Yoel 1:12 - ASII LAKDAP Bible (BSI)

¹² Spiqraü tsung thun wiita shinriiqriiq. Phupmup tsi thun wiita roktito. Pomegrenet tsi, taitsi tsi, apel tsi, petsiro angu wiita shinriiqriiq shinkito. Krai mren maiqse tsantsii na chochi ahü. Khamrai rükitlaq ikha shinriiqriiq she sükito.

Hawa Naga Bible 2001

¹² Svpiq ruiuz htenc nuiyc phuiuq muiuq jungx htenc yuiuq shanx kaz tueq; pulx thuey jungx htenc lotlaz yuiuq wvnc vtueq thueyc kaz. Miq htenc kokez juing vguez shex.

Yoel 1:12 Referencias Cruzadas

Tvtsvmc 4:7

Shatmaq ümniiraq ngi ma chochi tsantsii kuqlaü arka tsangshiq raq püwong tum nai che pükhaü totlaq kra nam miimin pahea.

Tvtsvmc 92:12

Kechu maiqsetiim ka taitsi chong ikha aheawiq mijong wan; tsangshiq ka Lebanon pum na maisak pero ikha mijong wan.

ASHICHONG 2:3

Shepe chong ikha langmong nyang na. Lungwii kongtiwe sham tsomhea jerobi phong na. Kra chong nyam maiqnga seachang. Kra tsi ka ngi ma sumhea.

ASHICHONG 4:13

Kiijaq phanphan pe chamtlo pero, Pechong thun ka pomegrenet ro ikha chamtlo, atsi ango ahea tsitlo. Kiijaq henna nai nard homseng pahea asi.

ISAIA 16:10

Ümchaü sanha hiqpo hiqwin wakram thun na jumin chochi mak she. Spiqtsiro sonruk thun na maiq jiimin gisii mak she, kiimaq spiqro na jumin shinge mak she. Kiimaq spiqtai hainyang ma longtham na spiqtsi tiikit niti maiq min ahüshe. Chojong chise gisii wa trang ka thumto she.

ISAIA 24:11

Mungmaiqse ka chiihea wea lam thun na gisiitrangtlo. Jamkhano ngukla che nyang chang ka ahü she. Chochi rilung ka pattup miitu thumto she. Armung wa chochi ka thumto she.

ISAIA 24:7

Spiqtsiro ka wiita ajung riiwantlo. Spiqtai ka athum she riiwanto. Maiqse ümchuwa man na chochikhiq sitlaqti thun ka ümchaü tsanbi wokti lishe sitlo.

ISAIA 9:3

Ümniiraq tsangshiq ma chochi jonghea kuqlaü, Tati lei; ümniiraq tsangshiq ma chojong chise rilung she kuqlaü. Ümniiraq tsangshiq ma jaqsham kuqlaü kriima chochitlo, tsamjut tumwan raüjaq chochitlaq ikha, riimakla sepat lopi riiphea lam maq chochitlaq ikha chochitlo.

JEREMIA 48:3

Horonaim chelati hoq trangtlo, ‘Matdong wanto! Mung then wanto!’

JEREMIA 48:33

Chochi rilung nai khoriiq shishiiq rilung ka hiqpo hiqwin Mob mung kiiwa lam wanto she. Ngi raq spiqtai ka atiikit chang tham kiiwa tiidong mang she shangbaiq kang. Spiqtai tiikitti maiq ka jumin ahüshe. Kiimaq achochi si tsi ma agi asiiti min maiq ka ahü she.

Yoel 1:10

Wakram thun kriimin thumthumshe thento, ahüshe. Wakram thun kiimin aho anyi walishe. Jamkhano ngukla tü nai tsam ri athum she. Che ri ahüshe, shinriiqriiq, spiq petsi tsai min ahüshe.

Yoel 1:16

Nammaklii rashra niili tü atsam wiita shiithen baiq wanto she. Nashiq Shiikeawe Shomjam niimin chochi ahüshe.

Jona 4:7

Shatmaq anap ranaiq angu niishe, ranap chu maq Shiikeawe raq ajong tiidong raüta, kra wuqphum chong ka tiipphaq baiqto. Krai mren, kra chong ka ashinshe riikito.

HAGAI 2:19

Namshiq tsamtiip na tsam ka ahü li jiimin, spiqtsi ro ka ahü li jiimin, phupmup ro ka ahü li jiimin, kiimaq pomegrenet ro ka, kiimaq olip ro thun na atsi mitsi shaqli jiimin, ümchaü ranaiq miiphat she, mishman kuqha,” nguta Tatiwe raq ngutlo.

MALAKI 3:11

Ngi raq namshiq wak wa, ajong ajii ma tü atsam ka tiiphaq mang she. Krai mren nam spiqro thun na atsi ango ka atu alu she miraq.

WEAWEA 13:23

Raütiishe tsangshiq ka Eshkol tan thung kiiniishe saü wanto. Kiiwa tsangshiq raq spiqtsi raü tsung wa küshi, atsi tu ka tujongwiq kaü kra chumto. Kra petsi tu nyam ka jonghea kiimaq laihea kha maq, maiq wenai raq pepum pumshi na paq raüta pihoto. Kiimaq tsangshiq raq pomegrenet petsi kiimaq phupmuptsi min wiijam lamhoto.