WEAWEA 32:3 - ASII LAKDAP Bible (BSI)

^3-4 “Arwang binjü na Tatiwe raq Israilnok ma tiijii wantaq--Ataroth chela, Dibon chela, Jajer chela, Nimra chela, Heshbon chela, Eleale chela, Shibma chela, Nebo chela, kiimaq Beon chela thun arka--nyamse rüm ma hiq hea wiq. Kiimaq naishiq jaq niika nyamse kong pahea.

Hawa Naga Bible 2001

^3-4 “Yehowa rueq romc lawc kuy ningkhvnc nuex Israel miqsaz rueq vlvp wvnc Atarot, Dibon, Jazer, Nimra, Heshbon, Eleale, Sibma, Nebo nuiyc Beon ghaq htenc httax yaq hong kuex suiux vmanx remc muex ghaq hvlx rvtueq, nuiyshiq kuex suiux vmanx paunghvlc httax yaq.

WEAWEA 32:3 Referencias Cruzadas

NEHEMIA 9:22

“Ümniiraq tsangshiq ma, mungrap mungrii khat kuq wan laü. Tsangshiq hiq rai wa, maiqmung ahin thun khatkuq wan laü. Tsangshiq raq Heshbon mung langti, Sihon hokham ka long wanto; raüta tangto. Kiimaq Bashan mung min long wanto. Raüta tsang hokhamwe, Og ka tangto.

ISAIA 15:6

Nimrim khamraise kiimin ariishe riikito. Khamrai kiitro wa sangphii ka wiita ajung she riikito. Kiijaq nyiim sang waichat chat ka ahüshe.

JEREMIA 48:1

Tati Ningkun Ajongwe raq Mob mung miitu akha nguto: “Nebo chelati ma mangchan tsi— tsangshiq chela ka tiithenbaiqto! Kiriathaim chela re raq jiiwanto, chela tro kiitelong ruk ka tiibunbaiqto, kiimaq chelati ma jea tiingaüto.

JEREMIA 48:2

Mob mung khushü jong ka thumto. Re raq Heshbon chela ka jiiwanto, kiimaq Mob mung tiithenbaiq miitu thiikho thuto. Madmen chela ka kaiqshakshak she; re raq kra milong wan.

JEREMIA 48:32

Ngi ka Sibma chelati miitu ka Jajer chelati miitu thaq na apa mihoqha. Sibma chelati lei, namshiq ka spiq tsung, akü ako thun ka luhea na saüli Amaa khamjong chum kra tlea phok phok raüta, Jajer chela na saüli jongtlaq ikha sitlan. Shatmaq ümchaü ka ümtsi raju ji na tsitlaü kra nai spiqtsi thun ka tiithen baiqto she.

JEREMIA 48:34

“Heshbon chelati nai Eleale chelati lei, hoqtrang rong laq. Kiimaq tsangshiq hosiitrang ka luhea na sitlaq Jahaj chela miimin tiitaitlo. Kriika Joar chelati riimin taitlo. Kiimaq alu pinthum na siti Horonaim nai Egla Shelishija chela miimin tiitaitlo. Nimrim jüserai kra dongdii min trütha she shinkito.

JEREMIA 48:45

Ngila nguraü munglu wansha apin jin rai mungmaiqse kong ka akhing ashi na Sihon Hokhamwe raq langtaq Heshbon chela kiina, tiiwong wan julai nguta pintrangtlo. Shatmaq kra chela ka wa maq achaq baiq kun she khiimphaqtlo. Wa maq Mob mung tro thun ka achaq baiq kun she. Kiimaq Mob mungti rekhat lung wiiti srea jongbi thun ku-akin thun na siti bi ka wa maq wiita she chaqbaiqto.

EJEKIEL 25:9

Ngi raq Mob mung hiq rai na chela thun sitlaq kra re tiiwa lata mitiikhatha. Pinthum ahea chela thun Beth Jeshimoth, Baal Meon, kiimaq Kiriathaim thun kriimin nong nong mitii khat wanha.

WEAWEA 21:28

Man na ara Heshbon chela armaq, Sihon phenlabi thun ka waniitu ikha rekhatkai wawanto; Raüta tsangshiq raq Mob mung wa Ar chela ka khat raüta tiithen baiqto Kiimaq Arnon rai jükhü nü wang kin thun phaqbaiqto.

WEAWEA 21:30

Shatmaq ümchaü tsangshiq saüsetiim ka wiita she jiipbaiqto, Heshbon chela maq riita Dibon chela na saüli, Kiimaq Nashim chela maq riita Nophan chela na saüli, Medeba hiq tho na saüli tiithen baiqto.”

WEAWEA 21:32

Kiimaq Mosheq raq siwebi ka Jajer chela khat wan chang lam kra siwa tiiwato. Israilnok raq kra chela ka khatto. Raüta jiiwanto. Kiimaq kra tro wa chela thun kra jiiwanto. Kiimaq kiijaq siti Amoraiqnok ka wiita jobaiqto.

WEAWEA 32:1

Reuben phan nai Gad phan jaq niika jam nyamse kong pahea. Krai mren tsangshiq raq Jajer wang nai Gilead wang binjü ka nyamse rüm ma hiqshong ka thep chhito.

WEAWEA 32:2

Kriikha maq tsangshiq ka Mosheq nai Eleajar phana, kiimaq mungmaiqse welabi ahinti phana wato. Raüta nguto,

JOSHUA 13:17

Kriika Heshbon chela kiimaq pumthungtan wa chela thun kra wiita hamli na pheakuqto. Kra chela thun ka arthun ara: Dibon, Bamoth Baal, Beth Balmeon,

JOSHUA 13:19

Kiriathaim, Sibma, kiimaq kra tan wa kin kha na sitlaq Jerethshahar chela kra,

JOSHUA 21:39

Heshbon, kiimaq Jajar chela thun ka, kriithun tro binjü wa nyamse rümchang nyiimlung wakram nongnong pheakuqto.

PHOWEBI 11:26

Israilnok ka Heshbon chela nai Aroar chela na, kiimaq kra tro binjü na, chelaransetiim thun kra, kiimaq Arnon Rai kii wiilü wiilü na chela thun sitlaq na, rawii shi-tsam she shongtlo. Riita rawii atinkhan lea wantaq liipan na ümniiraq jamto jiiwan nong maü riilaü?