WEAWEA 34:2 - ASII LAKDAP Bible (BSI)

² Israilnok miitu arthun tri raütu ara kuqto: “Ümtiikiiwa namshiq ka Ngi raq kuq tiikang Kanan mung niishe misaü han, nam mung hiq rai thun ka akha miraq.

Hawa Naga Bible 2001

² Israel miqsaz htenc tvkoc vkhoc tvkhic jungx kuq tueq: “Nuimshiq kuex ngaz rueq kuq phaungx Kanaan mungx kvyuq httuiuc waung ruiux yuq, nuimshiq rueq guimz shuinx ghaqruiy kuex vkhoc rvtueq.

WEAWEA 34:2 Referencias Cruzadas

RAPHA HIQWA LAK 10:19

Kriika Kanan mung hiqrai ka Sidon chela maq riita hiqmai nü mung na Gajar chela tho na Gerar chela na saüli she riito. Kriimaq shedong nü nü niika Sodom, Gommora, Adma, kiimaq Lasha chela tho na Jeboiim chela na saüli riito.

RAPHA HIQWA LAK 17:8

Ngi raq ümniima kiimaq ümlai ümla thun ma, arhiq ara ümchaü ümniika wanwe sitlaü ara mikuqha. Kanan mung kunli ka pattup pat-sa miitu ümlai ümla phan rii she miraq. Kiimaq Ngi ka tsangshiq Shiikeawe she mirha.”

Tvtsvmc 105:11

“Ngi raq ümniima Kanan mung ka mikuqkang,” nguta apaiq raq nguto. “Kriika ümniima tachong hupsam.”

DUNGWVNC 23:31

Ngi raq ümhiqshong trai ka Agaba khamjong Nongchum maq riita Mediterenian khamjong chum na saüli kiimaq kumtsaiphii rumnyangkhi wang maq riita Euphretis Rai na saüli mirai kuqha. Ngi raq ümniima armung na sitinok thun kra khat wan miitu ningkun mikuqha. Kiimaq ümniika sinkhu na wawantlaü kra phan phan tsangshiq ka mijobaiq wan haü.

JEREMIA 3:19

Tatiwe raq ngutlo, “Israil lei ngi raq ümniika ise ma tiija wan tiima kang, kiimaq ümniima peohea mung kewan tiima kang, mangjong tlotli na pinthum hiqhea. Ümniiraq ngi ka iwe nguta hea wanlaq nguta thapthi wan kang, krai mren ümniika iwokhong wa ümtiikiimin dongho maimak she.

EJEKIEL 47:13

Tati Rakaü Hiqwe raq nguto, “Maiq phan phanroqshi ri phannai liipan na chumke chang hishong trai ka ara. Joseph saüse phan riika mannai rii lapchang.

EJEKIEL 47:14

Ngi raq atiitum lata namtitiim ma ara mungtan ara mikuq kang kiimaq armung ka namshiq raq milap han nguta kiq khamkuq kang she. Riita ümchaü sanha ara mung ara namshiq liipan na riingea riingea chhaq maq riichum lanta riiphea ronglaq.

WEAWEA 34:1

Tatiwe raq Mosheq ma

Acts 17:26

Apaiq raq maiq ka weshi tiiq wanto she. Kiimaq kriiwe lai wiishetiq, maiqphan ka pahea tiipu wanto. Raüta ara mangjong hiq ara hamli niishe tiisi wanto. Tsangshiq ka ümriiba na shongnga chang wa kra, asi anga wan chang jamkhü wiirü thun kriimin, kongkhu miiphü thapthi wanje she tiihong raüta thü wanto.

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

Ephesians 1:14

Nashiq ma, Asii Wenyi kuqtaq arka, Shiikeawe raq asengi ma kongphiq mikuq ha nguta kiq khamkuqtaq kra arshe dea nguta bom tiipha shat wan she riito. Kiimaq Shiikeawe raq asengi ka awongsii wasetiim miishe dea tiija wan tlo nguta tri raü kha tiipha shat wan she riito. Ümchaü sanha apaiq khushü jonglu kriili she tiitsam kam rong i!

Ephesians 1:18

Arkha maq, ngi raq namshiq ma chongkuq tiipha ara, namshiq tsantsii kilü ka dilanta, apaiq raq tli kuq tlaq rawüli kra sap ronglaq. Kra wenyi rawüli kra miitiq tiina, apaiq raq namshiq hea wantaq tsantsii ranphan tlan, alap wan chang sitlaq thun kra mitak wanlot han. Shiikeawe raq asengi ma mikuq ha nguta khamkuqtaq, kra achu shiiman ka nashiq raq nü maq achong aphan min lot mai, rahea phan sitlo.

JOSHUA 11:23

Tatiwe raq Mosheq ma aming kuqtaq kra phan phan, Joshua raq mung ka kunli jiiwan raüta lapto. Raüta Joshua raq Israilnok ma tsangshiq tachong hiqshong miitu kuqto. Raüta maiqphan aweatek ma, maiqmii riirii hiqshong tiikho chumkuq raüta phea kuqto. Kiimaq, Israilnok ka mungtsing mungngang miishe shongnga wanto.

JOSHUA 13:1

Joshua ka ümchaü tikiishe. Tatiwe raq apaiq ma nguto, “Ümniika ümchaü tikiihea she. Shatmaq mung alap chang ka ümchaü min taqtaq asi shaqli:

JOSHUA 21:43

Riita man na Tatiwe raq tsangtitiim ma mung mikuqha nguta kiqkham kuqtaq kra phan phan she, Israilnok ma mung ka tlotli she kuqto. Riita tsangshiq raq mung ka lap raütiishe, tsangshiq ka kiijiishe shong wanto.