WEAWEA 4:12 - ASII LAKDAP Bible (BSI)

¹² Raüta tsangshiq raq Asii Khok na langchang tak apin thun kriishe milam. Raüta kriithun ka khea wai thum maq thop chang. Raüta nintata ngamkhü diim maq arthun arthaq na pang chang. Kra raütiishe kra pichang chamwii kiijaq tiida chang.

Hawa Naga Bible 2001

¹² Tsuinghez rueq Vsawc Baung nuex shuimc juing hup vsvmx lotlaz kuex khvymvnz khuingc wuil maq puingc ruiux, kvruex htauk kvyuq nyenz taungtaung hvlc ngvmx khuix mvnz maq puingc vtueq pic juing pvrrawx htauk nuex tvdaungc tvy rax.

WEAWEA 4:12 Referencias Cruzadas

1 KAÜWA WERAÜ 9:28

Lewinok ahinti thun ka noqku na langtlaq tak apin thun kra liiko arang hoti riito. Tsangshiq raq tak apin thun kra noqku akhing na lang tlaq akhingtek na alamho niimin aheawiq maq wea raüta kuqtlo, kiimaq ajang riiwan tlaq akhing niimin, aheawiq maq awea raüta jaü thütlo.

1 KAÜWA WERAÜ 9:29

Kiimaq Lewinok maiq abiti thun riika, asii hupsam thun ümchuwa sitlaq kra liitlo. Kiimaq Bunwong, spiqtai, olip tai, homseng, kiimaq süse tapan thun kra liitlo.

2 KAÜWA WERAÜ 4:11

Kiimaq Huram riika takkapo setiim, atsoq baiq chang belcha thun, kiimaq sorija pin thun min loto. Apaiq raq Hokhamwe Solomon ma Shomjam na lang chang hup asam thun miklo kuqha nguta kiqkham kuqtaq thun kriika kunli thum thum klo kuqto. Kriika arthun ara: Toqpum kham anai Toqpum kham khupo wiinai na nüchhong winpin ikha khuphok anai Toqpum kham khupo wiinai na miiki ngam maq alo sairaü setiim riiwat riiwat raüta tiimiikhiiq loto. Miiki ngam maq alo pomegrenet petsi shiblai ka kra toqpum kham khupo wiinai na len nai na riithong riithong lo raüta tiimiikhiiqto, leng setiim roqshi besin winpin roqshi khamtum kaü kra khamtum kaü tiingachang minsaü pongwetiim roqshi ri anai kra takka posetiim, belcha thun, kiimaq lakkong shuk thun kra kloto. Phanrap sham akai na taksma pinthumwe Huram raq arthun hup asam ara awongsii miiki ngam maq Hokhamwe Solomon raq Tatiwe Shomjam na lang ma klolaq nguta apaiq ma jamkho aming kuqtaq kra phan phan kloto.

2 KAÜWA WERAÜ 4:19

Kiimaq Hokhamwe Solomon raq Shomjam na lang chang hupsam ka chaq ngam maq tloto: Berongwacha kiimaq Shiikeawe ma akuq winsii thun phong chang chamrii thun kra;

2 KAÜWA WERAÜ 4:22

lem tiimat baiq chang thun kra, nüchhong winpin thun kra, homseng honglu thü chang winpin thun kra, kiimaq wachan wiiwatam maq tsobaiq chang winpin thun kra riito. Arthun hupsam arka chiisan chaq ngam maq siisaq alo. Kiimaq Shomjam jam kinphai kilamchong thun nai Asii Thaq Niimin Asii khok kilü thun kriika chaq ngam maq siisaq job loto.

DUNGWVNC 25:5

sku pongse khü riiqshii maq atsi; nintatahea ngamkhü; akasia-pe;

DUNGWVNC 25:9

Ara tiip ka hailaq. Laüta kriika Ngi raq jamkho mitiichhi kuqha kra phan phan mitiimiikhiiq haü.

DUNGWVNC 31:10

ramwe Aron nai asetiim rohun tsomhea, tsangshiq raq ramwe jaqsham akhing na samtlaq akhea thun kra,

WEAWEA 3:8

Tsangshiq raq Tombutiip na lang chang hupsam thun kra tsrupriiq arang miho. Kiimaq Israilnok miitu jaqsham chang ümchu wa sitlaq kra misham.

WEAWEA 4:11

Kra lot raütiishe tsangshiq raq khea wai thum ka chaq berong-wacha thaq na tiipii raüta pang chang. Raüta kriithaq niika nintata ngamkhü diim kriimiishe pang chang. Kra raütiishe kra pichang pepum wiinai kriishe apichang kom mong kiiniishe mirei.

WEAWEA 4:13

Raüta tsangshiq raq ngampü thakotkot wabun na adarai kra berong-wacha kiiwa atso baiq chang. Raüta mintiitii kheathum kra kriithaq na tiipiisaq pang chang.

WEAWEA 4:6

Raüta tsangshiq raq nintata ngamkhü diim maq ara pang baiq chang. Raüta kriithaq na khea wai thum ka tiipii laüta pang chang. Kra raütiishe tek kaü pichang pepum wiinai kriishe apichang kom mong na rechang.

WEAWEA 4:7

Kiimaq tsangshiq raq Tatiwe ma akuq winsii thüchang chamrii thaq na khea wai thum kra tiipii laüta pang chang. Raüta kriithaq na winpin thun kra, homseng honglu chaq chang nüchhong pinsetiim kra, hongluke chang nüchhong pin thun kra, kiimaq spiqtai honglu kechang tsabum thun kra thü chang. Kra chamrii thaq niika winsii ka wranaiqshe siruq riichang.

WEAWEA 4:9

Raüta tsangshiq raq khea wai khea kra milam. Raüta kriimaq lem tochang khamchong nai lem thun kra, kiipsetiim thun kra, ado chang pin thun kra, kiimaq olip tai thüchang hupsam thun kra wiita mipang.