WEAWEA 30:13 - ASII LAKDAP Bible (BSI)

¹³ Awese raq achak sinkham lo riimakla achak kiqkham lo kra atiiku wan min milot riimakla ashkhoi baiq min milot.

Hawa Naga Bible 2001

¹³ Vtaungx waz kuex piq rueq taq tueq bomkhvrc, rvmuq ngoz ruiux bomkhvmc kuex tv-phaungx kuy vkhangx nuiyc tvthauk gay vkhangx httax yaq.

WEAWEA 30:13 Referencias Cruzadas

EJRA 8:21

Kra lot latiishe, manglaü wanhiq khum lam na Shiikeawe raq, lam mishea laq nguta, kiimaq nashiqnok ka nyungwe nosere rai, kiimaq nashiqnok tachong huk asam thun hoho tiikai kra, tung alam maq jam min ngusiq mak maq, hansang maq namung na saüho miitu, Shiikeawe man na aranse ma jalaita amaq achu jaü rong i nguta Ahawa chela mong na jürai kitlaq kra kii maq, ngi raq mungmaiqse ma aming kuqkang.

Tvtsvmc 35:13

Shatmaq tsangshiq atsi asi akhing na, ngi ka makphai khüshang hoqsiq wan kang; Tü adung min phaqsiq mang siwan kang; ngi raq hiq na ku lata achu jaü wan kang,

ISAIA 58:5

Namshiq raq amang maq achu jaü tlan akhing na, namkhum ka atuli tiichamchaotlan. Namshiq raq namtok ka sangjaqse jungtlaq raüta tiibatkitlaq ikha hiq na kuraqraq sitlan. Kiimaq wunthaü riinaü khea thum ka hiq na phiilanta tapkhu maq phong lantea bumtlan. Riita namshiq ma amang maq achu jaü ka akhiidea shea? Namshiq raq akha achu jaütlan arma Ngi ka michochi rai ngutiisha tiimatlan?

LEWI 16:29

Arthun thungtri arka pattup lang wan ruq ratlo. Jipi lümiishi she angu na kra jipi lüwa jiha raroq shi angu na Israilnok raq kiimaq pongmungti wanshanok tsangshiq rai sidamti raq amang maq achu jaü ratlo. Kiimaq kra ranaiq ka apii jamlai phan jaqsham kaiwa min mai mak.

LEWI 23:32

Jipi jiha ratiikaü raji rashe nyap jai maq pha wan raüta jipi jiha raroqshi raji rashe nyap na saüli ara khuliiq poi ara klo wan ratlo. Arka akhek atiitsang niitiitsak ranaiq ma lang ratlo. Ara ranaiq na jamlai phan phaq sea min maimak.

WEAWEA 29:7

Jipi lümiishi wa raroqshi angu ranaiq na noqku lom riitam ronglaq; tü adung min naq phaq siq rongkiq kiimaq minshiiq kai maimak.

WEAWEA 30:12

Shatmaq awese raq kra sinkham kra tai raüta tiiku wan maimak nguta tsang nyung ka ningtangho raükla, apaiq raq kra tiiku wan makli nguraü min jam raamak. Tatiwe raq apaiq mra ka adii mirkuq. Jamkhano ngukla awese raq kra sinkham ka tiiku maimak ngutiishe khiihoto.

WEAWEA 30:14

Shatmaq atawe raq atanyung raq sinkhamto nguta tsütsa ka taijai maq anap ranaiq niimin, apaiq raq ningtang mak raü jiila, apaiq raq sinkhamtaq kra, riimakla akiqkhamtaq kra apaiq raq tiiku wan raa dongdii. Apaiq raq achak sinkham kra taitaq ranaiq na ningtang mak dea kha maq, apaiq riimin sinkham kriijaq pongdam miishe jato.

1 Corinthians 11:3

Shatmaq namshiq raq ara bomtsi ara tiina atsaü maq sap ronglaq. Khristo ka maiqse angu wiitarü thaq na ajong akhupo. Kiimaq awese ka tsang-nyung thaq na ajong akhupo. Kiimaq Shiikeawe ka Khristo thaq na ajong akhupo.

1 Corinthians 11:9

Kiimaq maiqwe ka jechak miitu atiiq ka riimak. Shatmaq jechak ka maiqwe miitu atiiq.

1 Corinthians 7:5

Ashi raq ashi ma naq khun nü rongkiq. O, kiimaq namshiq sinyung siwe liipan na adam maq kiqri lanta, jaqlo miitu achu jaü ma nguta heashi liipan trai rii kla jam min bimak. Shatmaq tiina kra akhing kra lea jai she ka, ata jamkha sichang wa, kiikha singa i ronglaq. Akha singa han jiila, namshiq ka Thawe raq bi tsan tlaq kiiwa tiichhii shat mirhan. Arka namshiq liipan na maiqmii stiq skhaq alu silot man riitlan kra ningkhan ngutiikang.