WEAWEA 7:9 - ASII LAKDAP Bible (BSI)

⁹ Shatmaq Mosheq raq Kohathaiq phan miika hit-leng thun wa kiimaq minsaü pongwetiim kiiwa ashi min kuq mak dea, Jamkhano ngukla tsangshiq raq asii hupsam thun shiikum pantlaq thun kriika tsangshiq raq phaq na siisaq pi chang.

Hawa Naga Bible 2001

⁹ Kohat taungx hez kuex miqmac rueq lawc mawc httuiyq httvmx yaq Tap nuex seng vtueq hup svmx htenc kuex phauk nuex pic juing ningkhvnc nuex Moshe rueq tsuingshiq tvkoc renc nuiyc manx kuex kuq muq doc.

WEAWEA 7:9 Referencias Cruzadas

2 SAMUEL 6:13

Tongshong Tek piti maiq thun ka kongkhu na kiimtrok wiiq jai she, Dawit raq tsangshiq ka atiichap riito. Raüta apaiq raq Tatiwe ma minsaü pongwe ashi kiima minsaü saüpongse arese phintsaqtsaq hea kra honglu na takuqto.

2 SAMUEL 6:3

Tsangshiq raq kra Tongshong Tek ka Abinadab tahii jam hiqlampo thaq na ahai kriiwa tiidong lam raüta minsaü leng anye ashi kriithaq na tiingato. Kiimaq Abinadab senai Ujja nai Ahio raq minsaü leng kra hewanto.

2 SAMUEL 6:6

Riita, tsangshiq ka Nakon wak na tsambuk chang hiq ba kiijiishe saü wan kiita, minsaü pongwe nai ka atiithap riito. Kra chhi raüta Ujja raq Tongshong Tek ka ajaq maq thüsaq shamto.

1 HOKHVMX 8:3

Riita mung welabi thun ka kunli she thungto angu na, ramwebi raq kra Tongshong Tek kaü kra doto.

1 KAÜWA WERAÜ 15:13

Namshiq ka man na apha lak na kra Tongshong Tek kra piwan miitu ahü riilan kriikha maq Shiikeawe raq nashiq ma mo tiiho kuqto. Jamkhano ngukla nashiq raq apaiq ka riikhaqli thungtri maq shomnoq wan mai dea riikai.”

1 KAÜWA WERAÜ 15:3

Kiimaq Dawit raq Israilnok mungmaiqse kunli ka Tongshong Tek lamkai miitu Jerusalem na tiithungto. Kriika apaiq raq athüchang hiqba tiijetaq kiijaq thü wan miitu tiihongto.

1 KAÜWA WERAÜ 23:26

Kra ningkhan ümchaü sanha Lewi phan raq Tatiwe asi Tombutiip nai noqku na langchang hupsam thun kra pirea ngomin rarai mak she.”

WEAWEA 3:31

Tsangshiq ka Tongshong Tek kaü kra, chamrii kra, lem tochang kham kra, berong-wacha thun kra, Asii Tiip na ramwebi raq langtlaq tak apin thun kra, kiimaq Asii Pinthum Khok na wachang kilamchong na chantlaq kheathum thun kra liikoti riito. Tsangshiq ka arthun hupsam ara shiililii wan arang hoti riito.