WEAWEA 36:2 - ASII LAKDAP Bible (BSI)

² Raüta tsangshiq raq akha nguto, “Tatiwe raq ümniima ara mung wa hiq ka Israilnok mungmaiqse ma lang lü laüta chumkuqlaq nguta aming kuqto. Kiimaq apaiq raq ümniima naishiq ma tanyang Jelophechad tachong hupsam ka asetiim jechak setiim kiima kuqlaq nguta aming kuqto.

Hawa Naga Bible 2001

² Tsuingshiq rueq, “Yehowa rueq Israel miqsaz muex hangchac maq ghaqphux phvlc kuy tvkoc mnoz muex nvr tueq. Vpiq rueq nuiyshiq muex taungnyuing sanox Zelophehad piq saz yalxjuik sahez tvkoc piq tsak jungx ghaqphux kuex kuy tvkoc mnoz muex nvr kv-phux.

WEAWEA 36:2 Referencias Cruzadas

YOBA 42:15

Job setiim jechak sere shamhea khan ka mangjong hiq na jumin ahü riito. Awe raq tsangtsam ma, aphutiim maiqwe sere ma jamkho tachong hupsam pheakuqtaq kra phan phan jechak setiim miimin tsangshiq rii tachong tsiiq phea kuqto.

WEAWEA 33:54

Lanta hiq ka maiq phan thun liipan na kiimaq aweraü liipan na, lang lü lanta, aweraü apati miika tachong hiq shong kiimin ajong kiimaq aweraü atsapti miika hiq kiimin aran chumkuq ronglaq.

WEAWEA 36:3

Shatmaq tsan na tiitsang laq, tsangshiq raq maiqwere ka maiq phan ahin phan ma wawan haüla, tsangshiq tachong hupsam hiq ka kra wa wantaq maiq phan tachong hupsam miishe mijaki. Krai mren, naishiq aphan rii hiq achumkuq kra ajom mirki.

JOSHUA 13:6

Arthun arka Sidonnok mung kunli, ku akin wang maq phaho raüta, Lebanon Pum Thun kra, kiimaq riita Misrephoth Maim chela na saüli. Ngi raq armung thun wa maiq ka Israilnok raq jamkho khat wan raüta hiq ka jiiwan tlaq, kra phan phan wiita mijobaiqha. Ümniiraq armung thun ka, ngi raq ümniima aming kuq kang kra phan phan, chum laüta pheake wan ratlo.