WEAWEA 8:12 - ASII LAKDAP Bible (BSI)

¹² Kiijiishe Lewinok raq tsangshiq jaq maq minsaü pongwe nai khupo na misham. Kiiwa pongshi ka ngarai-honglu na take chang kiimaq pongshiti ka chaqtlii-honglu na kechang. Arka Lewi phan khum tiisii wan miitu khuliiq.

Hawa Naga Bible 2001

¹² Kvruex yimaq Lewi miqsaz htenc rueq manx roalc pungnueyc khux poz nuex yauk kuex tvdaungc wuez rax; Lewi miqsaz htenc kuex nawk palx htungx maq tvsawc nawc tvkoc mvrax kvdawc shomc kuy muex manx roalc pung vshiz maq muinz, wvr maq jauk shomc kuy muex vganc manx roalc pung vshiz maq muinz shomc kuy rax.

WEAWEA 8:12 Referencias Cruzadas

DUNGWVNC 29:10

“Minsaü pongwe ka Ngi asi Tombutiip rinkea na hit wanlaq. Kiimaq Aron nai asetiim raq tsangshiq jaq maq minsaü pongwe khupo kiijaq mishamlaq.

LEWI 1:4

Kriiwe raq nyamse khupo na ajaq maq sham chang. Kiimaq kra nyamse ka apaiq ngarai thun tiikhoi miitu takuqto nguta mitao wan.

LEWI 14:22

Kiimaq apaiq raq haütaü kaü nai kri milam wan. Riimakla paro kaü nai milam. Ashi ka ngarai-honglu miitu. Kiimaq ashi ka chaqtlii-honglu miitu.

LEWI 16:11

Riita ümtiikiiwa saüla pongwe kra apaiq miitu nai ajamtitiim miitu ngarai-honglu na tatlaq,

LEWI 16:21

Raüta apaiq raq ajaq wiinai ka jaqko naita chhechhi kaü khupo kiijaq misham. Raüta Israilnok raq abi ümchuwa klo tlaq, ngarai thun tangtlaq, kiimaq Israilnok raq kiqkhiitlaq mra thun kra mitiidii wan. Raüta kra ngarai homa ka chhechhi kaü khupo niishe mitiiho kuq. Raütiishe kra miitu maiq weshi tiihongje we riishe chhechhi kaü ka kumtsaiphii rumnyangkhi binjü kiina mijobaiqki.

LEWI 16:6

Raüta apaiq raq minsaü pongwe atha lamhü ashi kra apaiq maiqmii ngarai nai ajamtitiim ngarai tiisii miitu hong lu na mitaa.

LEWI 4:15

Kiimaq mung welabi raq tsangshiq jaq maq kra minpongse khupo na sham chang. Raüta kra kiijaq ta chang.

LEWI 4:20

Raütiishe apaiq raq ngarai-honglu minsaü pongwe jamkho takuqtlaq kiikhiisii hali ara minsaü pongwe armin honglu na mikuq. Kiimaq apaiq raq akha mungmaiqse ngarai miitu honglu takuq tlaq arai mren tsangshiq ngarai ka midii kuq.

LEWI 4:35

Kra raütiishe apaiq raq ngampü ka wiita milam. Arka rintii-honglu na ataa sku ngampü lamtlaq ikha milam. Raüta apaiq raq wa na phaqsea-honglu krai adam na Tatiwe wa na michaq. Akha ramwe raq kriiwe ngarai miitu honglu ka mikuq. Kiimaq apaiq ngarai ka midiikuq.

LEWI 4:4

Apaiq raq minsaü pongwe ka Tombutiip rinkea na mihe wan. Raüta ajaq maq minsaü pongwe khupo na misham. Raütiishe kiijaq Tatiwe man na mitaa.

LEWI 5:7

Kiimaq maiq weshi ra raq sku kaü lo kiimaq chhechhi lo kriimin kuqlot mak raüla, apaiq raq apaiq ngarai tham miitu Tatiwe ma haütaü kaünai riimakla paro kaünai ka honglu na kewa ratlo, kaüshi ka ngarai-honglu miitu kiimaq kaüshi ka chaqtlii-honglu miitu kewan ratlo.

LEWI 8:14

Kra lot raütiishe Mosheq raq minsaü saüre pongwe kriishe lam kito. Arka ngarai-honglu na take miitu. Kiimaq Aron nai asetiim raq tsangshiq jaq ka minsaü khupo na shamto.

LEWI 8:15

Mosheq raq kriika ataa riito. Raüta ngam tiijai wiijam ka lamto. Raüta ajaq shi ka ngam tiijai na tsam raüta berong-wacha shokblai na arongblai kiijaq neito. Arka Tatiwe ma kiinongke miitu nyatto. Kra raütiishe apaiq raq ngam tiijai abung tiichongtlaq kriika berong-wacha jichong na nyukto. Akha klo raüta apaiq raq arthun ka Tatiwe ma kiinong kuqto kiimaq tiisiito.

LEWI 8:18

Kra raütiishe, Mosheq raq sku pongse ka chaqtlii-honglu kra lamto. Raüta Aron nai asetiim raq tsangshiq jaq maq akhupo na shamto.

LEWI 8:34

Ümchaü ranaiq jamlai wa klo wan kai arka Tatiwe raq aming kuqtaq kra phan phan klokai. Arka namshiq ngarai kra tiisiibaiq miitu klokai.

LEWI 9:7

Raütiishe apaiq raq Aron ma nguto, “Berong wacha kiina walaq. Laüta ngarai-honglu nai chaqtlii-honglu kra kuqlaq. Arka üm ngarai thun nai mungmaiqse ngarai thun kra tiisiibaiq miitu. Ara honglu ka mungmaiqse ngarai thun kra tiikhoibaiq miitu Tatiwe raq aming kuqtaq kra phan phan kuqlaq.”

WEAWEA 6:14

Raüta apaiq raq Tatiwe ma nyamse atsam ami atsi ahü nyeajokjok kra honglu na kechang: arawii wiishi skupong se ka chaqtlii-honglu miitu, arawii wiishi skushii arese ka ngarai-honglu miitu, kiimaq skupongre se ka rintii-honglu miitu kechang.

WEAWEA 6:16

Ramwe raq arthun ara Tatiwe ma mikuq raüta ngarai-honglu nai chaqtlii-honglu thun kra mikuq.

WEAWEA 8:13

“Lewi phan ka Ngi miitu akhek atiitsang kongphiq ma kiinong kuq laq. Kiimaq Aron nai asetiim ka tsangshiq khuthaq na asheati ma shong laq.

WEAWEA 8:8

Kra raütiishe tsangshiq raq minsaü pongwe arese kra lam wan chang, kiimaq tri na chongtlaq kra phan phan wong-honglu bunwong win olip tai rai shotje kra lam chang. Kiimaq ümniiraq minsaü pongwe ashi ngarai-honglu na kechang kriili lam wan chang.

Hebrews 9:22

Riita, riikhaqli maq liiwan kiijiila, Thungtri na chongtlaq krai mren, phanrap na tiijai maq nei raütiitiq tiisii tlo chhi tiikai. Kiimaq, maiqse ngarai kiimin tiijai raü hü wiiwii maq, ngarai ka siimak phan nguta chongtlo.