lapphaq lusiq. Tsangshiq raq nanok tok maq mop wantlo. Piikii pealea lam na mopphaq wantlo.

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 6:1

Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?

Yoel 1:13

Ramwebi lei, wunthaü riinaü khea sam lanta hoqtrang ronglaq, namshiq berongwacha na jaqshamti ramwebi lei, hoqtrang ronglaq! Warong ra Shomjam mong na Shiikeawe kolibi lei rawa minru! makphai khüshang hoq lanta, mra tiidii wan achujaü ronglaq! Ümchaü sanha, namshiq Shiikeawe jam na, wongrai honglu nai spiq tai honglu ke chang min ahüshe.

JEKERIA 7:3

Kiimaq ramwebi nai shammibi ma akha tiiwaikito: “Riita naishiq raq man na rawii ümchuwa leawankai na ümkhiiwa rawiitek aho anyi raüta Shomjam shiithen baiqtaq ningkhan, amang maq achu jaü ka jipi lübiingi angu na lang wan tiikai kra, ümchaü min lang wan ruq li shea mirhai?”

JEKERIA 7:5

Apaiq raq akha chongto, “Armungti nai ramwebi ma chonglaq, tsangshiq raq man na, rawii wiiroq miishi leawantaq akhing na, rawiishi liipan na jipi lübiingi ngoja na, nai jipi lümiishi akhing na, tsangshiq raq amang maq achu jaü wantlaq kriika, ngi ma shreng raüta alam wan ka riimak.

MALAKI 1:9

Ümchaü, ramwebi lei. Namshiq raq Shiikeawe jaq wa, apaiq ka nashiq ma tsii ahea mithü laq, nguta apaiq jaq wa achu jaü rong liishaq. Apaiq raq namshiq achu jaü ka tremak miraq. Kriika namshiq jiq.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

PHOWEBI 2:4

Rase raq ara ngukiita, Israilnok ka aho asii trang wali she hoq trang wanto.

PHOWEBI 20:26

Kiijiishe Israilnok thun tlotli ka Bethel na wanong raüta, maaho manyi hoqsii trangto. Tsangshiq ka kiijaq Tatiwe man na raji na saüli, dung min simak ngato. Tsangshiq raq rintii honglu wiijam takuqto kiimaq wiipumtam maq wa na chaqtlii honglu thun wiitarü Tatiwe ma kuqto.

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”

1 SAMUEL 7:6

Krai mren, tsangshiq tarü Mijpa chela na thungto. Tsangshiq raq kham wiijam do raüta Tatiwe ma honglu na nyukto. Raüta kra ranaiq ka ranaiq minru amang maq achu jaüto. Tsangshiq raq nguto, “Nashiq raq Tatiwe man na ngarai tangkai.” (Samuel raq Israilnok liipan wa kha ka Mijpa chela maq phokuqtlo.)