WEAWEA 9:6 - ASII LAKDAP Bible (BSI)

⁶ Shatmaq tsangshiq phong na maiq wiijamti ka maiq maa na tiithan kha na apii ashe riito. Kra ningkhan tsangshiq raq kra ranaiq na Tiichhiiwan Poi ka klo wan lot mak dea riito. Kra ningkhan, tsangshiq ka Mosheq nai Aron phana wato.

Hawa Naga Bible 2001

⁶ Yuq muinz wvyvmc jix rueq miq maungx kuex shuimx gay tueq ningkhvnc nuex, nawk palx htungx maq sawc muq rvtueq kvruex raungnuiyq Tvlvy Wvnc Moalx nuex lomx lvp muq. Tsuinghez kuex Moshe nuiyc Arun kox nuex kaz vtueq,

WEAWEA 9:6 Referencias Cruzadas

DUNGWVNC 18:15

Kiijiishe Mosheq raq treto, “Ngi raq ara shamke raa jakito, jamkhano ngukla mungmaiqse ka Shiikeawe raq thapthitlaq kra sap miitu ngi rai riiwaiwa watlo.

DUNGWVNC 18:19

Ümchaü ngi raq ümniima lamlu ahea miitu tsii chongkuqpha. Kiimaq Shiikeawe ka ümniirai rai miraq. Ümniiraq mungmaiqse miitu Shiikeawe manna chaptlaü kriika riikhaqli. Laüta tsangshiq kha ka Shiikeawe ma kiinongtlaü.

DUNGWVNC 18:26

Tsangshiq ka mungmaiqse khuthaq na rilung pattup phowebi jaq shamto. Raüta kha atsin tsin kriili Mosheq ma shokto. Shatmaq kha aran thun ka tsangshiq riili phokuqtlo.

LEWI 21:11

Apaiq ka Ngi ma akiinongke kun she. Kiimaq apaiq khum ka apii ashe tiija baiq mai mak. Riimakla apaiq raq ijam asii Tombutiip kiiwa kiho raüta, kiimaq maiq atsaiki jam kiijaq kiraüta asii Tombutiip ka tiishe maimak. Apaiq ma aweshaq riimakla anyung shaq li tsaiki raü min, akhum ka tiishe maimak.

WEAWEA 15:33

Kriikha na apaiq ka Mosheq, Aron, kiimaq mungmaiqse kunli man na shea wanto.

WEAWEA 19:11

Jurwa maiq maa na ajaq maq shamtlaq kriiti ka ramiishi na saüli akhum ka ashe apii misi.

WEAWEA 19:14

Kiimaq tombutiip mong na maiq ashi ra tsaiki raüla, kra akhing na tombutiip mong na juwa asi, riimakla juwa tiipmong na nyap watlaq, kriiti ka ramiishi na saüli ashe apii miishe mijaki.

WEAWEA 19:16

Kiimaq maiq ashi ra raq maiq ashi ra ka maiq raq atsat lo, riimakla apaiq tsai tsai chiiphai na atsaiki lo, riimakla maiq ashi ra raq maiq rii ka jaq maq sham raüla, apaiq ka ramiishi na saüli apii ashe miishe mijaki.

WEAWEA 19:18

Apha na maiq ju khum wa asii apii ahü kriiti raq hissop pekii nyamse kra toqkai chang. Raüta kra pekii nyam ka kham na tsam chang. Raüta tombutiip ka kham maq bat chang. Kiimaq tiip mong na phanrap hupsam thun sitlaq kra wiita phumram kham maq bat chang. Kiimaq tiip mong na maiq ümchuwa asi kriithun kunli dü na phumram kham maq bat chang. Kiimaq bomtsi anai ngoja na, maiq ümriiti khumwa pii mak asii sitiwe raq kra maiq rii shamtiwe riimakla, maiq maa na ajaq maq shamtiwe, riimakla maiq maakho na ajaq maq shamtiwe khum na phum ram kham maq bat chang.

WEAWEA 27:2

Tsangshiq ka wa raüta Mosheq, Ramwe Eleajar, welabi, kiimaq mungmaiqse tlotli Tatiwe asi Tombutiip kilamchong na thungtlaq kiijaq wato raüta akha nguto,

WEAWEA 27:5

Kiimaq Mosheq raq tsangshiq kha ka Tatiwe ma tiitaito.

WEAWEA 5:2

“Israilnok ma aming kuqlaq, namshiq piitiip mong wa maiq thabitsiti, riimakla akhumwa ashe kham dongtlaqti kiimaq maiq loweatek juwa maiq amaa dü na tiithantaqti maiq thun ka piitiip wa kinphai na jobaiq ronglaq.

WEAWEA 9:7

Raüta akha nguto, “Naishiq raq maiq maa ka shamkai. Kra ningkhan naishiq ka apii ashe. Shatmaq naishiq ka ahinti Israilnok rai Tatiwe ma hongluke chang wa jaram tangta baiq wa?”

John 18:28

Ranap chu maq, Jehudinok welabi raq, Jesuq ka Kaiaphas jam maq Wanghupti we jam niishe sheahoto. Jehudinok welabi ka Wanghupti we jam wang mong niika wamak dea riito. Tsangshiq raq kra ranaiq ka Tiichhii Wan Poi dung sia chang. Kiijaq jam mong na wa ka tsangshiq ma apii. Kiijaq waraü ka tsangshiq khum ka misheki. Kriikha maq, tsangshiq khum ka asii thü raa ngo maq, tsangshiq ka jam wang mong na wamak dea riito.