WEAWEA 5:18 - ASII LAKDAP Bible (BSI)

¹⁸ Kra raütiishe apaiq raq jechak nyung khudap kra adü mirbaiq. Raütiishe apaiq raq jaili wongwin honglu kra kriinyung jaq niishe mithii. Kiimaq ramwe raq apaiq jaq na nüchhong win pin na akhapwiq kham manson tiinikai chang kra ajaq na misham.

Hawa Naga Bible 2001

¹⁸ Kvruex yimaq piq rueq yalxjuik nyuiuz khux mul kuex jalc ruiux shomc kuy juing wungwanx kuex piq yauk kvyuq htawc kuy rax. Shomc waz rueq vyauk nuex vkhuip mvnhttonc kuy juing tix httax yaq tuik kuex shuimc rax.

WEAWEA 5:18 Referencias Cruzadas

TAKSU LAK 5:4

Shatmaq atiisup na apaiq ka, akhap akhiq pechong ma jakitlo. Atiishudaq wali she misi haü.

THARC TVLUINGC 7:26

Ngi raq maiqse rilung na phanshi chhi wan kang. Kriika tsailam khobok nam ma akhap pinthum. Kriika jechak abi nyung kra. Apaiq raq ümnaq lungwii tlaq kriika ümnaq min rai chang bi atsan. Kriika wushi tiimin chang chiiq achan ikha. Kiimaq ajaq maq ümnaq pomtlaq kriika jinraü kharü ikha ümnaq mikhaho. Jurwa Shiikeawe tiichochi tlaq kriiti kli kriinyung thiikho wa mitiichhii lot. Shatmaq apaiq raq ngarai maiqse ka mikhaho.

ISAIA 38:17

Itsi chamchao ka hansang miishe mija wan. Ümniiraq ngi ka phanrap haisi chang wa tiichhii laü; Ümniiraq ingarai thun wiita diikuqlaü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

LEWI 13:45

Maiq ümriiti khum niiwa thabi tsi asi, kriiti riika wunthaü riinaü khu akhea kriili sam ratlo. Raüta akhu ka thaihü miili thü chang. Raüta atheaphi ka hiq nü nü ba ka khea maq pangshat riichang. Raüta apaiq raq nanok ma, “Ashe, ashe!” nguta chiiriim raüta khumchang.

WEAWEA 5:15

Akhnok kha she nguraüla, tsangwe raq tsang-nyung ka ramwe phana shea wan chang. Kiimaq apaiq raq tri na chongtlaq kra phan phan honglu kechang jaili wongwin kilogram shi lam wan ratlo. Shatmaq apaiq raq olip tai ka kriijaq nyuk raamak. Riimakla kiijaq jamlai homseng min thiidam maimak. Jamkhano ngukla arka awese raq tsang-nyung ma tsan tiikan kha nyantlaq kra miitu, tengtlaq bomtsi kra tiidong khot ma akuq honglu.

WEAWEA 5:17

Raüta apaiq raq asii kham kiiwa wiijam ka lam raüta hamlii nüchhong win pin na mithii. Kiimaq Tatiwe asi Tombutiip mong wiithung kiiwa hiq da ka mitsun. Raüta kra khampin mong na kham ka akhapwiq ma tiijabaiq miitu mithii.

WEAWEA 5:19

Kra raütiishe ramwe raq kra jechak nyung kiima ramwe apaiq raq tumkham bomtsi chongtlaq kra phan phan akha bomlaq nguta michong: “Ümniiraq maiq rai sethoq jaki maü dea jiila, ara tumkham raq ümdü na manson ka tiinilot mak miraq.

WEAWEA 5:22

Kiimaq ara kham arka ümwok mong na minyap wanlaq. Raüta ümwokpo ka atiichhang she mirbaiqlaq. Kiimaq ümhupsam ka shinriiqriiq aran she mirkilaq.” Kiijiishe krii-nyung raq bom ka akha mitre, “Ngi raq ikiq rom dam tiikang. Tatiwe raq kiikhiitiq miklolaq.”

1 Corinthians 11:15

Shatmaq jechakre miika, khu alu thü ka pinthum sham tiisap chang. Shiikeawe raq apaiq ma akhu aluwiq kuq tiika, akhu pang ma nguta kuqto.

1 Corinthians 11:6

Jechak nyung raq akhu pang mak maq siraüka, akhu ka asi arbaiq ikhli miraq. Riita jechak nyungshi ma akhu sibaiq miika jeasi jonghea. Kriikha maq akhu ka aphop riichang.

TRI CHONGKE 29:18

Tsan na atsi dada maq ümchaü ranaiq arjaq ümchu wa chap tlan, kriiwa, juwe riimin, junyung riimin, juta riimin, riimakla juwe raü riimin, Tatiwe nashiq Shiikeawe wokhong wa dongho raüta maiq mung ahinti thun sumla phra kong kra shomnoq ho raamak. Akhla riihaüla, pecham arang ka akhapwiq kiimaq maiq chok chang phan pechong ma jong wan tlaq ikha miraq.

Hebrews 13:4

Maiqta khan na, maiqlam poi ka wiitarü raq pinthum shreng chang. Ata awii ngutiishe sitlaq kriika, awesetiim nai atanyungtiim liipan na, pinthum riilung riiwii maq siwan raa tlo. Jurwa ashong angawi she maq, maiq ahinti rai sethoq jaki tlaq, kiimaq maiqchak maiqse rai sraki tlaq, kriiti ka, Shiikeawe raq thaq mak, kha mitiiho.

1 SAMUEL 15:32

Kiijiishe, Samuel raq, “Hokhamwe Agag ka ana iphana sheawa rongkiq” nguta aming kuqto. Krai mren, Agag ka apaiq phana ahaisitsi ma tiikhai rokrok kito. Atsan mong na, “Maiqjaq na tsai ka akhap pinthum!” nguta tiimato,