WEAWEA 9:15 - ASII LAKDAP Bible (BSI)

^15-16 Tatiwe asi Tombutiip ka chan wan akhing ranaiq na, phumda kaü ka sat kito. Raüta tiip ka wiita pang baiqto. Rawa niika kra phumda kaü ka watu kaü ikha riito.

Hawa Naga Bible 2001

^15-16 Yehowa httax yaq Tap kuex tvjvp guirc raungnuiyq phuemx svt kaz vtueq puingc gay tueq. Raungwvrx nuex phuemx kuex wvrluic tul ikhoc lez yaq.

WEAWEA 9:15 Referencias Cruzadas

NEHEMIA 9:12

Tsangshiq ka ranaiq na phumkham maq, shun shea wan laü. Kiimaq rawa na tsangshiq ka, waniitu maq shea wan laü.

NEHEMIA 9:19

Shatmaq ümniiraq tsangshiq ka, rumnyangkhi kumtsaiphii na, miimbaiq thü maü dea. Jamkhano ngukla, tsangshiq miitu ümniiraq, tiihang wan mangchan ka, jonghea thü wan tlaü. Tsangshiq ma ranaiq na lam sheaketi phumkham, kiimaq rawa na sheaketi wakham ka, lambaiq maü riilaü.

Tvtsvmc 105:39

Shiikeawe raq asengi ka phumda maq pangto kiimaq rawa na waniitu tiinü raüta walüli maq sheawanto.

Tvtsvmc 78:14

Apaiq raq tsangshiq ka ranaiq na phumda khamchong maq shunshea wanto kiimaq rawa minru walütu kaü maq shea wanto.

DUNGWVNC 13:21

Ranaiq bala niika Tatiwe ka phum kham kaü ma ja raüta tsangshiq khaki na lamshea wawantlo. Raüta tsangshiq ma lam ka tiichhi kuq raüta, shea wantlo, kiimaq rawa niika walütu khamchong ma ja raüta, tsangshiq ma sinkhu na wawan tlo raüta tsangshiq ma wa tiinii kuq wan raüta shea wantlo. Krai mren tsangshiq ka ranaiq rawa wawan ruqli laü wanto.

DUNGWVNC 13:22

Phum kham ka wranaiq she ranaiq bala maiq kong kra khaki ki na watlo. Kiimaq rawa bala niika waniitu kham kra tsangshiq khaki na watlo.

DUNGWVNC 14:24

Ranap rawiiho nini niishe Tatiwe raq watu khamchong kaü nai phum khamchong kaü mong maq Ejip mungti phenlabi kra hiq nü na ku raüta liito. Raüta tsangshiq ka phiip ajiip miishe tiitsaito.

DUNGWVNC 40:2

“Apha wan jipi wa jiha ranaiqshi na Tatiwe asi Tombutiip ka shonglaq.

DUNGWVNC 40:34

Kiijiishe Tombutiip ka phumda raq pang wanto. Kiimaq Tatiwe asi makse chathit chhainyii liliim raq Tombutiip ka mong wanto.

DUNGWVNC 40:35

Atinkhan chhainyii rai kha na Mosheq ka Tombutiip mong na nyap walot mak riito.

DUNGWVNC 40:38

Tsangshiq ka bintang jüngi mung na manglaü wawantlaq akhing tlotli na, tsangshiq raq Tatiwe asi dea nguta phumda ka Tombutiip thaq na ranaiq na chhitlo kiimaq rawa niika walütu kaü ka Tombutiip thaq na nyai raitlaq kra chhitlo.

ISAIA 4:5

Kiijiishe Jajon Pum na nai kiijaq thungtlaq mungmaiqse khuthaq na Tati raq ranaiq akhing niika phumda mitiisatki, kiimaq wakhuk wali she mitiimong wan. Kiimaq rawa niika walüli kaü jonghea mitlikuq. Shiikeawe khushü ngao jonglu raqa chela kra mipang wan. Raüta chela ka hamli mikhup wongkuq wan.

WEAWEA 10:34

Tsangshiq ka piitiip ashi maq riita piitiip ashi na laü wantlaq na, Tatiwe phumda kaü ka ranaiq na tsangshiq khuthaq na sitlo.

WEAWEA 14:14

tsangshiq raq armung na shongti maiq mung thun kiima michong. Armungti thun raq tsütsa ka atai kun she ümniika, Tatiwe, naishiq rai asi, kiimaq ümniika naishiq rai dea sitlaü nguta phumda kaü ka naishiq khuthaq na khingkitlaq kra chhitlo. Kiimaq ümniika naishiq khaki na ranaiq niika phumda kaü khamchong ma jalaüta wawan tlaü, kiimaq rawa niika walütu kaü khamchong ma jalaüta wawantlaü nguta achhitai wan wishe.

WEAWEA 17:7

Kiijiishe Mosheq raq kra nyeakii thun ka Tombutiip mong na Tongshong Tek kaü khaki na thüto.

1 Corinthians 10:1

Phunainotiim lei Mosheq jaiphan wanti nanyung nawe thun ma jamlai mra wa pintaq, kra manphan ka namshiq tsan na samhea tiitsang thü rong laq. Tsangshiq tarü ka phumda takiq na, phumda raq tiiwong kuq shat maq laü wanto. Raüta tsangshiq tarü Khamshii Khamjong rai ka khu asang maq jin wanto.

TRI CHONGKE 1:33

Apaiq riika wranaiqshe namshiq ma sinkhu na wawan lili raüta, namshiq ma lamjap piitiip tei wan chang hiq ba ka tiihong kuq wan lili riito. Namshiq ma lamshea wan, apaiq ka namshiq ma sinkhu na, rawa niika waniitu ma ja raüta wawantlo, kiimaq ranaiq niika phumda kham ma ja raüta wawan lili riitlo.