WEAWEA 3:40 - ASII LAKDAP Bible (BSI)

^40-41 Tatiwe raq Mosheq ma nguto, “Israilnok setiim maiq wesere rawü chhikhu thun kriika Ngi rii. Kra ningkhan tsangshiq mang ka lakdam na waiq thülaq. Arawii jipi lüshi riimakla kriima alati ümchuwa sitlaq thun ka waiq thülaq. Shatmaq tsangshiq thun kra la na, Ngi raq Lewi phan kriishe Ngi rii nguta jaü wan tiikang! Ngi ka Tatiwe! Kiimaq Ngi riika nyamse chhikhu nyungtlaq kra rii na Lewi phan raq nyamse rümtlaq kra Ngi rii she nguta jaü tiikang.”

Hawa Naga Bible 2001

^40-41 Yehowa rueq Moshe muex ngoc, “Israel miqsaz wawc pekhux saz vngoz htenc kuex ngaz muex seng yaq. Kvkhoc rvtueq rullungx lex shiz maq htauk kox wawc pekhux miqwaz saz lotlaz muingc lvmz shuiuz. Yuq muinz kvruex hez kuex ngaz rueq guimz vshaungx miq muex thvlc wvnc laung nuex Lewi miqsaz htenc kuex thvl wvnc tueq! Ngaz kuex Yehowa rvtauk! Kvmaq nyvmx saz suiux vmanx nyuiuz phaungc sahez lotlaz kuex ngaz rueq guimz vshaungx muex thvlc wvnc laung nuex Lewi miqsaz wawc nyvmx saz suiux vmanx kuex ngaz rueq thvl wvnc tauk,” ngoz tueq jungx tueq.

WEAWEA 3:40 Referencias Cruzadas

Tvtsvmc 87:6

Tatiwe raq maiq phan mangthun mangwea raüpot na miwaiqthü wan raüta tsangshiq tarü ka Jerusalem na siti nokti siisaq nguta miwaiqthü.

ISAIA 4:3

Maiq loweatek aso ümchuwa Jerusalem na tiichong kitaq kriiti thun ka, Shiikeawe raq alai ma nguta tiichongbaiqtiiti thun asii maiqsetiim ngutiishe mingu.

WEAWEA 3:12

“Lewi phan ka ümchaü Ngi rii she. Ümtiikiiwa Ngi raq Ejip mung wa maiq chhikhu setiim kra jiipbaiq kang, Ngi raq Israilnok phan wa maiq takitek wa chhikhusetiim ka ise chhikhu she nguta iramkham maq tiibok wan kang. Kiimaq tsangshiq nyamse chhikhu ümchuwa nyungtlaq kriimin Ngi rii she nguta ramkham maq tiibok wan kang. Riita ümchaü ka Ngi raq Israilnok sere chhikhu setiim ka Ngi rii she nguta lang wan la na, Ngi raq Lewi phan kriishe ise chhikhuse ma tsea wan kang. Tsangshiq ka Ngi riishe. Ngi ka Tatiwe.”

WEAWEA 3:15

Lewinok ka aweraü maq kiimaq ata ata maq maiqwesere ka arawii wiishi maq phaho raüta maiqlare na saüli ka awea laüta rejistar na waiq thülaq nguta aming kuqto.

WEAWEA 3:45

“Ümchaü Israilnok maiqwe chhi khusetiim kra rii na, Lewi phan ka Ngi riishe nguta Ngi ma kiinong kuqlaq. Kiimahali Israilnok nyamse chhikhu nyungtlaq kra rii na, Lewi phan raq rümtlaq nyamse ka wiita Ngi riishe nguta Ngi ma kiinong kuqlaq.

Luke 10:20

Riita, shotsai winji raq namshiq aming ka taitlo ngutiika, naq chochi rongkiq. Shatmaq, kra thaq na kao raüta, namshiq mang ka ramungtan niishe waiqthüto nguta kra miitu chochi ronglaq.”

Philippians 4:3

Kiimaq ngi rai kongshi maq jaqshamti we, kongti we lei, ümniiriimin la, ara nanyino nyungnai ara kiqram wan miitu, khrum kuq haü jaq ahea miraq. Tsangnai ka ngi rai, Tsütsa Ahea ara chongke jaqsham kra tiijong wan miitu, Klemen nai nanok phunobi ahinti kongtibi rai, reraüshi maq chap wan damti, kongti nyungnai jo. Ara chongtiikai, Shiikeawe jaqshamtibi mang ka, Shiikeawe raq atrati thun mang waiq chang, lakdam thü tlaq kiijaq asi.

2 Timothy 2:19

Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.

Hebrews 12:23

Namshiq ka, ümchaü sanha, Shiikeawe setiim, chhikhu se kong sitlaq, kra triitam hea tlaq akhing poi ajong ranaiq lom dam ngutiishe saü wan tlan. Kiijaq watlaqti mang ka, ramungtan na awaiq thü wishe. Namshiq ka ümchaü sanha, maiqse angu kunli khaphoketi we, Shiikeawe wokhong niishe sitlan. Kiimaq man na, tsaitaq phong wa maiqshaq shaqti ka, Shiikeawe raq kechu maiqsetiim miishe tiija wanto. Namshiq ka tsangshiq rai adam misi wan han.

Revelation 14:4

Tsangshiq ka jechakre rai kiicham mak maq, siirairai maq siti. Tsangshiq ka junsangse kong. Tsangshiq ka Skuse jai phanphan shongati. Tsangshiq ka mangjong maiqse phong wa adaa wan. Raüta, Shiikeawe nai Skuse ma tsamwi poi wong ikha, honglu na akuq.

Revelation 3:5

Jurwa rekhat tang tlaq, kriiti ma ara khealü miirii ara mitiitsam kuq. Kiimaq ngi raq tsangshiq mang ka atrati mang lakdap wa lambaiq mang mirha. I we man na kiimaq apaiq rasetiim man na, ngi raq kholam kholiiq tsangshiq ka i sengi lü nguta rairai riirii she mirairii wan ha.