WEAWEA 6:26 - ASII LAKDAP Bible (BSI)

²⁶ Tatiwe raq ümniidea loptlii miliilaq raüta ümniika hansang maq mithülaq.

Hawa Naga Bible 2001

²⁶ Yehowa rueq nuimshiq kuex lawc vtueq muingc jungc kejux kuq ruiux, nomic kuex mkuq kv-phuinx.

WEAWEA 6:26 Referencias Cruzadas

Tvtsvmc 29:11

Tatiwe raq asenginok ma ningkun kuqtlo raüta tsangshiq ma hansang shiiman kuqtlo.

Tvtsvmc 37:37

Maiqshaq kiimaq kechu maiqse ka shrira liilaq; sobsob bombom maq siti ka asaü asetiim asi.

Tvtsvmc 4:6

Maiq pahea raq akha achu jaütlo: “Naishiq ma apapa achu shiiman laq, O Tatiwe lei. Naishiq ka lungwiikhiq ma liilaq!”

Tvtsvmc 42:5

Ngi ka atinkhan jaram jonjüsea wa? Atinkhan langlang jaram chapa wa? Ngi ka Shiikeawe miili miran phanha, kiimaq thongshiri hali apaiq mitiitsamha, ngi chhiiti kiimaq i Shiikeawe.

Tvtsvmc 44:3

Ümsenginok raq Kanan mung ka tsangshiq nepja maq khat raüta atang wan riimak, tsangshiq srea nola ningkun maq atang wan riimak; kriika ümningkun maq kiimaq ümhong ümla maq, ümniika tsangshiq rai nongnong sikha maq, kriika ümniiraq tsangshiq ka lungwiitlaü dea nguta man tiichhi hakhi riito.

Tvtsvmc 89:15

Pinthum peohea jurwa ümniika ashi ange maq shomnoqtlaq, kiimaq juwa ümmangchan rawüli na sitlaqti ma!

ISAIA 26:12

Ümniiraq naishiq ka rongboq mitiijahaü, Tatiwe lei; naishiq raq ümchuwa ongkai kriika ümniiraq ashamkuq haü tsi siisaq.

ISAIA 26:3

Tatiwe, ümniiraq hansang maq riimtlaü; jurwa tsangshiq miitung pharang rang thütlaq; raüta tsang kamtsantsii ümniima thütlaq.

ISAIA 57:19

Ngi raq maiqse kunli ma khusang rilung kuq tiikang. Aje na siti nai luhea na siti ma! Ngi raq isenginok tsisi ka atiihea she mirkuqha.

Mikha 5:5

Kiimaq apaiq ka mungtsing miitu miraq maiqse ma mung ka atsing maq mipeng wan. Asiria mung raq namung ka mikhat wan. Raüta nashiq peruk weshaü thun ka misiiq wan. Shatmaq nashiq raq nashiqnok phan wa, Sreajongbi thun ka tsangshiq khat wa mitiiwa rong i.

Luke 2:14

“Sanseng ramungtan na Shiikeawe khushü mijong laq, apaiq raq lungwiitlaq asengibi, mangjong hiq na siti ma hansang mirlaq!”

John 14:27

“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

John 20:21

Jesuq raq tsangshiq ma thongshi ri hali tsangshiq tsaiji doke, “Namshiq ka hansang maq sirong laq. I We raq ngi ka jamkho mangjong hiq na tiikitaq, kiikhiisii hali, ngi riimin namshiq ka mangjong hiq tiiki nong tiikang,” nguta tsangshiq rai bomdamto.

John 20:26

Kra jai miishe, chepat shi tin siraüta hali, ajaqshisetiim ka jam ashi na, tapmong na riitam ngato. Kiijaq tsangshiq rai Thomas min asi riito. Kilü thun kriika wiita shaqje siisaq. Shatmaq, Jesuq ka tsangshiq phana dongchhaq li saükito. Raüta, tsangshiq phong na chapto. Raüta, “Namshiq ka hansang maq sirong laq,” nguta tsangshiq rai bomdamto.

Acts 10:36

Shiikeawe raq Israilnok ma Jesuq Khristo lümaq hansang lam phan Tsütsa Ahea chong kuqtaq kriika, ümniiriimin asap haü she. Apaiq ka maiqse angu wiita ma Tatiwe.

Acts 2:28

Ümniiraq ngi ma rilung lam ka tiichhikuq laü she, kiimaq ümniika ngi rai asi, krai mren, ngi ka kai chochi tiikang.’

Romans 15:13

Riita, ija, ümchaü min, wiitarü ma tsaiji tlamke wanti Shiikeawe raq, namshiq ma chochi tsantsii ka, asho awo miishe mikuq laq. Kiimaq kiqkap jaqshap rilung kra, Shiikeawe ma kamtsantsii thü tlan kra lümaq mitiishowo kuq laq. Krai mren, namshiq ran tsantsii rüm tlan kriika, Asii Wenyi ningkun maq, jonglu wan ruq li mirlaq.

Romans 15:33

Riita, ümchaü min, Shiikeawe, nashiq tarü khusang maq rüm wanti we ka, namshiq tarü rai adam misi laq nguta achuli jaü tiikang. Amen.

Romans 5:1

Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.

Ephesians 6:23

Shiikeawe Awe raq, kiimaq Tati Jesuq Khristo raq, phungmaiqse phunainotiim tarü ma khusang kiimaq lungwii kra kamtsantsii rai mikuqlaq.

Philippians 4:7

Krai mren, Shiikeawe raq namshiq ma akuq, tsan awok sanglili rilung, maiqse raq sap lot mak phan wenyi rilung raq, Khristo Jesuq wokhong maq, namshiq ka hansang ma mirüm wan.

2 Thessalonians 3:16

Riita, ngi raq namshiq ma achuli jaükuq tiikang, nashiq ma khusang rilung jüraikuk ikha siti, Tatiwe apaiq riili, namshiq ka wranaiqshe khusang maq mirümkom laq. Kiimaq Tatiwe ka namshiq wiitarü rai misi laq.