WEAWEA 3:6 - ASII LAKDAP Bible (BSI)

⁶ “Lewi phan ka shea wakiq. Laüta tsangshiq ka ramwe Aron jaqshisetiim miitu shonglaq.

Hawa Naga Bible 2001

⁶ “Lewi phvnx kuex gvl vtueq shomc waz Arun yauk khung nuex nvrc waz ikhoc muex tsuinghez kuex thvlc tvy rax.

WEAWEA 3:6 Referencias Cruzadas

1 KAÜWA WERAÜ 15:2

Kra raütiishe apaiq raq akha nguto, “Lewi phan riili Tongshong Tek ka pichang. Jamkhano ngukla Tatiwe raq tsangshiq ka kra pishan miitu tseato, kiimaq pattup pat-sa apaiq shiililiike miitu shongto.”

1 KAÜWA WERAÜ 23:28

Raüta tsangshiq ma arthun jaqsham ara pheakuq wanto: Aron saüse phan raq ramwebi ka Shomjam na noqku jaqsham na khrum kewan chang. Kiimaq Shomjam rinkeathung thun kra kiimaq Shomjam khok thun kra shiililii chang, kiimaq asii hupsam ümchuwa sitlaq kra asii maq thü chang kra tsangshiq jaqsham.

1 KAÜWA WERAÜ 23:32

Tsangshiq ma Tatiwe asi Tombutiip kra nai Shomjam kra shiili liiwan arang kuqto. Kiimaq tsangshiq ma tanyang senobi thun, kiimaq Aron saüse phan ramwebi thun ka Shomjam na noqku akhing na jaqsham kra khrumke wan arang kuqto.

1 KAÜWA WERAÜ 6:33

Tsangshiq aweraü wea maq ara jaqsham wanti weraü mang thun ka arthun ara riito: Kohath weraü phan jaqsham wanti thun: Heman, apaiq ka apha shaq shaq khoja sheatiwe. Apaiq ka Joel se. Apaiq ma kaüwa weraü man phan ka Jakob pat na saüli riito. Kriika akha: Heman, Joel, Samuel,

2 KAÜWA WERAÜ 29:11

Isetiim lei, namshiq raq rahiq ka atu na naq shaphaq rongkiq she. Namshiq kata Tatiwe raq apaiq ma homseng chaqke miitu kiimaq mungmaiqse ka apaiq shomnoq na shunshea miitu tingsang atiitsang atsea raüta athü.”

EJRA 6:18

Kiimaq hali Jerusalem Shomjam na noqku akhingtek na sham akai ka, jamkhii sham wan chang wa, kra thun ka, Mosheq raq awaiqthü thungtri lakdap na chong tlaq, kra phanphan lang wan miitu, ramwebi nai Lewinok ma phanrap hon atsii ka samheawiq maq shrinkuq wanto. Raütiishe tsangshiq ma jaqsham ka phea-nyin kuqto.

MALAKI 2:4

Kra riiha jiitiq, namshiq raq ara aming arka ngi riidea akuqha nguta misap han. Krai mren ngi raq Lewi saüse phan ramwebi rai tongshong kang kra raükha ka tiipanki mak she miraq.

WEAWEA 18:21

Tatiwe raq nguto, “Israilnok raq Ngi ma aroq khuwa honglu kuqtlaq thun ka Ngi raq Lewinok miishe kuqbaiq kang. Arka tsangshiq raq Ngi asi Tombutiip shiili liitlaq kra miitu tsangshiq jaq maq she kuq tiikang.

WEAWEA 2:17

Kra raütiishe kongkhu na lamsheati kongnai wawantlaq kra heawea niika kiimaq jai na atiisup kongnai watlaq heawea niika Lewi phan raq Tombutiip haichang hupsam thun kra piraüta wa wan chang. Maiq phan kong thun kriika tsangshiq piitiip tei wantlaq na jamkho aphan alan khea chantlaq wokhong na siwantlaq kra tiiphan phan, alaü wan lam maq miimin kra phan phanli wawan ruq riichang. Maiq phan aweatek ka maiqmiimii phan alan khea chan wokhong na wawan chang.

WEAWEA 2:33

Tatiwe raq Mosheq ma aming kuqtaq kra phan phan, Lewi phan wa maiq ka Israilnok mungmaiqse rai wea dam mak dea riito.

WEAWEA 3:5

Tatiwe raq Mosheq ma nguto,

TRI CHONGKE 10:8

Pumji maq Tatiwe raq Lewi phan maiqwere ma Tongshong Tek kra shiili jaqsham arang kuqto. Kiimaq apaiq ramwebi jaqsham miitu kiimaq apaiq mang na ram ramke wan miitu shongto. Riita ümchaü min arthun jaqsham arka tsangshiq arang na sitlo.