WEAWEA 6:12 - ASII LAKDAP Bible (BSI)

¹² Kiimaq apaiq akhing ka Tatiwe ma thongshi ri hali Najiraiq phan ma jawan miitu kiinong kewan nong ratlo. Kongkhu lak na apaiq khum kiinong kuq wantaq kra akhing lea wantaq kriika wea mak she miraq. Jamkhano ngukla akhu asii athü wan kriika atiishe shi riiwanto. Kriikha na apaiq raq thongshiri athamke honglu arawii wiishi skuse ka ke wan chang.

Hawa Naga Bible 2001

¹² Naziri nuex nyuip jix muex miqmac pumz kuex lauk shiz lekuy yek rax. Vkhux mul shuy shac kaz tueq shex ningkhvnc nuex kungkhux wawc bomkhvmc vtaq kuex bac kaz shex. Piq rueq mvrax kvdawc shomc kuy muex wawc shiz khelbuenx saz kuex lvmc lvy rax.

WEAWEA 6:12 Referencias Cruzadas

DUNGWVNC 12:5

Namshiq raq nyamse ka skuse lo riimakla chhechhise tsea mimai. Shatmaq kriika apongse arawii wiishi akhum ka nyeajokjok phintsaqtsaq jamlai ami atsi ahü riichang.

EJEKIEL 18:24

“Shatmaq, kechu maiqse ashi raq riikhaqli jaqsham kra thaq baiq raüta, ümchuwa abi jaqsham thun kriishe kloho raüla, abi maiqsetiim raq shamtlaq maiqphai asi thun kra shamho raüla, apaiq ka atra misi sha? Simak! Apaiq raq ümchuwa kechu jaqsham wantaq thun kriika tsan na thümak she miraq. Apaiq ka mitsai, jamkhano ngukla apaiq ka Tatiwe wokhong wa donghoto raüta, apaiq raq ngarai thun tangto.

LEWI 14:24

Ramwe raq kra sku pongse kra nai olip tai kra milam wan. Raüta Tatiwe ma akhek atiitsang kongphiq ramwe miitu mikuq.

LEWI 5:6

Kiimaq apaiq ngarai kra tham miitu apaiq raq Tatiwe ma sku kaü ashi, riimakla chhechhi kaü ka honglu na kewan ratlo. Raüta kriiwe ngarai miitu ramwe raq nyamse ka honglu na mitaa.

LEWI 5:7

Kiimaq maiq weshi ra raq sku kaü lo kiimaq chhechhi lo kriimin kuqlot mak raüla, apaiq raq apaiq ngarai tham miitu Tatiwe ma haütaü kaünai riimakla paro kaünai ka honglu na kewa ratlo, kaüshi ka ngarai-honglu miitu kiimaq kaüshi ka chaqtlii-honglu miitu kewan ratlo.

WEAWEA 6:11

Raüla ramwe raq kaü shi ka ngarai-honglu na mikuq. Kiimaq kaüshiti ka chaqtlii-honglu na mikuq. Raüta ramwe raq apaiq khum maiq maa na tiithan kha ashe jakitaq kra tiisii wan mrochhi jaqsham kra miklo. Kra ranaiq sii hali kriiwe raq akhu dap ka thongshi ri hali kiinong kewan nong ratlo.

WEAWEA 6:13

Ümtiikiiwa Najiraiqwe raq apaiq sinkham akhing kriishe khoi raüla, apaiq raq sinkham shiikhoi akhing ka milam. Apaiq ka Tombutiip na wachang kilamchong kiiniishe miwa.

Matthew 24:13

Shatmaq jurwa atiisup na saüli ngi ma kamwan tlaq, kriiti kli mitiichhii wan lot.

Matthew 3:15

Shatmaq Jesuq raq abom ka akha treto, “Ümchaü lak na riiwe ka ngi raq ümniima jamlai wa thaü tiikang, kli sham laq. Arka, Shiikeawe raq kechu jaqsham kiimung ümchuwa thapthi wantaq kra tiikupi wan jaqsham.” Riita, krai mren Johan raq apaiq ma jaq ka sham kuq wanto.

James 2:10

Jurwa tri poshi jintlaq, kriika thungtri wiita jin miishe mija.

2 John 1:8

Arkha maq, namshiq ka honkam shat maq sirong laq. Naishiq raq ümchuwa hun nü wan kai kra atu na moki mak chang miitu, shatmaq nashiq raq poksi kra kunkun lap wan li chang, honkam shat maq sirong laq.