WEAWEA 34:12 - ASII LAKDAP Bible (BSI)

¹² Kriimiishe ka Jordan rai khü phan phan shemai nü wang kiiniishe mikiho. Raüta Amaa Khamjong Chum kiijiishe misupki. “Siimblai ri wa nam mung hiqtrai ka arthun ara miraq.”

Hawa Naga Bible 2001

¹² Ghaqyaz kox Yodan ruilx tv-phvnc kaz wvnc vtueq Yuix Maungx Jumx nuex tvsuip kay rax. “Kvruex kuex nuimshiq rueq lvp juing ghaq vraungx ghaqruiy rvtueq.”

WEAWEA 34:12 Referencias Cruzadas

RAPHA HIQWA LAK 13:10

Kiimaq Lot raq hiq ka tro tri liito. Raüta Jordan rai Tan kra chhito, Joar hiq shong na saüli, kham ka chamtraq, Tatiwe sonruk ikha, riimakla Ejip mung ikha chhito. (Arka Tatiwe raq Sodom nai Gommora chela ka mitiithenbaiq shaq na riito.)

RAPHA HIQWA LAK 14:3

Ara hokham webiingi arka adam na pongto. Raüta tsangshiq phenlabi thun ka kongshi maq Siddim Tan na riichomto. Arka ümchaü Amaa Khamjong Chum miishe jakito.

DUNGWVNC 23:31

Ngi raq ümhiqshong trai ka Agaba khamjong Nongchum maq riita Mediterenian khamjong chum na saüli kiimaq kumtsaiphii rumnyangkhi wang maq riita Euphretis Rai na saüli mirai kuqha. Ngi raq ümniima armung na sitinok thun kra khat wan miitu ningkun mikuqha. Kiimaq ümniika sinkhu na wawantlaü kra phan phan tsangshiq ka mijobaiq wan haü.

EJEKIEL 47:13

Tati Rakaü Hiqwe raq nguto, “Maiq phan phanroqshi ri phannai liipan na chumke chang hishong trai ka ara. Joseph saüse phan riika mannai rii lapchang.

WEAWEA 34:11

Kriimiishe shemai nü nü na Harbel hiq kiiniishe mikiho, kiimiika Ain wang maq shedong nü nü niishe mikiho. Kriimiishe ka Gelili Thamchum maq shedong nü wang na ku akin tonglong wang kiiniishe mikiho.

WEAWEA 34:13

Krai mren Mosheq raq Israilnok ma nguto, “Namshiq raq lang liilanta lap wan chang hiqshong ka arthun ara, Tatiwe raq namshiq maiq phan tiikaü ri phanthiq ma apheakuq wan hiqshong ka arshe.

WEAWEA 34:3

Shemai nü hiq rai ka Jin bintang jüngi wang maq pha wan raüta, Edom mung hiq rai kra phan phan miraq. Kriika shedong nü mung na, Amaa Khamjong Chum shemai nü siim kriimaq mipha wan.

JOSHUA 13:1

Joshua ka ümchaü tikiishe. Tatiwe raq apaiq ma nguto, “Ümniika ümchaü tikiihea she. Shatmaq mung alap chang ka ümchaü min taqtaq asi shaqli:

JOSHUA 15:5

Shedong mung nü wa hiqrai ka Amaa Khamjong Chum kii kra phanphan rai wan raüta, shekhu nü niika, Amaa Khamjong Chumkhupo na Jordan rai dongkai chang ba kiina saüli riito. Shekhu nü mung hiqtrai ka kriiba maq shekhu nü nü na wawantlo.