WEAWEA 34:6 - ASII LAKDAP Bible (BSI)

⁶ “Shenyap nü mung hiq trai ka Mediterenian Khamjong kii wiilü kra miraq.

Hawa Naga Bible 2001

⁶ “Shalx nyuip kox ghaqruiy kuex Mediteranean kawx maq ruiy rax.

WEAWEA 34:6 Referencias Cruzadas

EJEKIEL 47:10

Khamraisetiim thun Engedi hiq mong maq dongtlaq kriimaq phaho raüta, Khamraisetiim Eneglaim hiq mong maq dongtlaq thun kiina saüli jükhü phan phan ka kra khamjong chum kii wang binjü kiijaq ngiqlam seati maiq pahea miraq. Kiimaq tsangshiq raq tsang chiiq thun ka kiijaq rashekii na atiiwe ma milam. Kiijaq ngi ka phanrap phanrii Mediterenian Khamjong chum na sitlaq kiikha asi miraq.

EJEKIEL 47:15

“Shekhu nü wa hiq rai ka Mediterenian khamjong rai kii maq pha wan raüta shedong nü na Hethlon chela na saüli, kriimaq riita Hamath pumchit kiina saüli, kiimaq riita Jedad chela kiina saüli miraq.

EJEKIEL 47:20

“Shenyap nü wang hiq rai ka Mediterenian Khamjong chum kii wang kra phan phan wawan raüta shekhu nü na Hamath pumchit maq shekhu nü binjü kiina saüli miraq.

WEAWEA 34:5

Kriimiishe ka Ejip mung rai hiq trai hiq thung tan wang nü nü niishe mikiho. Raüta Mediterenian Khamjong kii wang niishe misupki.

WEAWEA 34:7

“Shekhu nü mung hiq rai ka Mediterenian Khamjong kii maq wapha wan raüta Hor Pum kiina miwa wan.

TRI CHONGKE 34:2

Raüta Naphtali phan wang ka wiita hamli raüta Ephraim phan wang nai Manase phan wang kra hamli maq tiichhikuqto; kiimaq Juda phan wang kra hamli raüta, Mediterenian Khamjong kii na saüli tiichhi kuqto.

JOSHUA 1:4

Namshiq hiqshrit ka shemai nü na kumtsaiphii mung kriimaq pha wan raüta, shekhu nü na Lebanon pum thun kiina saüli. Kiimaq shedong mung nü miika, Euphretis jürai jonghea kiimaq phaho raüta, Hitaiqnok mung binjü thun hamho tlii raüta, shenyap nü na Mediterenian sammok tra jükii kiina saüli miraq.

JOSHUA 15:11

Kriimiishe hiqrai ka Ekron kin maq shekhu nünü kiiniishe rai wanto. Raüta Shikkeron chela nünü kiiniishe rai wanto. Raüta Baala Pum kra jin saq rai wanto. Raüta Jamnia chela kiiniishe rai wanto. Kriimaq rai wan raüta. Mediterenian Khamjong kii kiiniishe tiisup wanto.

JOSHUA 15:12

Riita ara Mediterenian Khamjong kii lam phanphan she wawan tlaq arka shenyap mung nü hiqrai riito. Juda phan phan wa aweraü thu ka ara hiqrai mong binjü na sitlo.

JOSHUA 15:47

Kiimahali Ashdod nai Gaja chela kriimin kra tro binjü wa chela aran setiim thun nai hiqshong thun kriimin nong romshaq raüta Ejip mung rai hiqtrai na jüraise kiina saüli kiimaq Mediterenian Khamjong kii na saüli riito.

JOSHUA 23:4

Ngi raq namshiq maiqphan thun ma tachong hiqshong miitu, Kanan mung wa maiqmung thun mijii wan han shaq sitlaq kra, kiimaq ngi raq maiq mung thun shedong nü mung wa Jordan Rai maq riita shenyap mung nü na Mediterenian Khamjong kii na saüli kra khat lata jiiwan kang thun kra chumkuq kang she.

JOSHUA 9:1

Israilnok raq rekhat tang wantaq thun tsütsa ka, Jordan rai maq shenyap mung na siti maiqmung thun kunli niishe nyam wanto. Pum na siti mung thun na, pumjiji na siti mung thun na, kiimaq Mediterenian khamjongkii mung thun kiijaq nyam wanto. Hiqkhu nü wa Lebanon mung kiina saüli nyam wanto. Riita ara hokhambi thun arka, Hitaiq mung, Amoraiq mung, Kanan mung, Perijaiq mung, Hiwaiq mung, kiimaq Jebusaiq mung hokhambi riito.