Yoel 1:10 - ASII LAKDAP Bible (BSI)

¹⁰ Wakram thun kriimin thumthumshe thento, ahüshe. Wakram thun kiimin aho anyi walishe. Jamkhano ngukla tü nai tsam ri athum she. Che ri ahüshe, shinriiqriiq, spiq petsi tsai min ahüshe.

Hawa Naga Bible 2001

¹⁰ Wuik vnax htenc kvlc luk shex; tuiz vtsvmz htenc bac kaz svpiq thuey htenc shanx kaz tueq, olip jungx htenc yuiuq wvnc ningkhvnc nuex, ghaq vraungx yonzyex yaq.

Yoel 1:10 Referencias Cruzadas

RAPHA HIQWA LAK 4:12

Kriikha na ümniiraq hiq ka shamsiq haü min, hiq raq jamlai phan min heakuq mak miraq. Ümniika hiqraikhü na jamhü wakhü mangtam miishe jalaüta misi haü.”

ISAIA 15:6

Nimrim khamraise kiimin ariishe riikito. Khamrai kiitro wa sangphii ka wiita ajung she riikito. Kiijaq nyiim sang waichat chat ka ahüshe.

ISAIA 24:11

Mungmaiqse ka chiihea wea lam thun na gisiitrangtlo. Jamkhano ngukla che nyang chang ka ahü she. Chochi rilung ka pattup miitu thumto she. Armung wa chochi ka thumto she.

ISAIA 24:7

Spiqtsiro ka wiita ajung riiwantlo. Spiqtai ka athum she riiwanto. Maiqse ümchuwa man na chochikhiq sitlaqti thun ka ümchaü tsanbi wokti lishe sitlo.

JEREMIA 12:11

Tsangshiq raq armung ka rumnyangkhi kumtsaiphii ma tiijabaiqto; kriika imakki na hiqmiq changkhü ma tiijabaiqto. Armung tlotli ka kumtsaiphii ma jakito, kiimaq jurmin shamsiq mak she.

JEREMIA 12:4

Ümtincho na saüli wa namung ka shinriiqriiq miraq? kiimaq wak ram aweatek wa sangphii ka shinriiqriiq mijungsiq? Rum nyamsekong nai wushikong thun ka atsai riiwanto, nashiqnok raq ajiq klowan kha maq, tsangshiq raq, ‘Nashiq raq jamlai wa klotiikai ka Shiikeawe raq chhimak,’” nguta ngo kha maq.

JEREMIA 48:33

Chochi rilung nai khoriiq shishiiq rilung ka hiqpo hiqwin Mob mung kiiwa lam wanto she. Ngi raq spiqtai ka atiikit chang tham kiiwa tiidong mang she shangbaiq kang. Spiqtai tiikitti maiq ka jumin ahüshe. Kiimaq achochi si tsi ma agi asiiti min maiq ka ahü she.

Hosea 4:3

Arningkhan armung na rarin misaü. Raüta phanrap wiita ashin mirki. Raüta wiitsitsü phan wiita atsai miraq. Ngamsaü ngiqse wiita hutjok, kiimaq peshap wushi wiita, kiimaq sammok tra jü wa ngiq min wiita mitsai,” nguta Tatiwe raq nguto.

Hosea 9:2

Shatmaq jaqlo liipan niili, namshiq tsamtiip na tsam ka ahü she miraq. Olip petsi tiikitchang min ahü she miraq. Kiimaq namshiq nyangchang chenye kiimin ahü she miraq.

Yoel 1:12

Spiqraü tsung thun wiita shinriiqriiq. Phupmup tsi thun wiita roktito. Pomegrenet tsi, taitsi tsi, apel tsi, petsiro angu wiita shinriiqriiq shinkito. Krai mren maiqse tsantsii na chochi ahü. Khamrai rükitlaq ikha shinriiqriiq she sükito.

Yoel 1:5

Tiido ronglaq, cherop tsampiiti lei, lanta hoqtrang rong laq. Chechok tsampiiti lei agilülü hoqtrang ronglaq. Namchekhap kra miitu hoqtrang ronglaq, jamkhano ngukla ümchaü sanha nyanglu maü she.

Yoel 2:19

Apaiq raq tsangshiq achu jaü treto. Tatiwe raq treto: “Ümchaü san ngi raq namshiq ma, püwong, kiimaq spiqtai, oliptsi tai pahea she, mishman kuqha. Namshiq ka chojong chise miishe, mishong nga wan han. Pongmungti raq nashiq tsaihai mak she miraq.

LEWI 26:20

Namshiq raq ümtinkhan wa jaqsham hun nü tlan, kriika namshiq ma atuli she miraq. Jamkhano ngukla nam wak ram thun na minshiiq lan kiiwa jamlai phan tü atsam min dong man kuq mak she miraq. Kiimaq petsi ro na atsi ango min ahü she miraq.

HABAKUK 3:17

Phupmup chong na, atsi ahü she jiimin; spiq raütsung na atsi ahü she jiimin, Olip ro na atsi ahü she jiimin, wakjam ram na bunwong ahü she jiimin, skukong thun wiita she jiim rai raü min, minsaü tiip wa tiisiirai jiim rai raü min,

HAGAI 1:11

Ngi raq ku akin wakram kiina, tsamrü thun na, spiqro thun na, olip pero na, namshiq raq jamlai wa chhi jang wan tlan kriithaq na, ra trin baiq wan tiikang. Jamlai phan min tiicham mang. Kiimaq dong man wanlot mak. Kiimaq maiqse khuthaq niimin jam nyamse khuthaq niimin puchi kuq wan mak she.”

MALAKI 2:3

Liirong laq. Ngi raq namsetiim ka mitsat wanha. Kiimaq namtheaphi ka, nyamse honglu atakuq han daiq maq mimoq wan pha. Kiimaq namshiq ka nyamse daiq raübaiq kai chang hiq ba kiijaq mihit thüki ha.